استفسار عن شي مهم .. استخدمت واي بروتين وما لاحظت نتيجه

[ali4077]

مرحبا

كيفكم ..

وزني 72 وطولي 167

استخدمت واي بروتين (مصل الحليب)

وماحسيت انه فيه نتيجه

وهل تنصحوني استخدم معه شي او اغير البروتين ..,

[AmiTy Ville]

اهلا وسهلا فيك بالمنتدى وبالقسم خاصة وان شاءالله تفيد وتستفيد لكن ياريت تطلع على قوانين المنتدى اخوي

ملاحظه : تم تعديل العنوان - راجع قوانين القسم لتتفادى اغلاق الموضوع او حذه بالمرات القادمه

- حدد هدفك بالموضوع عشان الكل يعرف شو تبا بالضبط وشو اللي تبا توصله بالتحديد

- اذكر عمرك ايظا

- وكم صارلك تلعب حديد

موضوعك يقتصر الكثير من المعلومات والمفاهيم يرجى التعديل بالمرات القادمه فالتفويت مره واحد فقط للأعضاء الجدد

[ali4077]

عمري 24

وصار ليي اتمرن تقريبا 4سنين

واستخدمت اكثر من نوع من البروتينات..

[mashkaljey]

4 سنين اخوي عندك خبره اكيد بالبروتينات والانواع المناسبه فاي نوع استخدمت وكيف كان طريقة الاستخدام للمنتج ؟

[ali4077]

استخدمت
whey gold standaard
بس اول مره احس اني استخدم بروتين ومايشتغل معاي يعني ماحسيت بفرق في جسمي
مدري يعني يمكن عشان مايستخدموه لحاله لو وش الطريقه
مع اني استخدمه ثلاث مرات في اليوم
ابي مساعدتكم استخدم معاه شي او اغير لبروتين

[scaryface]

البروتين ما راح يعمل شي اذا نظام اكلك ضعيف يا اخوي

[mashkaljey]

صحيح اخوي مثل ما قالك اخوي سكار فيس اذا التغذيه ولا شي ما بتستفيد من البروتين

ناهيك على امر وهو انك تحتاج تركب كورس مكملات وليس الاعتماد فقط على البروتين يمكن انت تقول ما تحس بفرق لكن هل اخذت قياسات لجسمك ؟

وياليت تذكر ماذا تستخدم غير البروتين ؟ وماهو جدولك اليومي ؟ وحددلنا اكثر شنو مرادك تضخيم ولا تنشيف ؟

اعتقد السبب الرئيسي في عدم وضوح العضل نسبه الدهون بجسمك مرتفعه قليلا فانت تملك 5 كيلو جرام زياده عن وزنك الطبيعي يمكن العضل يتخلله دهون يعني تحتاج تنشف هالدهون لتظهر العضلات بصورتها الافضل

[ali4077]

انا كنت ابي انشف بس عندي المدرب قال لازم توصل وزنك على الاقل 80 كان تبرز العضله بشكل افضل عند التنشيف
وانا غايتي تضخيم بعدين باحاول انشف
واكلي هو ثلاث الوجبات بشكل عام
والبروتين استخدمه ثلاث مرات بعد النوم الصباح وبعد التمرين وقبل النوم
ياليت تنصحني وش اسوي بضبظ
وشكرا

[اللورد الأحمر]

أخي العزيز ثلاث وجبات هذه للشخص العادي اللي ما يتمرن غير الشخص اللي يحرق أثناء اتمرين لذلك انت تحتاج المزيد من الغذاء والطاقة ...

بالتالي تحتاج تزيد وجباتك من ثلاث وجبات الى 6 وجبات ... ثلاث رئيسية والثلاث الأخرى بينهم هذا السبب الرئيسي لأنك ما تستفيد من البروتين لأنه هذا مكمل يعني يكمل الغذاء الناقص عزيزي ....

زيد وجباتك ونظم غذائك و ابشر ان شاء الله راح تحصل تغيير بالتأكيد ...

وشكرا .... اللورد الأحمر ..

[mashkaljey]

ما قصر اخوي اللورد وانا اقولك التضخيم ليس زياده بالوزن فقط بل بالعضل يعني زيد اوزانك باستمرار

وموفق خير