الحبوب لبناء العضلات

[البطل الصامط]

السلام عليكم
انه عضو متابع للقسم وهاوي رياضة كمال الاجسام
لاكني مافكرت اروح لنادي ولعب بس في البيت عندي شوي حديد وسير
مشكلتي اني ماواصل على هل شي العب اسبوع وبعدين اخرب الرجيم واوقف رياضه
والزين انه جسمي بسرعه يتجاوب لين العب الاحظ فرق في 3 يوم ببروز العضلات وشد الجسم المهم ..

سؤال :
بلنسبه للحبوب والعلب الي منها ينحف والي يقوي العضل وغيره مهمه لأي شخص يحاول يبني جسم ويحافظ على العضلات ؟؟

يعني لاعب كمال الاجسام يستخدم حبوب بروتين وغيره لانه يحتاج بروتينات للعضل اكثر بس مايبي يتعب نفسه وياكل طبيعي ومو ممكن يدمن على هل حبوب ولو تركها يخترب جسمه ؟؟

انه سمعت انه يصير لاعب كمال اجسام يبني جسمه من غير حبوب ولا شي بس رياضه واكل صحي صحيح هل كلام ؟؟

لاني احاول العب ولين العب اقول لنفسي الحين تحتاج علب وحبوب نفس الي ياكلون منها الشباب في المنتدى ولين وقفت منها ممكن يفش جسمي ولا كاني مسوي رياضه وحديد ومره في برنامج في التلفزيون يقول الهرمونات والحبوب الي ياكلونها الشباب لبناء الاجسام ممكن انها تضر والاحسن انه ناخذ البروتينات وهل اشياء من الاكل الطبيعي

المهم انه وايد اسمع و وايد اقرا عشان اجمع معلومات وابدي صح والسموحه لين طولت عليكم والله الموضوع مكرر

[عشــق البطــوله]

وعليكم السلام ورحمة الله وبركاته

ياهلا فيك اخوي

حقيقه ياليتك كنت مرتب الموضوع لأن بصراحه موضوعك جدا متشتت وضيعتني معاك

يعني لو محدد المطلوب بالضبط عشان نقدر نفيدك

عموما اخوي بإختصار الهرمونات شي والمكملات شيء آخر .. المكملات كلها مستخلصه من مواد طبيعيه واكل طبيعي

من الحليب او البيض او غيرها .. كلها طبيعيه ومافيها اي مشاكل او خطر

والناس تلجأ لها لأنهم مايقدرون يوفرون هالكميه من البروتين في الطعام اليومي .. فيلجؤن للمكملات الغذائيه

لأن لاعب كمال الاجسام يحتاج الى 6 وجبات في اليوم .. وكثير من الاشخاص مايقدر ياكل هالكميه ..

انت تقدر تمارس بدون مكملات اولا لأن تمرينك غير جاد .. بحسب كلامك يومين تثبت اسبوع وتقطع اسبوعين .. وهكذا

عموما اتمنى وصلت الفكره عزيزي وبالتوفيق

[JiuJitsu]

اخوي المكملات الغذائيه هي

مثل البروتين والحبوب الي تتكلم عنها تراها احماض اومينيه طبيعيه وهذي كلها تغذي العضل فقط اما البناء عليك انت بالتمرين الجيد بانتظام والنوم الجيد والاكل الجيد

اما لو تلعب بدون مكملات تقدر بس لازم تاكل 6 وجبات غنيه بالبروتين واذا استخدمت البروتين وقطعت لازم بعدها تاكل عدل اهم شي تعطي جسمك نسبة البروتين الي يحتاجه وتتمرن وبتحافظ عليه

وبخصوص الادمان تراها اشياء طبيعيه مستخلصه ومعلبه مافيها مخدرات ولا من هالاشياء حتى تتدمن عليها

على سبيل المثال الواي بروتين حسب علمي ينباع من سنة 50 ولليوم مافي اي اعراض جانبيه + دراسه من جامعة اكسفورد اكدت انه يكافح السرطان ومرض ثاني ناسي اسمه

وابعد عن اي شي فيه منشطات او هرمونات خلك عالبروتين والاومينو والاشياء البسيطه الي سوو عليها ابحاث وجربوها الناس من قبل

والله واعلم يفيدونك الخبراء اكثر

[Sufian Ahmed]

حتى لو تركت نظامك الغذائي الطبيعي اللي هو 6 وجبات باليوم غنية بالبروتين راح يرجع جسمك!

فالجسم يحتاج كمية معنية من البروتين سواء جبته من مكمل أو من غذاء إذا أوقفت عنه البروتين راح يوقف البناء
ويبداء الهدم!

[بطااطاا]

الشبااااااااب قالوووو لك المفيد ولااااا عندي شي أضيفة لك

[WLD AL5UBR]

افادوك الاخوان يا البطل

واذا تبي تزيد الكتله العضليه لازم تزيد الاوزان

وهذا لن يتحقق في البيت في وزن واحد او وزنين

يجب ان تشترك في صاله حديد و تضع لك جدول كامل متكامل لكافه عضلات الجسم

حتى يصبح جسمك متناسق و تعطي كل عضله حقها في التدريب

الا اذا كنت تريد فقط تقسيم جسمك فعليك بالسويدي و بضعه اوزان وهذا يتحقق في المنزل

تحياتي لك