استفسار ...

[برق الشتاء]

السلام عليكم ياشباب .. كيف حالكم

ندخل بالموضوع ..انا صار لي شهرين تقريبا .. وانا ارفع حديد

او بالأحرى ممارسه الرياضات المفيده

طبعا امارس الرياضه يوميا بعد وجبه الغداء بساعتين ونص او ثلاث ساعات

ببدايه كل تمرين لازم امشي ( على الدراجه ) او هروله بعدين ارفع اثقال

بالبدايه كنت امشي لمده 5 دقائق وكنت ارفع 20 كيلو حديد

الان صرت امشي 30 دقيقه وارفع 40 كيلو

^^^^^^
طبعا تمرين ( اكتاف .. وارجل .. وبطن .. وصدر )

وضعفت كثير وبدت تختفي الكرشه

وبدأت العضلات تظهر

يعني الحمدلله كل شيء ماشي تمام

لكن .. اليوم قالي صديقي لازم تسوي كشف طبي قبل ماترفع اثقال !! .. انا قلت له توك الحين جايني صرت شهرين وانا ارفع اثقال

طيب سؤال .. هل لازم اسوي كشف طبي .. بحالتي الراهنه

صار لي شهرين اتدرب ماحسيت بشيء يضايقني .. بالعكس صرت نشيط ومثل الحصان بسم الله ماشاءالله

نصائحكم اخواني .. وهل اواصل على جدولي ..

وجزاكم الله خير

[SPORTY]

ما شاء الله عسى دوم هالصحة و العافية ..

والله انا يا خوي ما سويت كشف طبي ولا شئ و مادام انك ما تشتكي من شئ و لله الحمد ما له داعي ولد عمي و بالنسبة لجدولك كمل عليه مادام النتائج حلوة ما شاء الله ..

تقبل تحياتي

[JiuJitsu]

ماسمعت من احد يقول فحص طبي الا لو بيستخدم اشياء خطره مثل المنشطات او تعرض لاصابه وعمل فحص

ولا تنسى تغير جدول تمارينك كل شهر

وبالتوفيق

[بطااطاا]

وأنا كمان ما سمعت عن الكشف الطبي إلا للي يستخدمون كوراست

بس

[safitop]

حتى انا ما سمعت بانكم لازم تعمل كشف طبي قبل ممارسة هده الرياضة و أنا عند ليك نصيحة غير جدول تمارينك كل شهر

والله يوفقك

[SPORTY]

مو عارف شنو السر اذا الواحد غير جدوله كل شهر !!

للأسف فكرة لا أؤيدها ابداً و خصوصاً اذا كان الريال قاعد يشوف نتائج طيبة

انا اقول خلك على جدولك احسن من تغيره و تنتكس و يروح عليك كل شئ

و الله يديم علينا الصحة و العافية ...

[JiuJitsu]

اخوي عبدالرحمن


جسم الانسان لمن يسوي شي بشكل منتظم يتعود عليه مثل الشي مع الحديد الجسم يتعود على الجدول فما تحصل نفس النتائج بعد فتره

لكن لمن تغير التمرين كل شهر او شهر ونص انت تحفز العضلات على الاستمرار بالنمو وطبعا مع النوم الجيد والاكل الجيد والمكملات

هذا الكلام الي شفت الاخوه الخبراء يقولونه والله واعلم

[SPORTY]

اخوي عبدالرحمن


جسم الانسان لمن يسوي شي بشكل منتظم يتعود عليه مثل الشي مع الحديد الجسم يتعود على الجدول فما تحصل نفس النتائج بعد فتره

لكن لمن تغير التمرين كل شهر او شهر ونص انت تحفز العضلات على الاستمرار بالنمو وطبعا مع النوم الجيد والاكل الجيد والمكملات

هذا الكلام الي شفت الاخوه الخبراء يقولونه والله واعلم

كلامك ياخوي احتمال يكون صحيح او خاطئ بالنسبة لي لم اغير جدولي و النتائج ولله الحمد ممتازة و الله أعلم