هو صح سعر الجهاز كيذا ولا يبغى يمشيني ؟

[ولد رزه بس رجه]

السلام عليكم

كيف الحال ؟ .. تمام !

انا حبيت استفسر عن البي اس بي

رحت محل جيم ماستر و سعرت الاجهزه اللي عنده

قالي في نوعين نوع مطور و نوع مو مطور

المطور : بـ 1300 ريال بدون ضمان
يشغل الالعاب الكوبي
اللي مو مطور : بـ 700 ريال و بضمان
يشغل فقط الاصلي

اقدر اشتري اللي مو مطور و انزل الالعاب من النت او لا ؟

انا جديد عالجهاز هذا يعني ما ادري هو صح كيذا اسعار ولا اشوف محلات ثانيه ؟ ..
انا ما اعرف محلات تبيع بي اس بي الا جيم ماستر و مكتبة جرير

اتمنى تفيدوني بـ السعر و الضمان صح هوا كيذا ولا بس يبغى يمشيني ؟

[كيفي مواطن]

السلام عليكم

انا اللي اعرفه

تقدر تغير النظام
وتحط العاب عالميموري

بس انا نصيحتي الك

خذ اللي معاه ضمان

وغير النظام و حط العاب

بس انا ما اعرف كثير عن الانظمة

يمكن حد غيرك يفيدك من الاعضاء

[نهى احمد]

صحيح يمكن حد غير يفيدك من الاعضاء

[أحبيني بلا عقدٍ]

وعليكم السلام


الأفضل إنك تاخذ اللي مو مطور وتطورهـ بنفسك

>> هذا اذا انت راح تحمل الألعاب وتحطها فيه

أما إذا بتعتمد على محلات الألعاب في تركيب الألعاب فـ خذ لك المطور وجاهز


بس إذا بـ تاخذ جهاز غير مطور .. لازم يكون قابل للتطوير

مثل PSP 1000 .. >> جهازي الدوووب FAT

و PSP 2000 مدري PSP 2004 >> النحيف SLIM


انا ما عندي فكرة عن الأنواع الجديدة من الـ PSP .. إذا هي تتطور أو لا

لأني أخبرها ما تتطور

[نهى احمد]

ما قصرت فى الرد

[Al-RaQmi]

مدري اذا اشتريت الجهاز ولا باقي
على العموم يقولون اسأل مجرب ولا تسأل خبير ^^
كلام المحل صحيح 100%
جهاز PSP يحتاج برمجه (تطوير) حتى تشغل عليه العاب الكوبي (التحميل من النت)
وللجهاز موديلات كثيرة بعضها مايدعم البرمجة فبكذا مايشغل الا العاب اصلية .. وسعر اللعبة الاصلية في حدود 120 ريال وهذا الجهاز هو الموجود عليه الضمان وسعره 700ريال

الموديلات الجديدة من الجهاز صارت غير مدعومة بالبرمجة فمن كذا ارتفع سعر الجهاز المطور (يشغل العاب الكوبي المحملة من النت)
وصار في حدود 1000ريال
جيم ماستر سعره مرتفع شوي وبشكل عام محلات الشمال
نصييييييييحه اخذ المطور والجاهز من نفس المحل حتى تضمن انه شغال للكوبي تمام ولا تتورط في الجهاز مثل ماصار للاغلب
.. عندك محلات البطحاء-محلات الزعيم-محلات القرصان اتوقع راح يكون السعر في حدود1000ريال
اخذ الموديل psp slim 2001 هو الافضل
واي استفسار تفضل

[عبّاس]

الصراحة 1300 مررررة كثير. انا لقيته عند جيم ماستر (سليم) ب 990 او 1000 معاه ميموري 4 جيجا و فيه العاب بضمان.

أنا عن نفسي ترى اخذت اللي مو معدل ب 650 من ألعاب طوكيو, اشتريت الميموري ب100 و حملت الألعاب بنفسي.