السلام عليكم ورحمة الله وبركاتهان شاء الله تعجبكم
ما يحتاج مقدمات
واحد ماشي مع خطيبته وآخر انسجام فقالها : عارفة ايه الحب وايه الجواز ؟
قالت : لا . قالها : الحب زي النجوم الجميلة اللي في السماء . قالت له : طب والجواز ؟
قالها : دي الحفرة اللي بنقع فيها واحنا بنبص على النجوم .
واحد متزوج وقاعد في البيت وبيبص كثير في عقد الزواج مراته قالت له : بتبص في عقد الزواج ليه يا حبيبي ؟ قال لها : مش عارف يا حياتي المأذون كتب تاريخ انتهاء العقد فين .
واحد قاعد في امان الله بيقرأ الجرنان وفجأه جت مراته وضربته بغطا الحلة فوق دماغه .. طرررررخ . الزوج : فيه ايه يا بنت الحلال ؟ ليه كدا ؟؟؟؟
الزوجة : ايه الورقة اللي في جيب بدلتك ومكتوب عليها " سوسو " ؟
الزوج : يا بنت الحلال ، ده أسم الحصان اللي بنشجعه في السباق ؟
الزوجة صدقته وراحت لحالها . بعد أسبوع .
الزوج قاعد في امان الله بيقرأ الجرنان وفجأه جت مراته وضربته بغطا الحلة على رأسه !!!
الزوج : خير يا بنت الحلال في ايه تاني ؟؟؟؟
الزوجه : حصانك على التلفون .
واحد بيقول لمراته انا النهارده عايز رومانسية في البيت راحت الزوجة سألت أمها : يعني ايه رومانسية ؟ قالت الأم : مش عارفة بس احتياطي إنقعي الرز .
مره وحدة بتقول لزوجها تصدق إن أنا كل يوم بحلم بيوم زواجنا قالها : هي لسه الكوابيس دي بتجيلك ؟
مرة واحد قال لصاحبه عاوز أعمل لمراتي مفاجأة في عيد زواجنا .
صاحبه قال : هتعمل ايه ؟
قال له : هوديها الصين .
قال صاحبه : يا راجل في عيد زواجكم العاشر توديها الصين .
أومال في عيد زواجكم الخمسة وعشرين هتعمل ايه ؟
فقال : هروح اخدها .
مره دكتور دخل عنبر في سراية المجانين لقى واحد بيخبط دماغة في الحيطة سأل الممرضة ماله ده ؟
قالت : أصله كان بيحب وحدة ومتزوجهاش !!!!
دخل العنبر اللي بعده لقى واحد بيضرب نفسه بالشبشب قالها وده ماله ؟
قالت له : أصل ده اللي اتجوزها .
رد: اضحك مع المتزوجين
