طلب/منتجات تضخيم العضل وحرق الدهون

[التتان]

السلام عليكم

بغيت اقوى واسرع منتجات تضخيم عضل وحرق دهون

صار لي 6 شهور العب حديد واهرول 30 دقيقه في الصبح

بس الوزن مو راضي يقل

والعضل مو راضي يكبر

ودخت من الكرشه

عمري 17 الوزن بعد الجهد 127

الطول 183

انتضرر اهل الخبره

جسمي معاند شاسوي

[mashkaljey]

اقوى منتج حرق دهون حاليا الليبو 6 لكن عمرك 17 مشكله والله ما ينصح باستعمال هالمنتجات لاقل من 18

على العموم يا اخوي هونها وتهون ومن قالك تلعب حديد ؟

الحديد لووزن اقل من وزنك هذا

عليك اخوي بالتوقف عن الحديد وممارسه السويدي وتمارين الهرولة والمعده والخواصر يوميا

اما تلعب حديد وتتعب وتاكل وشستفدنا ؟ لازم تحرق الدهون حرق

وتغذيتك شلون الامر مفتوح ولا ملتزم ؟

[التتان]

ما اكل شي غير الوجبات الرئيسيه

والوجبات الرئيسيه مشوي او خضروات

وقفت غازات من زمان

بس يوم الجمعه آكل عيش( رز )

[mashkaljey]

كفو يا الذيب

اذن عليك بالسويدي وانت وزنك يحتاج على الاقل ساعه هرولة وليس 30 دقيقه فقط

يعني يبيلك شغل باليوم ساعتين حرق بحرق توقف دقايق قليله ترتاح بس

[AmiTy Ville]

مثل ماقالك الكابتن مشكلجي

انت اهم ماعليك تغذيتك بالأول تحتاج رجيم شبه قوي + تمارين رياضيه

بالنسبة للحوارق اغلبها لمن هم 18 وفوق

اما منتجات تضخيم مايصير عزيزي لازم تشيل وزنك الزائد ولين توصل لوزنك المثالي او فوقه بقليل وقتها تدخل تلعب حديد وتقوي وتكبر عضلك

شد حيلك بتمارينك دام تغذيتك سليمه وفي عندك القريب فروت ممتاز لك

[منادة الليل]

شلون تبي تضخم وتطلع عضل يالغالي والدهون مغطية ؟

حتى لو ظهرت العضل ما راح تبين يالغالي ولا تحس فيها بسبب الدهون

شوف موضوع اخونا بوراشد هذا يفيدك وايد وايد ان شاء الله
http://montada.com/showthread.php?t=654134

ولا تشوف كثر التمارين وتقول ما قدر ترا كل شي تقدر عليه يالغالي صدقني وما يصلح لك اي شي من منتجات لانك قاصر لهذي الامور ولها اثار في المستقبل الله يحفظك

انصحك انك تهرول ... او بالبحريني نقولها تدابج وايد ما لا يقل عن ساعه وتمشي بحركة اليد المتبادلة علشان انها تساعد في الخواصر


والشباب هني ماشاءالله عليهم ما يقصرون وخذ نصايحهم واتبع الي يقولون لك وان شاء الله بتدعي لهم من قلبك يالغالي

[alakrab]

عندك زيادة 37 كيلو على الاقل وتبي منتج يزيد عضل ؟؟؟؟؟؟؟؟؟
انت يبيلك برنامج غذائي وتلعب تخسيس ولياقة
وهالتمارين عادة تكون حره بدون استخدام اوزان
بدري بقوة على الحديد

[التتان]

مشكورين شباب

ان شاء الله بعد الامتحانات نزيد وقت الهروله