بسم الله الرحمن الرحيم
كيفكم شباب =)
من زمان عن القرمبعات الإلكترونية، في يوم من الأيام صاحبي ساكن ببيت اخوه في غرفة السواق، وكان كمبيوتره ما بيلتقط إشارات الواير لس زين، عشان كذا فكرت إني أحاول أقرب وصلة الواير لس لأقرب نقطه، ففكرت إني اسوي سلك يو إس بي طويل، عن طريق سلك التلفون العادي إلي موجود بداخله أربع اسلاك ، وعن طريق رأسين يو إس بي (ذكر وأنثى) أخذتها من بعض الأجهزة الخربانه.
طبعاً لازم تتأكد من ترتيب الأسلاك في الطرفين:
بعدين تتوكل على الله وتبدأ التلحيم، وإنتبه من إلتماس الأسلاك:
والراس الثاني نفس الطريقة وإنتبهو لترتيب الأسلاك لا تعكسونها، أنا حاط عازل heat shrink عشان يكون منظره حلو وما يحصل إنقطع أو إلتماس
أتمنى إنه المشروع يعجبكم ^^
على فكرة، كل ما يزيد طول السلك تزيد المقاومة، يعني ممكن لو كان السلك طويل مرة تحصل مشاكل في تشغيل الأجهزة، عشان كذا كل ما كان السلك طويل حاولو تاخذون سلك سميك، لأنه كل ما زادت سماكة السلك قلت المقاومة ^^
مشكور يا مخترع المنتدى
رد: وصلة USB بطول 5 أمتار
وإنت روعة زي فكرتك
