هل كلام المدرب صحيح في جرعات الأمينو 2222 أبتيمم

[بندر053]

السلام عليكم ورحمة الله



شريت أمينو 2222 أبتيمم كابسول

وسألت المدرب عن الجرعات قالي

5حبات قبل التمرين و5 بعد التمرين و5 قبل النوم !


هل هذا صحيح؟

[فرفورجدة]

تختلف الكمية بحسب وزنك وكمية اكلك فاليوم
تقدر تستخدمها 6 كبسولات =3 تابلت على 4 مرات يوميا تقسمها
صباحا ,بعد وجبة الغداء,بعد التمرين مباشرة ,قبل النوم

اتمنى اكون افدتك يا الغالي

[آبو رآشـد]

شوف المدرب يفهم في التدريب هذا شي طبيعي وواضح لكن قليل تلقا مدرب يفهم في المكملات فلا تثق بشكل كلي فية

المهم
بالنسبة للجرعة
خلك على كلام الشركة نفسها


حبة وحدة قبل كل وجبة

+

قبل التمرين وبعد التمرين


يعني لو نقول تاكل 4 وجبات في اليوم يعني اربع حبات
ومع قبل التمرين وبعد التمرين صارو 2

كذا تكون تاخذها في اليوم 6 مرات

بالتوفيق

[بندر053]

يعافيكم ربي

مدربي مغشوش خلها على ربك هخخخ

وتسلمون وما تقصرون وصلت الفكرة

[منادة الليل]

لا يالغالي مو مدربك مغشوش .... بالعكس انت قدام عينه ويمكن هو ابشرك بهذا الامر لانه شايف تمارينك ومدى امكانيتك في التمارين .....


انا اخذت الامينو 4800 ... وعلى حسب تماريني والاوزان الي اشيلها ويعني كم يحتاج جسمي ... نصحني فيه بــ4 في الصباح و4 قبل التمرين و4 بعد التمرين ...

يعني انت وضح لنا هني مستوى تمارينك ..... وهدفك في اللعبه شنو وشوف باذن الله بتلاقي الشباب الكبار هني بيخبرونك اذا كانت الجرعات ممتازه لك او لا ...

اما جذي محد يقدر يحكم على المدرب

بالتوفيق

[بندر053]

حياااك عزيزي

ظخامة بأذن الله

التمارين مثلا اليوم تمرن باي بوزن 90 كيلو الأسبوع الجاي لمن يسير علي باي أزود 10 يسير 100كيلو وعلى كذى كل أسبوع أزود من 10 الى 15كيلو


النوم ولله الحمد ما أتعدى الساعة 11أبدا

الأستيقاظ الساعة 8صباحا

الأكل 5 أو 6 وجبات ولله الحمد في اليوم

الوزن حاليا 96 والطول 179

العب لي بما يقارب 4شهور وزوود وقبلها شهرين وأنقطعت شهر


الحمد لله راضي عن جسمي ولكن الواحد أكيد يبغى الأفظل

أستخدم حاليا وي بروتين جولد أستاندرد وأمينو فقط (ما أدري في شي نقصني الله هو العالم)

ووهذي كل المعلومات وأذا ناقصني شي خبروني

[منادة الليل]

ماشاءالله اوزان كبيرة تلعب

الى الامام يالغالي

والجرعات اتوقعها جابها لك صح ..... طبعاً للافضليه هو قال لك ... وبما انك تبي ضخامة فممتاز ... ولو تغير الامينو 2222 الى الامينو 4800 ...... وشوف الاخوان هنا بشنو ينصحونك

ولكن عدد الجرعات اتوقع صحيحه على مستواك وممتاز ما خطأ المدرب لما قال لك بهذي الكمية

واترك الباقي للشباب يفيدونك اكثر


حالي من حالك افيد بالي عندي واستفيد بالي عندكم

بالتوفيق انتظر الحين اجابات الشباب ...

[آبو رآشـد]

يا منادة الليل مدربك وصف لك جرعات الـ 4800 مو من كبر راسة وصف لك وصف شركة المنتج

4 حبات في اليوم ثلاث مرات يوميا يعني ما جاب شي جديد ما تستخدم الوصفة هذي بمنتج ثاني من الامينو


يا بندر انت عندك بروتين وتستعملة يعني مالة داعي تكثر من الاحماض الامينية

التزم بوصف الشركة

[AmiTy Ville]

الواي بروتين يوجد فيه احماض امينيه

بالنسبة للأمينو 2222 فهو ممتاز لكن ليس للضخامه كونه يحتوي على مادة منشفه

عندك امينو 4800 او 10000 ممتازين للضخامه

بالتوفيق

[ahmadani]

اخوي الغالي تقدر تاخذهم خمسه حبات قبل النادي وخمسه مباشرة بعد النادي

او

انك تقسمهم حبتين قبل الفطور وثلاث حبات قبل النادي يعني خمسه حبات

وبعد النادي تاخذ مباشرة 3 حبات وقبل ماتتعشى حبتين

وماله داعي تاخذهم قبل النوووم مثل ماقالك المدرب احرص على تناول البروتين قبل ماتنام

وبالتوفيج

[AmiTy Ville]

كثرت الآرآء بيتشتت راعي الموضوع

كلام المدرب بنظري صحيح لان اجمالي الحبوب هو 10 باليوم

الوجبات الرئيسيه ثلاث وقبل كل وجبه تاخذ حبتين يعني صارو 6
وقبل التمرين حبتين وبعد التمرين حبتين صارو 4
الاجمالي 10

هو اللهم قسمهم لا اكثر

بعطيك من الاخر وعلى كلام الشركة المصنعه

Caps: As a dietary suppliment consume 2 capsules before meals and again before and after training.

ترجمة النص: تاخذ حبتين قبل الوجبات وحبتين قبل التمرين وحبتين بعد التمرين

[بندر053]

تسلمووووون يالغالين

فعلا أستخدامي راح يكون بأذن الله مثل ما ذكرت أخويAmiTy Ville



وعسااكم عالقوة (وتشكرون على دعمكم لي 6شهور )

[talal8668]

طيب انا اخذ المكمل التروماس قبل وبعد التمرين والامنيوم بين الوجبات بمعدل9 حبات اش رايكم

[آبو رآشـد]

اكتب موضوع خاص فيك يا طلال

[ولد ابوظبي]

موفق ان شاء الله .. والشباب ماقصروا معاك ): بالتوفيق