باخذ رايكم في جدول ضخامة + كم سؤال عن الضخامة

[د/عمرو]

كيفكم انشالله طيبين ؟


انا سويت جدول ضخامة وحاب اخذ رايكم فيه

-------------------------

اليوم الاول : أكتاف + ترابيس + سواعد
اليوم الثاني: ظهر + تراي + الجذع
اليوم الثالث:أفخاذ + بطات + بطن عالجهاز
اليوم الرابع : راحة
اليوم الخامس:اكتاف + ترابيس + بطن سفلي + جوانب
اليوم السادس:صدر+باي
اليوم السابع : راحة


طبعن انا مخلي الاكتاف مرتين في الاسبوع لانها ضعيفة عندي وتحتاج تقوية
وبعد مانتهي من تقويتها بحذف يوم الاكتاف واخليه راحة
او ممكن اسوي جدول مكبر

وهوانه اليوم هذا اعتبره يوم اضافي

اول اسبوع العبه اكتاف وثاني اسبوع العبه ظهر وثالث اسبوع صدر وهكذا

--------------

تمام الجدول ؟؟ ولا تفضلون في الضخامة يكون كل عضلة كبيرة بيوم لحاله ؟؟

يعني الظهر لحاله
والصدر لحاله
وهكذا ؟؟


-------------


وبالنسبة للضخامة

انا هالفترة

ناوي ضخامة بس في نفس الوقت خايف من الدهون لانها لو طلعت صعب انها تروح بسهولة
فجالس اضخم وبنفس الوقت منتبه على غذائي انه بدون دهون وماخذ مكملات الا قليلة الفات والكاربو والسكر


وش رايكم في الي بسويه ؟

ولا الافضل اني ماعطي اعتبار للفات بهالفترة واشتغل ضخامة بعدين ابدأ انشف ؟؟
مع العلم ان بطريقتي هذي التضخيم حيكون بطيئ جدن

وانا تعبت تعب شديد لجل اطلع السكس باك فاخاف لو اهملت الفات وانتبهت للتضخيم بتختفي وبتعب عليها تاني

ويعطيكم الف عافية عالرد مقدمن


وفي سؤال عن الكرياتين ؟؟

فترة التحميل هي فقط في اول مرة اخذه؟
ولا لو اخذته ثم قطعت شهر او شهرين ورجعتاخذه لازم فترة تحميل تاني ؟؟

[آبو رآشـد]

اليوم الاول : أكتاف + ترابيس + سواعد
اليوم الثاني: ظهر + تراي + الجذع
اليوم الثالث:أفخاذ + بطات + بطن عالجهاز
اليوم الرابع : راحة
اليوم الخامس:اكتاف + ترابيس + بطن سفلي + جوانب
اليوم السادس:صدر+باي
اليوم السابع : راحة

اول شي باين عليك انك مو مهتم في الصدر علشان كذا مخلية اخر يوم الصدر يا الغالي خلة بعد يوم راحة افضل شي لان الاهم بالنسبة للبطن ما يصلح في اليوم الثالث تمرن بطن على الجهاز وهو

يحرك كل عضلات البطن في في اليوم الخامس بطن سفلي وجوانب كذا ترهق العضل ما تخلية يزيد تمرن نصة في يوم ونص في يوم ثاني ثالث شي بقى تمرين البطن الاعلى وينة ؟ عندك الاكتاف

يومين ما ينفع كذا انت بكذا تخلي العضلة ما تزيد الا ان خليت اليوم الاخر للكتف بالكثير بالكثير 3 تمارين فقط وتخلية غير التمارين في اليوم الاصلي عندك الباي والتراي لو تخليها في يوم افضل

وتضيف لهم السواعد وانت مهتم في الكتف تخلي الكتف مع التربيز فقط علشان مكملاتك في نفس يوم الكتف يستفيد منها الكتف لحالة باكبر قدر ممكن والترابيز خلة مرة وحدة ترى ان زيادتة والكتف صغير يطلع الجسم قبيح اهتم في الكتف ثم الترابيز لان اسرع عضلة هي الترابيز من سرعة الظهور

وبالنسبة للضخامة

انا هالفترة

ناوي ضخامة بس في نفس الوقت خايف من الدهون لانها لو طلعت صعب انها تروح بسهولة
فجالس اضخم وبنفس الوقت منتبه على غذائي انه بدون دهون وماخذ مكملات الا قليلة الفات والكاربو والسكر


وش رايكم في الي بسويه ؟

ولا الافضل اني ماعطي اعتبار للفات بهالفترة واشتغل ضخامة بعدين ابدأ انشف ؟؟
مع العلم ان بطريقتي هذي التضخيم حيكون بطيئ جدن

وانا تعبت تعب شديد لجل اطلع السكس باك فاخاف لو اهملت الفات وانتبهت للتضخيم بتختفي وبتعب عليها تاني

ويعطيكم الف عافية عالرد مقدمن

يا رجل ضخم ولا تخاف ولا تهتم في الدهون بس اهتم في الاكل وانت فاهم وعضو هنا وعارف وش النوع الاكل الي تاكلة والامور هذي وانك تهتم في الكربوهيدرات والامور هذي بشكل اولي ثم البروتين ثم الدهون يعني لا تخاف وبالنسبة للبطنك عند التضخيم شد فية وخلة دبل في الاسبوع وامش فية تضخيم وكل بيدينك ورجلينك للالة الوزن كلة

البطن جهاز 4 جلسات 12 تكرار

البطن سفلي 4 الى 6 20 تكرار

بطن اعلى 4 جلسات 12 تكرار وزن 35 وعلى حسب القدرة

جانبي يمين ويسار 4 جلسات الى 6 20 تكرار انتبة لمسكة اليد على الراس

وفي سؤال عن الكرياتين ؟؟

فترة التحميل هي فقط في اول مرة اخذه؟
ولا لو اخذته ثم قطعت شهر او شهرين ورجعتاخذه لازم فترة تحميل تاني ؟؟

بالنسبة للكرياتين بدايتة يحتاج لتحميل والانقطاع لفترة اسبوع الموصى عليها يعني استعمال اسبوعين ثم اسبوع توقف وترجع كذا ما يحتاج تحميل عادي كمل لين يخلص بس توصل لفترة شهرين تحتاج تحميل بالتوفيق

[د/عمرو]

اهلن اخوي

يعطيك العافية عالرد أولاً


بالنسبة للترتيب ماله معنى كبير في الجدول يعني في النهاية العضلة بيتم تمرينها

لكن بالنسبة ليوم الراحة قبل الصدر

انا تقريبن والحمدلله عضلة الصدر والباي عندي هي أبرز وأنشط العضلات وبشيل فيها أوزان أكثر من أي عضلة تانية
عشان كدا مو معطيها اهتمام زائد

الاكتاف هي الي عندي مشكلة بيها

وانا قريت بأحدى المواضيع من فترة طويلة بهالمنتدى انه العضلة الضعيفة نمرنها مرتين بالاسبوع
بس من كلامك تقول انه المفروض ماعمل كذا
وعلى فكرة لمن بديت بعمل الجدول انه الكتف مرتين بالاسبوع حسيت ان الكتف بدأ يطلع
مدري هو حقيقي ولا يتهيألي


وبالنسبة للبطن السفلي انا حاطها مع الجوانب لاني ماعرف تمرين أوزان للبطن السفلي فيعتبر بسيط بالنسبة لي لاني بلعبه بدون أوزان



ياريت أحد يعلمني وشلون احط اوزان للبطن السفلي

لاني مرة حطيت الوزن برجلي بغى يطيح على وجهي

---


بالنهاية من كلامك يعني الجدول مو قد كذا
اجل يمكن بخليه جدول الي هو العضلة الكبيرة بيوم لحالها أفضل ؟

بس جدول العضلة بيوم لحاله احسه بسيط
لان مثلن الظهر بشتغله 5 تمارين احس انه لسا فيا طاقة يعني اقدر اتمرن فمادري وش رايكم

[د/عمرو]

أجل هذا الجدول بعد التعديل

رأيكم الله يخليكم عشان ابدأ فيه مباشرة



-----


أول يوم: ظهر + جذع + جوانب
ثاني يوم:أرجل + بطات +بطن جهاز
ثالث يوم:باي+تراي+سواعد
رابع يوم:راحة
خامس يوم:أكتاف+ترابيس+ بطن سفلي
سادس يوم:صدر+بطن جهاز
سابع يوم: راحة


-------

عاد هذا الجدول بعد التزبيط

يارب انه تمام

وتهمني آرآئكم

[آبو رآشـد]

وانا قريت بأحدى المواضيع من فترة طويلة بهالمنتدى انه العضلة الضعيفة نمرنها مرتين بالاسبوع
بس من كلامك تقول انه المفروض ماعمل كذا
وعلى فكرة لمن بديت بعمل الجدول انه الكتف مرتين بالاسبوع حسيت ان الكتف بدأ يطلع
مدري هو حقيقي ولا يتهيألي

كلامك صحيح اذا كان كتفك ضعيف تحطة مرتين في الاسبوع علشان كذا جدول المبتدئين تلقا عندة تمرتين لعضلة كبيرة في الاسبوع والمقصود بالضعيف في هذا الحالة هو الضعيف في القوة مو بالضخامة

في حالة الضخامة تمرنها يوم في الاسبوع وتقدر تكررة في نفس الاسبوع لكن تشتغل على تمارين ثانية غير التمارين الاولى ولا تكثر عن ثلاث تمارين كحد اقصى علشان ما تتعب العضلة ولا تضخم وان كنت ما تركز على الكتف وتوك بادي تركز علية عشان كذا لاحظت بنفسك زيادة فية وبالنسبة لجدولك الجديد ممتاز لكن بتواجة مشكلة في تضخيم عضلة البطن لانك ما تخليها ترتاح وكل يوم تمرن جزء منة

وبالنسبة للبطن السفلي انا حاطها مع الجوانب لاني ماعرف تمرين أوزان للبطن السفلي فيعتبر بسيط بالنسبة لي لاني بلعبه بدون أوزان

بالنسبة للبطن السفلي ما تشيل اوزان فية يعني مو لازم وان كنت حاس انة خفيف الرفع والنزول بطريقة صحيحة فك ربطة الرسغ ان كنت تستخدمها وتضم رجلينك على الدنبل وتربطة الراس السفلي للدنبل بقدميك الملتصقتين وتطبق التمرين براحة تامة

بس جدول العضلة بيوم لحاله احسه بسيط
لان مثلن الظهر بشتغله 5 تمارين احس انه لسا فيا طاقة يعني اقدر اتمرن فمادري وش رايكم

طيب حرام عليك تخلص من تمارينك وفيك طاقة حط طاقتك كلها في رفع الاوزان ارفع وشل اوزان خيالية بس لا تنسى التركيز لين تطلع من النادي وانت تلعن وتشتم ولا كذا ما راح تستفيد يا وحش

[د/عمرو]

يعطيك العافية أخوي الرسمي ماقصرت معي

بس سؤال أخير معليش ادري ثقلت

الحين انا جسمي دهون تقريبن مرة قليلة او تقدر تقول معدومة
طبعن هذا بعد جهد وتعب

انا كنت ماشي ضخامة وبنفس الوقت منتبه لأكلي واختار البروتين قليل الدهون عشان خايف من الدهون

الحين بدخل برنامج ضخامة بحت يعني باخذ بروتين كثير الدهون وكثير البروتين زي البروكمبلكس او السيريس ماس او الميقا ماس

تتوقع بعد مايتعبى جسمي عضل ودهون بعد برنامج الضخامة هل سهل اني احرق هالدهون ؟؟ ولا بتعب زي ماتعبت من قبل في إزالتها ؟؟
او انه وجود عضلات يسهل من حرقها ؟؟


ايش افضل للضخامة البروكمبلكس ولا السيريس ماس؟
وهل تفضل اني آخذ منتج آخر معا احدهم ؟؟
يعني انا ناوي انشالله اني اضيف على احد المنتجين الي ذكرتهم +كرياتين+جلوتامين+ملتي فيتامين


انتظر ردك اخوي

ويعطيك الف عافية مقدمن

[د/عمرو]

المقارنة بينهم صعبة
في تفاوت في الكالوريز وكمية البروتين بشكل معاكس وكمية الفات

[آبو رآشـد]

يعطيك العافية أخوي الرسمي ماقصرت معي

بس سؤال أخير معليش ادري ثقلت

الحين انا جسمي دهون تقريبن مرة قليلة او تقدر تقول معدومة
طبعن هذا بعد جهد وتعب

انا كنت ماشي ضخامة وبنفس الوقت منتبه لأكلي واختار البروتين قليل الدهون عشان خايف من الدهون

الحين بدخل برنامج ضخامة بحت يعني باخذ بروتين كثير الدهون وكثير البروتين زي البروكمبلكس او السيريس ماس او الميقا ماس

تتوقع بعد مايتعبى جسمي عضل ودهون بعد برنامج الضخامة هل سهل اني احرق هالدهون ؟؟ ولا بتعب زي ماتعبت من قبل في إزالتها ؟؟

لا عادي تقدر تشيل الدهون سلام سلام ولا كان ما لقيت احد يضخم عشان كذا فية شي اسمة تنشيف وانا عارف انك مهتم بعضلات الـ 6 باك لانك ذكرتة قبل ويا اخي في حلات التضخيم عضلات البطن ما تروح ان اسمريت في التمرين راح تكون موجودة لكن بينها دهون وبعد الحرق ويروح الدهون بتلقها اكبر من الاول لانك جالس تضخم فيها

او انه وجود عضلات يسهل من حرقها ؟؟

اية اكيد وجود العضلة يسهل الحرق بكثير ومو مثل الي ما عندة عضلات لان كل 10 باوند عضل يسمح لك بحرق 350-500 سعرة حرارية زيادة ولا تشيل هم بس اهم شي انك تكمل بعد التضخيم وتخش تنشيف لا تمل وتطلع من اللعبة علشان ما تفقد العضل ووتتورط بدهونك كمل في اللعبة وخل عندك وزن معين ثم وقف ونشف

ايش افضل للضخامة البروكمبلكس ولا السيريس ماس؟

من المحتويات والمواد الي فيها ما تختلف كثير وكل واحد اقوى من الثاني لكن البرو كاملكس ثقيل شوي على البطن بمعنى يعني لو جاء يوم واخذتة وانت مستعجل قبل التمرين بنص ساعة وخلصت تمرين ما تقدر تاخذ السكوب الثاني بطي شوي في الامتصاص لكن لك انصحك في السيرياس ماس علشان تقدر تاخذة منة 3 سكوبات لفائدة اكبر

وهل تفضل اني آخذ منتج آخر معا احدهم ؟؟
يعني انا ناوي انشالله اني اضيف على احد المنتجين الي ذكرتهم +كرياتين+جلوتامين+ملتي فيتامين

مواد ممتازة اذا اخذتهم ولك مني بتنبسط وبتحس بضخامة وصلابة بنفس الوقت باذن الله لكن بالنسبة للجلوتامين من جهتي ما شفت منة نتائج يمكن يفيدونك الشباب فية بالتوفيق يا وحش

[عزه النفس]

هلا والله فيك
كلام اخوي الرسمي كله صحيح

شوف ياخوي في جدول منتظمين عليه انا مع اصحابي مسوين قروب في الجيم ^_^

السبت صدر+باي

الاحد ظهر+تراي

الاثنين أكتاف + رجول

الثلاثاء صدر+ باي

الاربعاء ظهر+ تراي

الخميس أكتاف + رجول


الجمعه راحه

طبعا تمرين البطن افري دي كل يوم

وكل عضله ندربها خمس تمارين الى 6

وشوف كل العضلات نمرنهم مرتين بالاسبوع علشان الضخامه

طبعا ارتحنا للجدول وسوا لنا نتائج ماشاء الله ممتازه


أنت وغرارك يالغالي^_^

[د/عمرو]

يعطيك العافية أخوي الرسمي والله ماقصرت وجزاك الله خير


ويعطيك العافية اخوي عزة نفس
بس جدولك مرة كرف
العضلة ماترتاح على قولة اخونا الرسمي
بس عالعموم انت ادرى مني

يعطيكم العافية جميعن