اهلا فيك اخوي ثامر وحيآك بين اخوانك
ماشاءالله الأعضاء في تزايد مستمر
شوف اخوي انت اول شي عندك 18 كيلو زياده = طبعا في شحوم ودهون
بالتالي عليك اول شي تفكر فيه هو التخسيس
بعدين تفكر في التضخيم وبناء العضلات
ومن ثم التنشيف
وكل هذا ياخذ مده طويله جدا ويبالها صبر وجديه وتركيز وتنظيم
بالنسبة للتخسيس
يجب عليك انزال الوزن الزائد والمتراكم باتباع تمارين المشي والمشي السريع والهروله + تمارين البطن والخصر + السيكل + تمارين سويديه - واذا السباحه شي متوفر عندك فا راح يكون شي ايجابي لك
هذا طبعا كله قبل تمارين الحديد وهو عبارة عن تسخين بس قوي شوي
مثال
مشي 10 د - مشي سريع 10 د - هروله 15 د - سيكل 10 دقيقه
بعدين تروح لتمارين البطن تسخين بدون اوزان
مثلا 3 جلسات مستوي 20 عده |نازل 15 |مرتفع 10
ومن ثم الخصر
وبين كل تمرين وجلسه الراحه لاتتعدى دقيقه او دقيقتين
تمارين ظهر تسخين - تمارين صدر تسخين ( بنش او ضغط ) 3 جلسات لكل منهما والعدات يكفي 10
بعدين تنتقل لتمارين الحديد واوزانك كلها خفيفه الى تحت المتوسطه والجلسات 3 والعدات تكرار عالي بس بشرط تطبق العدات كلها كامله وبشكل صحيح وبتركيز
طبعا انت حاليا دام مكمل شهرين فا اكيد تمشي على جدول معين فا ياريت تعطينا الجدول نشوفه
..
التغذيه
تقسم وجباتك الى 4 وجبات فقط وبين الوجبات فواكه خفيفه
ابتعد عن الدهون والكوليسترول والاكلات المشبعه والغازات
اتبع نظام رجيم متوسط في اول اسبوع وبعد اول اسبوع رجيم شبه قاسي
ركز على البروتينات والكاربو هايدرات لانك تحتاجهم كثير خصوصا بعد التمرين
..
المكملات الغذائيه
لاضرر من اخذك لمكمل واي بروتين بشرط يكون فيه الفات اقل من 2 جرام والسكر يكون منخفض والسعرات ماتكون مرتفعه
..
حوارق الدهون
الليبو 6 ممتاز وهناك منتجات عديده فا يفضل انت تستخدم احد هالمنتجات لحرق كمية الدهون بشكل اسرع
..
ومثل ماقلتلك عزيزي انت بحاجه الى تخسيس وليس تضخيم ولاتحتاج امينو ولا انمال بمب ويكفيك الواي بروتين جولد اضافه الى حارق الدهون فقط
وبعد ماتوصل لوزنك المثالي لكل حادثن حديث
بالتوفيق
