السلام عليكم ورحمة الله وبركاته
كيفكم اعضاء المنتدى ؟؟ 
ان شاء الله بخير طبعا هادي مشاركتي في مسابقة الطبخ
حبيت ا شارك ب(( ادااام الكاري ... بإذن الله ينال اعجابكم
بس قبل لا نبدا ابغى اقولكم اش حصلي موقف هداك اليوم
تخيلو كنت متحمسة للمسابقة ونزلت اطبخ عشان اصور واشاارك
نسيت اصور .... ما افتكرت الا فين .....الحمد لله لحقت ..
تخيلو طبخت وخلصت وانا ما صورت ... ولاهادا وانا متحمسة كمان بالمرة .. ونسيت ...كيف لو مني متحمسة ؟؟
الحمد لله بس...... طيب .... طبعا انا طولت ... هيا نبدا ...
طبعا انا حابة اضع هادي الطبخة لكم للفائدة وللمشاركة واخص بذلك للي يحبو الاكل الهندي
لانها اكلة هندية هي عبارة عن اداام الكاري .... للي يعرفو مطعم تاج محل في جدة هدا الادام يشبة ادام عندهم مو نفسو .. انا حاولت اعرف مقاديره من طعمه وهدا الي طلع معايا
الطريقة :
اولا : نقطع اوصال الدجاج ونضعها في قدر ونضيف اليها
3 ملاعق حليب محلولة في ماء - يوضع معها ملعقة كاري
وتترك قليلا.. لمدة 5 دقائق وشكلها يكون هكذا
ثانيا : هنا تبدا الطبخة .. نحضر قدر ونضع في زيت بعد تجهيز الاتي
المقادير : بصلة - زنجبيل وفص ثوم مطحوم - 1 علبة معجون - 2 ملعقة كاري
فلفل احمر - كزبرة - كركم - كمون - قرفة وقرنفل- 2 ورق غار - ملح - فلفل اسود
مع الترتيب في وضع المقادير
هدا الزنجبيل
وحبيت احط صورة البهارات للمبتدئ .. لاني انا صراحة ماكنت اعرف من اول طبعا .. لكن دحين اعجبكم 
راح تلاحظو ملعقة صغيرة ... هادي الي استخدمتها في المقادير
تقربيا نصف انملة
ويكون شكلها النهائي هكذا ..
طبعا هذا ياخذ مننا ثلث ساعة ..
وكل شوية حطو موية اذا نشف بس مو كتير
طبعا شوفتو الدجاج الي قبل شوية هدا .. ما ننسى
نحضر قدر في زيت على النار ونضع اوصال الدجاج مع الحليب تاخذ نصف ساعة
وتصبح هكذا
بعدين نحط الدجاج وخلطة البهارات مع بعض..
بعد ذلك نضع الكريمة ..
كريمة الخفق
بعد الخفق
وشكلها النهائي ^ ^
قبل الخلط
بعد الخلط
تمت بحمد الله ...
طبعا راح تسالوني اش دااا
؟؟؟
هدا الكبتشينو الي شربتو بعد ما خلصت ^ ^"
تحياتي لكم وبالهناء والشفاء
وبالتوفيق للجميع
................................................
مشاركة المسابقة ... طبخة هندية ولا مطعم تاج محل ^ ^
