الحين لازم كل مرة اسوي زي كذا بالجيم كيوب؟

**aoks** · 17-01-2002, 09:55 AM

انا سمعت انه لما تخلص من اللعب بالجيم كيوب لازم افصل سلك الكهرباء من الفيش
ليش طيب؟؟

وليش افصله؟؟
واذا خليته وش يصير؟؟؟
وللي ما فهمني قصدي هو الجهاز يجي معه سلكين واحد للصوت والصورة والثاني للكهرباء
انا قصدي سلك الكهرباء هذا لازم لما اخلص لعب افصله ولالا؟؟؟
ولماذا؟

**AL-LORD** · 17-01-2002, 12:30 PM

السلام عليكم ..........

يا اخ اوكس انا من شريت الكيوب لليوم ما فصلت سلك الكهرباء .

و الحمد لله الجهاز ما فيه شيء .

**aoks** · 17-01-2002, 01:04 PM

اجل ليش كل ما يجي واحد يشتري الكيوب اسمع راعي الملح يوقله افصله ولا ترى يخرب؟

**man** · 17-01-2002, 02:35 PM

خلاص انت افصله و ماراح تخسر شي

**LINK 88** · 17-01-2002, 02:48 PM

أنا شخصياَ لما لأشتريته كل ليلة أفصله

**shevchenko** · 17-01-2002, 02:54 PM

الأضمن أنك تفصله .

لكن على كيفك

**LINK0072** · 17-01-2002, 07:47 PM

انا لازم افصله وانت تعرف ليش يا اوكس

يمكن راعي المحل يقول كذا عشان ما يصير التماس ولا شي او انه لما حوله سوى شي ويستحسن انك تفصله المهم انت لا تفصل الكيوب من الكهرباء افصل السلك من الكيوب

**aoks** · 17-01-2002, 11:17 PM

وش الفايده ما لينك اذا ما فصلته من الجهاز؟
اذا ما ابي يصير التماس كهرباء لازم افصله من الفيش‍.

**LINK 88** · 17-01-2002, 11:32 PM

أنا أفصله من الفيش لان زي ماقال أخوي أوكس ترى التماس يكون من الفيش

**nintendo** · 17-01-2002, 11:59 PM

اخ اوكس من يوم شريت الكيوب مافصلته من الكهرباء والحمدلله ماصار فيه اي شئ !!!

**LINK0072** · 18-01-2002, 03:52 AM

داري ان الألتماس في الفيش بس اذا صار السلك مفصول من الجهاز وصار التماس الجهاز مهوب جايه شي

اما الباقي الله اعلم وش بيصير

**THECHIEF** · 18-01-2002, 05:03 AM

والله شيئ غريب

انا ادرس كهرباء وما في شيء زي كده ما دام الجهاز مطفي

خوب لو كان شغال ممكن وهي ما راح تصير لان الكيوب ما يستهلك شيء
يعني ما راح يرفع حرارة الفيش ويذوبه ويصير التماس

النقطه الثانيه ما دام مطفي لايمكن ان يأثر بالتيار لانقطاع الدائرة من الكيوب
فكيف يتأثر يعني ما صارت دائرة كهربائية عشان يصيرشيئ

وما عمري فصلت جهاز من الفيش بعد اطفائه

اي شيئ في الكهرباء انا حاظر":"

**aoks** · 18-01-2002, 10:05 AM

شكرا لكم كلكم وانا مقدر جهودكم

بس سؤالي الاخير!!

اذا استمريت بفصله وشبكه هل يخرب؟

**Dark_Devil** · 18-01-2002, 11:17 AM

السلام عليكم
انا يمكن عندي جواب سؤالك يا اخي العزيز اوكس

شو ف الجيم كيوب الي عندنا الحين سواء كانت امريكيه او يابانيه تشتغل على 120 فولت كهرباء (اعتقد 120)
بس المهم انه فولتات الكهرباء الي تحتاجها اقل من الي عندنا 220 فولت ( في الامارات) فعلشان تحليه يتناسب مع الكيوب تشتري بلك كهرباء جدييد يحول الطاقة من 220 و يوصلها لبلك كهرباء الكيوب 120 فما تحترق وما دام انه البلك الي يخفف من قوه الفولتات موصول بالكهرباء فانه ينقل كهرباء باستمرار و تزيد حرارته مع ان الكيوب ما تتأثر هي و بلكها الخاص لانهم مفصولين عن الكرباء بس ..... اول ما توصل الكرباء
بوووووووووف يحترق البلك الاصلي من الحرارة

وقال بعض الاعضاء انهم من اول ما اشتروها ما فصلوا الكهرباء و ما صار شي

بس للاحتياط انك نفصل لانه البلك ما بيحترق كل يوم
ترا هي مرة وحدة و خلاص

وانا اسف اذا ما قدرت اوصلك المعلومة صح

والسموحة على الاطالة
____________________________________________________________

**aoks** · 18-01-2002, 11:43 AM

شكرا لك يا دارك ديفل وانا مقدر لجهودك كمان

وخلاص انا عرفت ايش بسوي
بصير افصله كل يوم قبل ما انام وبس

الموضوع: الحين لازم كل مرة اسوي زي كذا بالجيم كيوب؟

أدوات الموضوع

الحين لازم كل مرة اسوي زي كذا بالجيم كيوب؟

ضوابط المشاركة