للكويتيين : بالنسبة لأرامكس

[MangaOtaku]

السلام عليكم

أنا من زمان ودي أشتري مانجا من النت

و فهمت الطريقة و كل شي .. بس لما بغيت أسجل بأرامكس

يكتبولي المدينة خطأ .. و أنا ساكن بمبارك الكبير

كل ما أحط بالبحث مبارك الكبير عربي أو إنجليزي ما يطلعلي شي

ياليت لو أحد يساعدني

بأكون شاكر له جداااااااااا

[abdulaziz1]

السلام عليكم ..

ما أدري عن الأرامكس تحديداً ولا عن الكويت .. لكن حط أقرب مدينة موجودة لك .. ~

[MangaOtaku]

همم هذا إللي سويته أنا .. ((حطيت ضاحية صباح السالم >> المنطقة قريبة و بنفس المحافظة))

و تسلم ع المساعدة .. و ياليت الكويتيين المشتركين بأرامكس يفيدونا بعد

[(animation)]

السلام عليكم

اخوي انا توني مشترك بارامكس ما صار لي اسبوع
شوف ما عليك من موقعهم ..
روح لهم احسن لك ... مكانهم بالعارضيه ( ادخلها من الدائري الخامس)
المهم
تروح و تسجل عندهم .. تدفع رسوم 10 ونص (دفعه وحده مدى الحياة) او اذا انت موظف اسأل اذا كان في عروض للشركه اللي انت فيها (انا دفعت 5 بس كرسوم تسجيل)
طبعا تعبي بيانات التسجيل عندهم ( ما راح يطلبون منك الا البطاقه المدنيه ) وراح يقولون لك اكتب ايميلك
المهم بعد ما تعبي البيانات يعطونك عنوانين امريكي و اوروبي ( على حسب الموقع تستخدم العنوان )
و راح يعطونك نموذج عن موقع امازون وشلون تكتب عنوانك الامريكي فيه ( طبعا ينطبق الكلام على كل المواقع )
وراح يعطونك مواقع علشان ثقه علشان تتعامل معاها ...
+
الممنوعات عندهم ( هذا راح يضيق خلقك .. بس لا تخاف المانجا مو ممنوعه )

و طرقه الاوزان عندهم اول نص كيلو بـ3 دنانير و بعدين كل نص كيلو زياده دينارين و نص
( للعلم دي اتش ال اول نص كيلو بـ3 ونص و بعدين كل كيلو بـ 3 وبطيئيين بس اعتقد ممنوعاتهم اقل)
المهم
ايميلك اللي سجلته راح يكون اليوزر نيم حق موقع ارامكس و الباس وورد راح يكون بايميلك
سجل دخولك بموقعهم و غير الباس وورد


ان شاء الله اكون كفيت و وفيت
و اسمح لنا على القرقه

[(animation)]

اي نسيت اقولك عن مدة التوصيل

من اول ما توصل طلباتك العنوان الامريكي راح يحتاجون 4-6 ايام شغل (احتمال توصل قبل بس هذا احتياط و علشان ما تأذيهم .. طبعا اذا وصلت الكويت راح يبلغونك بايميل و مسج )
يعني انا مثلا
طلبت العاب سوني من موقع امازون بتاريخ 25-8 وصل عنواني بامريكا 27-8
بتاريخ 28-8 دزولي ارامكس ايميل يبلغوني فيه انه استلمو البضاعه يعني يبلهم 4-6 ايام واستلم الالعاب

[MangaOtaku]

تسللللللم أفدتني وايد ما تقصر .. بس همم وين بالضبط مكانهم .. يعني يمهم مكان معروف أو يم شارع معروف أو إن أول ما أدخل الدائري الخامس بلقاهم ولا شنو ؟ ياليت لو توضح هالننقطة ^^

و آسف لو أزعجتك

[(animation)]

مجمع الافينيوز خله على يمينك .. اول جسر اصعده عادي
ثاني جسر ( اللي اهو مال الرقعي و الاندلس .. اللي يكون على يمينك صفة محلات منهم نادي اوكسجين و مطعم نايف ) الجسر هذا من تحته اخذ فوق تحت ... بعدين اول دخله يمين
لما تدخل يمين تكمل شوي سيده .. تلقى ارامكس على ايدك اليسار .. عاد انت كمل سيده لين تلقى اشارة خربانه اخذها فوق تحت .. بعدين مادري اي دخله يمين انت اذا رحت راح تدل من كيفك D:

[fuuchan]

سلاام
واااي animation مشكووور وايد صارلي من متى احووس ابي اطلب من الامازون وموقادره وايد افدتني مشكوور اخوي^_^

[(animation)]

حيااج الله
ما سوينا الا الواجب
و اي شي انا حاضر .. ان شاء الله ما راح اقصر
لا يردج الا كيبوردج