الغرنوق شو يعني ؟
السلام عليكم ورحمة الله وبركاتة
شحالكم وشخباركم
اليوم عرفت شو يعني الغرنوق كككك
الله يسلمكم صوورت طير دوم في منطقتنا ايي وتفيجتله اليوم
ويقولكم دخلت القوقل ادور ع اسمه يا ربي كيف ابتدي بالبحث
جان اكتب الطيور المهاجره وحاطين طيور شكثرهم ومن بينهم هالطير
وكاتبين عليه الغرنوق كككك طلع الاسم دوم نسمعه بس ما نعرف شكله لوول
بدخلكم فاللغه بمعنى كلمة الغرنوق لازم بعد نفيد مب بس تشوفون الصور لوول
جاء في كتاب لسان العرب:
والغُرْنُوق والغُرْنَيْق، بضم الغين وفتح النون: طائر أَبيض، وقيل: هو طائر أَسود من طير الماء طويل العُنُق ...
الغُرْنوقُ، لا يُذْكَرُ في غ ر ق، ووَهِمَ الجوهَرِيُّ، كزُنْبُورٍ وفِرْدَوْسٍ: طائِرٌ مائِيٌّ أسْوَدُ، وقيلَ: أبْيَضُ، كالغُرْنَيْقِ، بالضم، أو الغُرْنوقُ والغُرْنَيْقُ: الكُرْكِيُّ، أو طائِرٌ يُشْبِهُهُ
المهم حبيت ارويكم الصور
ويا ريت تعطوني نصايح للايزو لن صدق كرهت الكام عندي فالايزو
مع اني بس مخلي iso 400 والشاتر 1/400 والفتحه f6.3
لكم الصور
الغرنوق وربعه عند الرادار زخهم مسرعين لوول
الغرنوق مسرع وصادته عدستي كككك << لا تصدقون وحليله يمشي ع الراحات
صور شخصية لبطل اليوم الغرنوق
الغرنوق والرصيف
الغرنوق مع اشعة الشمس ولاحظو الايزو كيف ماثر .. للمعلومه ظفت طبقه ثانية عشان ابرز الالوان وبرزت معاها نقاط الايزو
فالنهاية يعطيكم العافيه
وسؤال اليوم كم مره ذكر الغرنوق فالموضوع كككك
وشاكرلكم الطله
..
