مشكلة مع ولديـ ... مب عارف كيف اتصرف

[.::RaK_BoY::.]

بسم الله الرحمن الرحيم

السلام عليكم ورحمة الله وبركاته

كيف حالك إن شاء الله دائما بخير ؟

الحمدلله والصلاة والسلام على رسول الله وعلى آله وصحبه أجمعين



قبل كل شي الله يرزقن واياكم الذرية الصالحه...

الله يسلمكم ولدي عمره سنة وشهر



مشكلته انه واااااااااااااايد متعلق بأمه



لدرجة انها بس تطلع من الغرفة يصيح

تروح تغسل ايدها يصيح



كل ما تروح عن انظاره يصيح



لدرجة اني طفرت من صياحه



مرات اضربه واصارخ عليه.... مب حاله



انا مب دوم موجود عنده فالبيت لاني اداوم فالبترول... وامه فترة الصبح تروح الكلية



نخليه عند يدته...بالعكس "سلطان" وايد يحب يدته لدرجة ان مرات يفضل يدته على امه ويستانس هناك ويلعب من دون ما يفتكر بأمه



فشو الحل؟

اخاف استمر بعصبيتي له وبعدين يخاف مني

[Akamah]

مرات اضربه واصارخ عليه.... مب حاله

اخاف استمر بعصبيتي له وبعدين يخاف مني

و عليكم السلام ورحمة الله و بركاته
هو بيتعلق بيهم لأنه دائما معاهم مش معاك
و إذا ضربته مش هيقعد معاك و تكون مشكلة إذا أضطرت الأم لتركه معك أحيانا
بدل الضرب و الصراخ عامله كما تفعل أمه و جدته
يعني عامله بحنان و لا عبه و هاتله حاجة بيحبها و انت راجع
في البداية هيرفض يلعب معاك أو يجيلك و امه موجوده فلازم تسيبه و متخدوش منها بعنف
لكن مع التكرار مرة في مرة هيضحك و يجيلك عادي ( تجنب أخذه من أمه و هو لا يضحك لأن ده أكبر سبب يخليه يمسك فيها )
المهم عامله بحنان مش بالعافية و افعل ما يضحكه لأنه إذا ضحك فهو مرتاحلك و تقدر الأم تتركه بسهولة و ربنا يباركلك فيه و يجعله من الصالحين

[Yasu]

الياهل تحت عمر سنتين ما يفهم الكلام و لا الضرب و لا شي
يفهم التعامل الطيب، و تعلقه بأمه شي طبيعي، و بيدك تخليه يميل لك

مثلا خلي عندك اشياء يحبها مثل كاكاو أو حلاو
و وقت فراغك جرب تتقرب له و تلعب وياه ألعاب يحبها
مثلا أبسط شي يحبونه اليهال بهالعمر انك تشيلهم على كتفك و تمشي فيهم، أو تلعب غميضة
أو تخبي عندك لعبه هو يحبها سيارة او شي من هالقبيل و تطلعها له وقت ما امه تطلع عشان يلهى فيها
ابني علاقة معاه من الحين لا تنتظر الين يكبر و يصير بعيد عنك

[Al Bhed Girl]

||... وعليـــــــــكم الســــلام ورحمــــــــة اللــــــهـ وبركاتــــ ـــــهـــ ...||



صحيح ان الطفل يزداد شعوره بالراحه لما تكون امه معاه ،،لكن لما تصل الحالة الى مشكلة التعلق
بها فهنا لازم نبادر بالحل ،،

والحل بسيط باذن الله ياخوي ، كل المطلوب من الوالدين والعائلة بعض الصبر والجهد .

الأم بحنانها وعطفها تمثل رمز الامان والاطمئنان للطفل ، فشي طبيعي انه يميل لها
لكن لما تكثر من دلالة وتدليعة فهالشي راح يؤدي الى تعلقه فيها .

عشان تعرف شعور طفلك ..حط نفسك مكانه دائما ..

تقعد من النوم والام تؤدي واجباتها من رعاية واهتمام بنظافة الطفل ولعبه ،وبارني يغني ع التي في
وانت تتلذذ ببسكويت فايرليز- قلنا تخيل -
والامور كلها ماشية تمام ..

فجــــأة !! ..الأم لابسة عباتها ومتوجهه للباب وتاركه الطفل عند احد من الاقرباء ،و الطفل مو فاهم ليش طلعت ؟!؟!
فهنا راح تصير للطفل نوع من الصدمه لدرجه ان مزاجه يتغيرو تتحول الى طفل مزاجي وعصبي
وتقل شهيته للطعام


فيستمر توتره وعصبيته لفترة وقد تطول لين ماترجع الام للبيت ، الحين الطفل بغاية السعاده
لأن جو الامان اللي عاشة تو الصبح مع رعاية الام ( ومشاهدة بارني ) يعود من جديد !!


اذ بالام تترك الطفل مرة اخرى لاعداد وجبه العشاء او مهمه اخرى وهذه المرة عند الاب ..
فالطفل مرة اخرى مصدوم وطبعا مايعرف يعبر عن مشاعرة وعن رغبته بتواجد امه غير انه يرجع
يصيح ويصارخ ،، فالأبـــــو مو فاهــــــم الوضـــع ! XD

فيلجـــأ الاب إلــــــــــــى

مرات اضربه واصارخ عليه.... مب حاله

فشو الحل؟

اخاف استمر بعصبيتي له وبعدين يخاف مني

مو هو خاف منك بالبداية وقام يصيح لكل مرة تكون معاه



::..ملاحظة مهمة الضرب يعتبر من تعنيف الطفل


بطبيعته هو شخص فضولي دائما يلعب بالكهربا والاثاث ويشقق الورق
هو مو عارف شقاعد يسوي ولا عارف الناس ليش تطقه


الدنيا عنده مثل صفحة بيضا وهو يمشي فيها وكل شي يتعرف عليه



يدخل معاه في الصفحة البيضا ،، رجاءا لا نخلي الضرب ولا الشعور بالالم احدها



-يكفيهم آلام المغص بالليل XD-



اذا شفت الطفل تصرف تصرف خاطئ قرب منه وانزل لمستواه



وبكل عبارة لطيفة تقدر تفهمه ان هذا الشي خطا . مثلا :



الطفل قاعد يشخبط على جريدة بالطاولة وهي توها جديده محد قراها بعد .



توجه له وانزل لمستواه ولو اضطريت انك تقعد ع ركبك وقوله :



لا يا سلطان هذا الشي خطا مانشخبط ع الجريده



لان بابا وماما ماقروها بعد .



بتكون هذي العبارة كافيه بتوصيل الرساله انت عطيته تنبيه ووضحت له السبب



عشان يفهم ويتطور المنطق عنده



أوكيــــــه نرجع لحـــــل هذي المشكله ولو اني احس
اني حليت نصها لكن الخطوات الخصوصية لمشكله التعلق هنا باذن الله:


1- حاول انك تحسن من طريقة تعاملك مع طفلك . اضيف لها بعض من الصبر
وطولة البال كل اب وام يحبون اطفالهم بس الطفل ما يعرف اللي بقلبك من عطف وحنان
الا لما تترجمه لافعال حسنه وايجابيه مفيدة .
السالفة بسيطة باذن الله توكل على الله واحتسب الاجر والله معاك على طول.





2- حاول انك تاخذ طفلك معاك اذا سنحت الفرصه وتفرغت من العمل
الى السوبر ماركت وداااائما كون على حوار متصل معاه .
قوله الحين بابا بياخذ العربانه ، وبيروح لقسم الفواكه والخضار ، مستعد تروح معاي ؟؟
وانت تتسوق كلمه حاوره تراه يفهم ولو خربط بالكلام ويهو يحاول يقلدك لكن يفهم
ويلاحظ الطفل ذكي وما تتصور شقد ممكن يكون ذكاءه ، قوله هذا برتقال انا احب عصيرالبرتقال
هذا موز وهو مفيد للصحه . الحين نروح لقسم الاطفال ونشتري حفظات وبسكويت فايرليز
XD<<
صدقني راح تكسر الجدار اللي بينك وبينه ، بيكون الطفل شوي متعسر بالبداية
لانه مكون خلفية انك شخص تعصب لما يصيح وتضربه لكن مثل ماقلت لك في النصيحة
رقم 1 تحلى بالصبر وطولة البال ودايما ابتسم بوجهه عشان يشيلك من الـ
Black list

و صدقني انت موجود بالصفحة البيضا حقته لكن ابرز وجودك

>> بتقول صعب وجذي وانا غالبا بالدوام وارجع دايخ ..بقولك لا مو صعب اتصال بسيط منك بالتليفون وانت بدوامك تعبر فيه عن عطفك تجاهه وانك بتجيب له هديه حلوة مثل بالونه هيليوم اوكاكاو كيندر اي شي يسعده.هذا كفيل انه يصنع المعجزات بعلاقتك معاه .

3 - الاب او الام ،، وقت نوم الطفل حاولوا تقصون له قصص عن طفل امه قالت له يا ولدي انا
عندي مشوار صغير لازم اسويه وبطلع وبتركك عند الجده ، اتوقع منك انك تكون عاقل وهادي وماتصيح لما اطلع ، وقال الطفل لامه :

انا بكون طفل كبير والاطفال الكبار مايصيحون .

ومن هذي القصص ،،



وفي الختام ،،


اسال الله تعالى بان يحفظ لك ذريتك ويجعلهم من الصالحين

ويبارك لكم فيهم ويرزقكم برهم ويعينكم على رعايتهم ،،


اللهم امــــــيــــــــــن ،،

[chris]

ما شاء الله
الاخوة لم يتركوا لنا شيء لقوله

اخي عليك بفكرة ما يحبه الطفل ... فكلنا نعلم بان اي طفل في العالم يحب من يعطه اشياء ملفته للنظر
كالعاب او شكولاته او اشياء تجعل الطفل يحبها

ولا تنسى ان تتفق انت وزوجتك على القيام ببعض الخدع يعني مثلا امه تغضب منه مثلا وفجاة تظهر انت لتدافع عنه وتعطه شيء وهكذا .. يعني تصبح السوبر منقذ ..
ومن الامور المهمة ان تاخذ الصغير في جولة مع زوجتك في البداية
ويجب على الطفل ان يرى مدى الحب بينكما ليعرف الطفل ان امه تثق بهذا الرجل صاحب الشوارب المسمى اب وانه يستطيع الوثوق به

ولا ننسى ان الام عليه تعليم الطفل دائما .. يعني هذا والدك .. انه رجل رائع وطيب وهو يحبك .. اذهب لابيك اطلب منه لعبة وسوف يشتريها لك وهكذا .. يعني على الزوجة ان تقوم ايضا بالتصرف لمعالجة المشكلة مع الاب ..

سلام chris