السلام عليكم ..
مافيش شك ان فى محاولات جاده فى صناعة العاب عربيه ، واكيد محاولات للوصول للمستوى العالمى فى صناعة الفيديو جيمز ، وشوفنا جيمز زى تحت الرماد وتحرير القدس .. وغيرها من المحاولات الجيده ، كلنا بنحلم ان يكون فيه شركه عربيه تنافس بلاى ستيشن او اكس بوكس باستثمارات عربيه ضخمه .. حتى الان داه " حلم " واكيد - ان شاء الله - هيتحقق فى يوم من الايام .
طالما احنا لسه فى اطار الحلم ، ما نيجى نحلم باسم الشركه ديه هتكون ايه ، ولو من باب التسليه . الحقيقه لما فكرت فى كده لقيت ان اختيار اسم مميز للشركه ديه هيكون امر صعب جدا ، هل الاسم داه الافضل انه يكون اسم " عربى " ولا " انجليزى " ولا " فرانكوارب " يعنى مزيج من الاثنين ، انا رأى انه لو كان عربى هيكون مميز اكتر حتى فى تسجيله كعلامه تجاريه هيكون ملهوش مثيل ، ومجموعه من الاقتراحات جت فى بالى زى مثلا :GameTime او 3arabgames .. الخ
اكيد فيه اقتراحات احسن من كده ، ياريت اسمع رأيكم فى الموضوع داه:
1- تفضل ان اسم الشركه يكون عربى ام اجنبى
2- لو عندك اقتراح لاسم الشركه قوله
اتمنى الموضوع يكون عجبكم
شكرا