مشكلتي مع مدرسة الثانوية

[Majidooo]

السلام عليكم
اخواني انا طالب في مدرسة الثانوية الصف 11 علمي
اليوم صارلي موقف طلعني من طوري بصراحه
دخل علينا موجه الإنجليزي و نادى اسمي و قال "سجلناك في مسابقة الإنجليزي"
قلتله مابي ادخل هذي المسابقة لأنه راح تطوف علي دروس وايد
قالي مو بكيفك, شنو يعني مو بكيفي ؟؟ مو الطلبة اللي يختارون المسابقات اللي يبون يدشونها ؟
الحين راح تطوفني حصص كثير وخاصه العلمي يبي متابعه بدون تطويف حصص
ولا يقول إذا فزنا يمكن يسفرونا دول ثانية

بالله عليكم في عدل بالموضوع ؟ وفي حرية حق الطلبة ؟
شنو راح يكون ردك لو كنت بموقفي هذا ؟

[spencer]

وعليكم السلام

لوني في مكانك اخبر الوالد وهو يتفاهم معه

[Look up]

السلام عليكم ...
هممم

بالله عليكم في عدل بالموضوع ؟

لا ..
و ألــف لا

وفي حرية حق الطلبة ؟

بالطــبع . لا

شنو راح يكون ردك لو كنت بموقفي هذا ؟

أنـا أقولــك ردة فعلــي ..
راح أقــول :
شـوف ستاذ .. و بكل احترامـي , أنـا آســف ما أقدر أشترك بالمسابقــه . و فكرة السّفــر أهلـي يقدرون يسفرونــي .. ردت علـيك إنــت بتسفّرنــي . و شوف أستـاذ . مصلحتـي بدراستـي . مو بالمسابقــات و الأنشطــه . و الدراسه متعلقــه بمستقبلــي . أمـا المسابقه فليس لهـا دور في بناء مستقبلـي . أنـا في وقت للدراسـه و متابعة دروسـي . فأعتذر يا أستاذ . و أنـا آسف .
و بكل حترام أجلس بمكانـي .. و بهدوء و بثقــه .
أمـا إذا أصر بالتسجــيل للمسابقــه . سأشتكــي عليه عنــد الإداره . هم سيتصرّفـون معـه ..

و هـذا كل ما سيحصل معـي . إن كنت مكانــك ..
أنظر أخــي العزيز ..
تمسّــك بدراستك . ولا لك دخل بتلــك الأنشطه المضيعه للوقــت .
و إن أردت شيئـاً .
فقط اسألنـي . و إن شاء الله أكـون منفذ لـك طلباتـك ..
تحياتـي لـك .
Look up
و شكراً

[Akira]

كيف الحال أخي ؟

من ناحية عدل ... لا

بس يمكن شافك متميز بالانجليزي وألزم ياخذك

شنو راح يكون ردك لو كنت بموقفي هذا ؟

بروح ..... !!

[مارد المـصباح]

أخوي
مافي شي بالقوه ...
بس اعتقد انهم لاحضوا انك متميز وخافوا يخسرونك

بنسبه اذا كنت متردد ... شاور اهلك ..وستخر

واذا قررت انك ما تشترك
الوالد يتفاهم معهم اذا ما ردوا عليك

واذا قررت تشترك ... القلب داعيلك ..واتمنى تطلعنا وش يصير معك ...وتفرحنا بنجازاتك

تحياتي لك

[alkhattab]

أكيد برووح لإني دافوور وماني خايف من الحصص اللي بتروح علي

[سامي.خ]

يا رجال قولهم طيب، وفي اليوم الثاني إسحب عليهم XD
شكل مستواك في العنقليزيه ممتاز ما شاء الله، عشان كذا يبغونك تشارك غصب...
عاد الله يوفقك وصلي الإستخاره وشوف ربي وش يختار لك، ممكن تكون خير لك

[Neaِr]

اممممم .. في الإبتدائية اشتركت في مسابقة ابداعية على مستوى المملكة واحرزت المركز الثالث على المملكة .
في المتوسطة .. تم تكريمي من وزير التربية والتعليم نفسه كأفضل طالب موهوب في المملكة على مستوى المدارس المتوسطة .
في الثانوية تم تقديمي لجمعية الطلاب الموهوبين .. وطلبتني جامعة الملك سعود كداعم فني للموقع .. و طلب مني مندوبين من المركز الوطني للقياس والتقويم للتعليم العالي ابتكار جهاز صغير للتدريب على اختبارات القياس والتحصيلي .. مع اني كنت طالب في الثالث الثانوي .

فلم اجد منهم سوا " استغلال " قدرات بدلاً من " تنمية " قدرات .

ولذلك الخلاصة :
1- لا يستطيعون غصبك .. انما هي فضاضة فقط في اسلوب الي كلمك مالها دخل في الباقين .
2- ان كنت طالب كفاءة وتخاف مستقبلك لا تخاطر .
3- اشتراكك بالمسابقة راح يكسبك كثير من الفوائد والشهرة وحتى النفوذ ، وراح يكسبك اكثر اذا احرزت اي مركز في المسابقة .
4- اذا كلمت ادارة المدرسة عن عذرك بأنك تريد حضور الدروس .. ما راح يقصروا معك في تسهيلات ودرجات مجاناً كما حصل معي <<< انا كنت داخل على حساب المدرسة في سيرفر الوزارة وكنت ادخل درجات وازود بكيفي بسبب تسهيلاتهم لي .
5- ستجدهم يستغلونك ... لكن استغلهم انت !


لكن رأيي .. لا تفوت الفرصة .