السلام عليكم ورحمة الله وبركاته ..
تم وبحمد الله العمل اللي استهلك مني وقت وجهد كبير ..
TOTC او المعروف به TOC10/25
بدايتاً بنتكلم عن هذا الريد اللي ممكن يتشكل من عدد 10 اشخاص و 25 شخص .. وفي الآونه الأخيرة بدينا نعاني من شي أسم الأرشيفمن او achievement ولا نقدر نقول أن الكل عنده او ماعنده .. لكن بنحاول انا نحصل على هذا الرشيفمنت بستخدام مهاراتنا ودقت استيعبنا وسرعة تصرفنا ..
بس حبيت اعتذر أني ما قدرت احصل على الصور الخاصة ببعض الآد add والبوسيه لاكن بنتكلم عنهن بدقه
في البداية ممكن القروب10 يتشكل من عدد 3 هيلرز 2 تانك ومجموعه من الميليز والرنجرز ..
البوس الأول يتكون من ثلاث مراحل :.
(المرحلة الأولى p1) هو بوس على شكل ماموس أو شي من هذا القبيل (للأسف ماقدرت احصل الصور) وهو يطلع أدد يركب على راس اللاعب .. ويسسبب دمج وسايلنت .. يبهدل الهيلر وايد .. والشي الثاني هو انه يقوم بقذف فاير بتجاه الرينجرز والهيلرز .. ويعمل ديباف للتانك وهذي يخلي التانك ينقص بشكل كبير..
بالنسبة للتانك : اذا كنت الماين تانك تبدأ وحاول تخلي البوس معطي ظهره للريد يعني خل وجه البوس بتجاه الباب اللي دخل منه البوس .. وانته تتنك البوس .. بيسوي فيك ديباف لازم مايوصل أكثر من ثلاثة .. يعني هوه نفس البف .. كل شوي يزيد لمرحله من واحد ومافوق .. يعني بعد مايستوي الديباف 3 لازم الأوف تانك يسحبه .. يعني هو عبارة عن سويج او تبديل ونفس الشي اذا كنت الاوف تانك لازم تشوف الديباف وصل لإي مرحله ويسحب البوس .. هذا هو الرتيب بالنسبة لهذا البوس لين مايتم القضاء عليه ..
بالنسبة للهيلرز : ابتعد عن الفير بالأضافة انك تهيل القروب .. يعني مافي صعوبه ..
الميلي دي بي أس : فل دي بي أس على البوس ..
الرنجر دي بي أس : شغلهم هو يسون دي بي أس على البوس بالأضافة للآد اللي يطلع ويركب على الهيلرز او الدي بي اس .. بالأضافة لانهم يبتعدون عن النار الصادره من البوس ..
(المرحلة الثانية p2) هو عبارة عن بوسين على شكل افعى أو دودة كبيره .. شي من هذا القبيل .. وهذا البوس يسوي ديباف للقروب ولازم تعرف تتصرف بسرعه عشان ماتموت والدي باف الثاني هو عباره عن ديباف نار
بالنسبة للتانك : الماين تانك ياخذ البوس أول مايوصل ويكون بتجاه اليمين من الباي اللي دخل البوس منه او بتجاه نضرك .. والاوف تانك يكون يسار الباب وتبدأ مرحلة التانكينج .. البوس يسوي مثل الديباف بالنبة للتانك لا تغير مكانك ولا تتحرك الهيل بيكون عليك شغال .. بعد فتره يختفون البوسين ويعودون ..
يعني بتمر على البوسين مرحله ينخشون في الارض ويطلعون
بالظهور نكلم مرحلة التتانكي الي ان يموت البوس الأول ونستمر الا ان يتم القضاء على الاثنين
بالنسبة للهيلرز : لازم تكونون اكثر دقه يعني يكون في توزيع في الهيل بشكل افضل .. بالأحرى ان بتكونون بتجاه الاف تانك يعني البوس اللي عاليسار .. لانه الديبي اس كله عليه .. وبعد ما يسوي الديباف لازم تهيلون الاشخاص اللي عليهم الديباف .. واذا ركب عليك الدي بف لازم تجري صوب البوس اللي عند الماين تانك وتلزق فيه بيروح الديباف عنك .. ولا تنسى تهيل عمرك بسرعه .. وبعد القضاء على الاول الثاني بيسوي دي باف نار اوشي احمر .. حاول تبعد شوي على الريد او توقف في مكان محد فيه لانه يسوي دمج لكل من هو بجمبك وهيل نفسك وهيل القروب ..
دي بي أس : بشكل عام فل دي بي اس على البوس اللي بتجاه اليسار واذا معاكم هنتر او انت هنتر سو مارك للبوس اللي على اليسار عشان يسهل تمييزه بعد عملية الاختفاء او تقدر تحدد المكان اللي ممكن يطلع منه ونفس الشي واذا ركب عليك الدي بف لازم تجري صوب البوس اللي عند الماين تانك وتلزق فيه بيروح الديباف عنك واذا كنت رووق كلوك اف شدوو واختصر وفي المرحله الثانيه او بعد القضاء على البوس الاول الثاني يسوي دي باف نار اوشي احمر .. حاول تبعد شوي على الريد او توقف في مكان محد فيه لانه يسوي دمج لكل من هو بجمبك..
(المرحلة الثالثة والاخيرة p3 ) وهو عبارة عن بوس جامد شوي وهو البوس الرئيسي .. هذا البوس يسوي دمج عن طريق نفخ جليد والشي الادهى هو ان يقفز للمنتصف ويرمي كل الريد على الاطراف ويعطي ستن يعني عملية الرمي بتكون عشوائية بشكل دائري وعلى شكل الساحة ويقوم البوس يختار تارقيت ويرجع لورىوينطح التارقيت نطحه محترمه خخخخ يعني بتسوي دمج او بختصار انته مية حتى لو كنت التانك ..
بالنسبة للكل بيكون الترتيب كالآتي :
التانك ياخذ البوس دائماً على طرف الساحة والأوف تانك يكون ريدي في حالة اذا مات التانك الهيلرز هيل القروب واللي يتعرضون تحت تأثير الثلج او السقيع الصادر من البوس والدي بي اسم فل اتاااااااااااك لكل القرب عند مرحلة النطحة يكون عندك مجال خفيف مايقارب 4 ثواني للهرب يعني تركض بالاتجاه الثاني او اذا شفت البوس رايح ينطح واحد على يمينك انته اجري يسار والعكس .. واذا بينطح انته اختر اي طرف
طريقة الجري تكون بشكل دائري .. يعني لا تجري بتجاه البوس وجه لوجه .. يعني بختصار خله ينطح الجدار او الطوفه بتحصل دمج اعتقد بنسبة 100% او 50% في هالحدود وبيكون البوس مدوخ يعني فل دمج ..
(البوس الثاني ) بيدخل وارلوك قينوم من البوابة اللي يدخلون منها البوسز وبيسوي سامون للبوس اللي هو على شكل ديمون او شيطان ولونه أحمر .. هذا البوس عنده عدة طرق للفايت .. وهيه كالآتي :.
1 – أستدعاء ديمون على شكل مرأة ..
2 _ ديباف باللون الأخضر ويكون نفس السم الأخضر أو نار خضرة شي من هذا القبيل وهذه النار تسيل
وتحرق كل من هم بجانبك ..
3 _ ديباف أحمر ويسوي عليك دمج ..
4_ استدعاء انفيرنو وبدوره يشل اي واحد عداله ويطيره ويدور به ويسببله دمج كبير .
بالنسبة اللتانك كالآتي : الماين تانك يمسك البوس والأوف تانك يتولا مهام الديمون المرأه والانفيرنو وقت الأستدعاء يعني يستدعي المرأة قبل بعد القضاء عليها يستدعي الانفيرنو .. نادراً مايصير الماين تانك بالديباف لكن الأوف تانك ممكن ينصاب بالديباف ..
الهيلرز : تهيل القروب بالأضافة إلى الأبتعاد عن المكان اللي ممكن تطلع منه المرأه .. وفي حالة سمعت ينادي انفيرنوا بتطلع مثل الجبال البركانيه باللون الأخضر وتكون صغيره .. ابتعد عنها لانه انفيرونا بيطلع منها ..
بالنسبة للميلي: فل ديبي اس على البوس ..
الرانجرز : على البوس وعلى المرأه الديمون يوم تطلع .. بالأضافه إلى انفيرنو ..
وبالنسبه للقروب ماعدى الماين تانك .. في حالة الديباف الأخضر اول مايجيك اختار بسرعه زاويه مافيها حد لانه يسوي مثل الحمم البركانية الخضره واللي ممكن تأدي لقتل اثنين او ثلاث اشخاص.والبنسبة للبف الأحمر بس اجري بعيد وتريا يخوز الديباف لكن الاخضر هو الاخطر .. يعني مثلا ايي واحد ميلي .. ويكون لازق في
البوس ويحرق كل من جمبه من ميليز او تانك .. يعني يجب اخذ الحيطه والحذر ..
( البوس الثالث ) هذا البوس يعتمد على شي واحد .. هيه مهارتك في لعبة ال PVP لانه الفايت بيكون مع كم بوس من الهورد .. في 10 ايوك عددهم 6 في 25 عددهم 12 او 10 ما اذكرهم زين .. يعني في هالبوس انته بعيداً عن عالم الدنجنات والريديات كأنك في أرينا ..يعني فل نفرض انه في وارلوك .. شو اللي ممكن تحصله منه .. فير + ديبفات .. نفس الشي لو قلنا شامان هيلر .. بتكون شغلته هيل القروبز ..لكن للأسف مافي اي تكتيك معين هني .. يعني على حسب ترتيب الليدر .. انا بسوي تكتيك من عندي لل10 ..
فلنفرض ان القروب اللي ضدنا كالآتي .. دثنايت-واريور-بريست هيلر-درود هيلر-شامن انهانسمنت-هنتر
والقروب الخاص بنا 2 تانكس +3 هيلرز + 5 دي بي أس اول شي بنفضي على البريست والدرود والشامن
الماين تانك على الواريور الاوف على الديثنايت
الدي بي أس .. مثلاً عندنا وورلك الوارلوك اقوله انته سو لدروود بنش + الشامن فير ونبدأ الدي بي أس على البريست ونقول لأي حد في القروب سي سي يسوي للهنتر .. ولازم على كل مانروم نسوي سي سي نسوي .
الهيلرز اشتغلو هيلز وديسيبل الديباف للقروب ..
(البوس الرابع ) هو عبارة عن بوسين على شكل طير او شكل ديمون يطير .. بلونين ابيض واسود او دارك ..
عند كل واحد تطلع دائره بلون مختلف عن لونه يعني الابيض يطلع جدامه دائرة دارك او بورتل دارك او داكن اللون والدارك يطلع جدامه بورتل أبيض.. والبوسين يسون دمج دايركت للقروب .. ويطلعون مثل الدوائر الصغيره باللون الأبيض والاسود .. بالأضافة كل بوس يسوي مثل الأركين على نفسه يسبب دمج كبير ودايرك اللي مايعرف يتصرف هو من عداد الموتى بلا شك خخخ .. وكل بوس يسوي على نفسه مثل الأبزورت او الببل اذا انتهى الكاست البوس يهيل نفسه ..
بالنسبة للتانك : كل تانك ياخذ بورتل او يروح عند لون .. حسبب التكتك المستخدم ..وترى التانكين الوحيدين اللي في القروب مايتحركون من مكانهم .. يعني اتنك البوس إلى النهاية .. في شوي تكتيك هذابتكلم عنه بشكل عام .. ونفس الشي مرحلة التبديل بنتكلم عنه بس يفضل انك اذا تحمل اللون الابيض ان..
الهيلرز .. دوم يكونون ويا القروب .. بستثناء هيلر واحد يكون في المنتصف .. عشان يهيل التانك اللي راحل لحاله ويساعد الهيلرية الثانين على الهيل ..
الدي بي أس .. الكل يكون في اتجاه الاوف تانك ويبدأ الدي بي أس على البوس .. للعلم أنه انه البوسين يحصلون نفس الدمج .. يعني اذا نقص هذا مليون الثاني ينقص مليون يعني نكون على واحد عشان مانغلط وتاخذون نفس اللي اللي ياخذه الأووف تانك ..
بالنسبه للتكتيك .. البوس يطلع دوائر تتحرك باللون الابيض والاسود .. اذا كنت حامل البورتل الابيض خذ الدوائر البيض واذا كنت حامل البورتل الابيض خذ الدوائر الدارك او السوده .. لكن هذا الكلام هب للتانك ..خلك نفس ما انته ولا تتحرك.. الكل وقت مايبدأ البوس يسوي كاست نبدل للون الثاني يعني فلنفرض انك حامل اللون الدارك وكنت عند البوس الأبيض وفجأه بدأ البوس يسوي مثل الكاست مدة يمكن 5 ثواني او اكثر شوي دايرك اجري صوب البورتل الابيض وبدل هذا لكل القروب ونفس الشي التانكيه اذا كنت اي واحد وشفته يسوي كاست دايرك بدل لونك بستخدام البورتل ويفضل ان كل تانك يتنك البوس جمب البورتل المعاكس للون اللي يحمله التانك عشان موضوع الكاست .. بعد الكاست هذا يسوي البوس اركين تسوي ممكن دمج 7K لين 10K ويعني اذا كنت تانك هيلر دي بي اس ميت لا محاله ..
والنقطعه الرئيسية في اللي هو موضوع الابزورت او الببل اللي يسويه البوس .. اذا كنت عند البوس الابيض وتحمل البورتل الأسود وشفت البوس الأسود استوى عليه ببل دايرك بدل دلونك للأبيض وروح للبوس الاسود هذا الكلام لكل الدي بي اس ترووح عليه فل طمج عشان تخوز هالابزورت واول مايروح الابزورت او الببل خلاص بدل اللون الأسود ورجل للبوس اللي كنت عنده اللي لونه ابيض .. هذا الكلا للكل ماعدى التانك
التانك يسوي بس سويج وقت الأركين لكن طول الفتره يكون مع نفس البوس مايبدله ..
البوس هذا تكتيك اكثر ماهو دمج للعلم ومافيه يمه رحميني مرحلة الدمج يوم الابزورت بس ..
(البوس الخامس والأخير ) البوس عباره عن خنفساء وايعله شرى مانسيما .. وكلنا نعرفه .. هو نفسه البوس اللي في هروك AN اخر بوس .. البوس هذا له مرحلتين بنتلكم عنهن والمكان مليان بالآدد يعني منطقه ملغمه والفايت بيكون على الأرض وفي فترات البوس بينخش في الأرض لفترة وبتكون في مطاردات للي يختاره البوس عبارة عن عن طريق مثل السكاكين الحادة اذا لحقتك او لحقت اي واحد بيروح فيها .. ويطلع البوس نوعين من الآدد الكبير والآدد الصغير .. والمرحله الاخيره البوس ينشر دي بالف على الجميع ينقص القروب كله , الآد الصغير يسوي دي باف بس تأثيره خفيف اذا مازاد عليك .. ويكون في ثلج فوق هذا مفيد .
التانك : الماين تانك على البوس الأوف تانك على الآدد الكبيروفي الوقت اللي يختفي فيه البوس يساعد الوف تانك على الآد الكبير إلى مايطلع البوس مره ثانيه ..
الهيلرز: يهيلرون القروب وفي المرحله الثانيه او P2 هيل القروب بنسبة 30% من أجمالي الهيلث او40%
الدي بي اس : لازم يكون من مهام واحد في القروب انه ينزل الثلج اللي فوق وينتشر على الأرض وهالمهمه لازم يقوم بها رنجر .. وفي حالة قدوم الأدد الكبير كل الدي بي اس فل دمج عليهن ومن ثمه نرد على البوس ..
وبعد اختفاء البوس والقضاء على الأدد الكبير تحاول نبعد الأدد عن الهيلرز ..
الحين بنسبه للسكاكين اذا طاردتك أتي عليك مثل علامة الهنتر هذا كتنبيه .. ماعليك الا تجري وتوقف على
الثلج حتى لا يصيبك ضرر وتروح السكاكين وفي هالحاله يزول الخط وهذا الكلام للكل الريد ..
وفي النهايه اقول اذا في اي نقطه مانفهمت بحاول اوضحها زين .. والسموحه على الشرح المتواضع
للأسف ماطاع عندي يفتح موضوع يديد فقلت على الأقل افيدك .. الله اعلم شو اللي سوته الإداره 
عضو نشيط
