اريد النصيحة لشد جسمي !

[NIVEA]

السلام عليكم ورحمة الله وبركاته

اخوكم كان وزنه 86 وسويت رجيم مع رياضه لين نزل الى 62 تقريبا وطولي 160 العمر 23 سنه
المهم اني تركت التمارين السويديه يوم كان وزني 68 تقريبا ومع الرجيم بدون رياضه الحين احس ان جسمي شوي مترهل بحكم فرق الوزن الي نزلته خاصه بالبطن ويمكن شوي بالافخاذ .
المهم اني ابغا اشد ونشف جسمي وشيل حديد

طبعا رحت لصالة وفيه مدرب قالي على طول بخليك تشتغل على اجهزة بدون سويدي لين تشد مبدئيا وبصراحه ابي النصيحه منكم بحكم اني ماعندي اي خبره عن الحديد من قبل
شاكر لكم

[آبو رآشـد]

ممتاز جدا ومبروك

طبعا الكابوس الي يتنظر بعد الرجيم هو الترهل وهذا الي نقول عنة دايم يا شباب ما ينفع طريقة الحرمان كل شي برياضة حلو

لكن لا تزعل نفسك يا لبى قلبك ترهلاتك مو صعبة تشيلها وتشدها غير كذا كلام مدربك مظبوط ما يحتاج رياضة سويدي علشان تشد جسمك انت محتاج حديد خش في الحديد يا الغالي مع الحديد بيرجع جلدك ويشد غير كذا يا الغالي تبنى مكان الترهل عضل يعني لا تخاف على حسب الترهل وهو على فكرة مو كبيرة بالنسبة لك الا ان كان على البطن ومع التمارين بيطلع مكان الدهون سابقا عضل وبيروح يعني لا تخاف بس الله الله في التمرين وبالتوفيق

[AmiTy Ville]

مثل مانقول سابقا رجيم بدون رياضه ماينفع ابدا نظرا لوجود الترهل اما مع الرياضه ماراح تشوف ترهل وان كان في ترهل فهو بسيط

مثل ما قال اخوي الرسمي الحديد ان شاءالله راح يعوضك ويشد جسمك ان شاءالله ومثل ما كان عندك الاصرار في فقد وزنك الزائد يجب وجود العزيمه والاصرار بالحديد وايظا الصبر

وزنك حاليا جيد بس ابتعد عن الدهون والنشويات والكوليسترول
وغير جدول غذائك ورتبلك جدول غذائي ممتاز يحوي البروتين والكارب والفيتامينات والمعادن الضروريه

صحيح انت ماتحتاج تمارين سويديه بحته حاليا فا تقدر تكتفي بالتمارين الرئيسيه مثل الضغط صدر وبطن وعقله هذا عند التسخين فقط وقبل ممارستك للحديد بـ 5 دقايق تقريبا

راح تلعب شامل حديد مدة شهر او ثلاث اسابيع كحد اقصى ومن ثم تتجه الى جدول يومي او شبه يومي

وبعد الجدول اي بعد شهرين الى ثلاثة اشهر بامكانك الاستعانه بالمكملات اللي تساعدك على بناء عضلاتك اكثر وشد جسمك بصورة اكبر

عزيزي باختصار بعد الشامل تعطينا النتائج والقياسات ونعطيك جدول باذن الله

الله يوفقك ومبروك عليك خسارة الوزن والى الامام

[ahmadani]

مثل ماقال اخواني الاعزاء والغالين الرسمي و AMITY VILLE

رجيم بدون رياضه ماينفع لانك راح تتخلص من مشكله وراح دش بمشكله وهم ثاني

فعليك اخوي بالرياضة والحديد وصدقني كلها جم شهر وجسمك راح يكون مشدود ومثل اللي تبييه

وبالتوفيق يارب

[NIVEA]

جزاكم الله خير وماقصرتوا وبصراحه رفعتوا معنوياتي
دمتم بخير