القطعه شينه و الطول عز
اولاً بسم الله الرحمن الرحيم
ثانياً لا احد يدقق في الموضوع الا بعد المضمون
السلام عليكم ورحمة الله وبركاته ويالله حيّ كلن باسمه
معكم اخوكم رياضي طويل (لا ياشيخ) ابلغ من العمر 27 سنه وطولي 2 متر والوزن 95 تقريباً بداياتي الرياضيه كانت قبل سنتين بالضبط بهدف التخسيس واللياقه البدنيه وشد الجسم وكان وزني وقتها 112 تقريباً اذا ماخنتني الذاكره وكان الجسم جسم اي سعودي
بعد ما انهيت السنه الاولى وكانت لياقتي ممتازه وجسمي عادي جداً اختفت الكرشه والصدر وصرت ناشف والعب كوره بعض الاحيان واجرى في النادي وتمارين سويدي مع المدرب والحصه ما اتخلف عنها بعد سنه بالضبط فكرت اخش مجال الحديد وبناء الاجسام وتوكلت على الله ودخلت وكنت في البدايه شايل من راسي فكرة المكملات والبروتينات نهائياً .. لكن بعد التمرين والجهد الي ابذله والاكل الي آكله لاحظت عدم وجود اي فرق في حجم العضله او الجسم مجرد جهود مبذول وطاقه علماً باني كنت اكل واستمريت على هالحال مدة 6 شهور وبعدها اقنعني احد الزملاء معي في الصاله باستخدام البروتين لسد حاجة الجسم خصوصاً طوال القامه يحتاجون إلى فتره ليست بسيطه في البناء .. اقتنعت وجربت وبديت في الوي بروتين استعملت منه علبه احس اني تأقلمت عليه وبعده استعملت بروتين اسمه تربل وبعده استعملت اليت بروتين اذكره كان فيه نسبة امينو وبعد ما خلص جبت البق ماكس الان هو موجود عندي بس قطعت التمارين لوفاة الوالد الله يغفر له قبل رمضان بالضبط إلى الآن توني راجع للنشاط الرياضي نبي نسترجع المخزون اللياقي وبنزل للحديد بعد فترة انقطاع دامت 4 شهور ..
علماً باني كنت اخذ الوزن فترة قبل الانقطاع وكانت الزياده تقريباً 5 كليو من اول ما بديت في الحديد بس غير واضحه في الجسم والمدرب ارجع ذلك لطول القامه والله اعلم ..
نبي رايكم ونصايحكم من خلال تجاربكم وخبراتكم للحصول على افضل النتائج وجسم صحي وسليم ومتناسق وسلامتكم
