السلام عليكم و رحمة الله و بركاته
$$**--مقدمة--**$$
نعيش هذه الأيام تحولات غريبة !
نشوف الناس تحول أراءها في لحظة
و من كان في اليمين سار في اليسار
و من كان في اليسار سار في اليمين
و من كان فوق سار تحت
و من كان تحت سار فوق
و من كان شمال غربي .. << أقول لا تزودها <.<
$$**--التحول !--**$$
المهم
قبل حوالي 3 أشهر خلصت الترم الثاني في الجامعة
و بدأ الصيف
و بعدها بيومين السواق يشرد و يسحب علينا
شرد الـ!@#$ ابن !@#$!@# و سرق التلفيزيون و التلاجة عساها تنفجر في وجهه
نفسي أعرف كيف شالهم بس<< أتذكر لمن أشتريناها انا و إثنين شلناها
المهم
بسبب عدم وجود سواق ، انا أشتغلت سواق العيلة
و بينما الشباب فالين أمها
و مبسوطين
و رايقين
انا
من مشوار لمشوار
و إذا مو مشوار للوالدة
مشوار للأخت
أو للعمة
أو للجدة
و المشكلة
أكون سهران طول الليل
و انام أبو 8 أو 9
عشان تصحيني الوالدة بعدها بساعتين عشان تبدأ سلسلة المشاوير
و الله أسوق و انا مني شايف الطريق
و شوفو كيف السواقة الإبداع
قطع إشارات
و عكس سير
و تجاوز خاطئ
و تجاور الخط الأصفر
أبشركم جمعت حوالي 1500 ريال مخالفات في حوالي شهر
و الوالد شوية و يشوتني لمن قلتله إن ولدك طفران ما عنده ريال و إنت راح تدفع
المهم
أستمر الحال حوالي شهر
$$**--الهروووب العظيم--**$$
إلين الحمدلله جات فيزا بريطانيا
و رحت هناك أدرس أنجليزي حوالي شهر و نص<< إنجليزي مين والله إنك جبت العيد بس خلينا ساكتين و بلاش فضايح
لا والله درست تمام تمام
و رغم إني أسبوع سحبت على المعهد أعطوني الحضور 100 % << معهد بريطاني بنكهة سعودية
المهم
و انا هناك
الوالد يكلمني
و يبشرني ، يقولي جبنا سواق
و انا أقول الحمدلله
بعدها بإسبوع الوالدة تلكمني تقولي السواق راح ، ما كان كويس
و بعد فترة الوالد يبشر
و الوالدة تفجع بزوال السواق
و قبل ما أرجع بإسبوع
جا سواق
و الوالد يقول إنه تمام
و الوالدة تقول إنه ممتاز
انا أنبسطت
$$**--الرجوع لأرض المعركة--**$$
قلت أخيرا الواحد يروق و يرجع البلد و قلبه مطمن
و يوم ما أرجع
المفاجأة الكبرى
السواق شرد
و أخد معاه التلاجة !! << WTx
إيش حكاية التلاجات أللي بس تنسرق !!
شباب إذا أحد شاف تلاجة LG فيها شخط على اليمين ترى حقتنا
المهم
تاني يوم من االرجوع
بدأنا شغل المشاوير تاني !
والله حرام بأشتغل سواق من غير راتب
يا جماعة أحد يلحقنا بس، أحد عنده سواق كويس و ما يفشخ ثلاجات يقولي بالله
و بس
و سلامتكم
المشاركة الأصلية كتبت بواسطة Frfoor 98
