المكملات اللي بشتريها (رايكم ونصائحكم يالكباتن) + طريقة استخدامهم ؟؟

[MAAXI]

السلام عليكم ورحمة الله وبركاته

اشكر جميع اعضاء المنتدى خاصة قسم اللياقة البدنية على جهودهم الرائعة


انا ان شاء الله راح ابدا استعمل المكملات من بداية السبت القادم ,, ابي منكم رايكم وطريقة استخدامهم يالكباتن


معلومات :

العمر : 19
الطول : 165
الوزن 77
نسبة الدهون : 23%

ولي شهرين امارس اللعبة
الاحظ بروز العضل في الباي والتراي والاكتاف والبطن عندي 2 باك بس


الهدف : تنشيف + زيادة كتلة عضلية + نسبة الدهون 10%


المكملات :

1 - Pro Complex




طريقة الاستخدام : ؟؟؟




2 - SUPERIOR AMINO 2222 TABLETS




طريقة الاستخدام : ؟؟؟




3 - Glutamine Powder




طريقة الاستخدام : ؟؟؟



هل ازيد مكمل ؟؟ ام انقص مكمل ؟؟

طبعا انا ماشريت المكملات قلت استشيركم اول
ياليت تفيدوني بخبراتكم
وجزاكم الله خير مقدماً

تحياتي

[AmiTy Ville]

بروكومبلكس ثلاث مرات باليوم بواقع سكوبين في كل جرعه
صباحا وبعد التمرين مباشرة وقبل النوم بساعه والخلط مع الماء او حليب منزوع الدسم

الامينو 2222 الـTabs هو اقوى واحد من اخوانه فالتنشيف ويحتوي على 30 مليجرام كارنتين ( مادة منشفه )
الاستخدام حبه قبل كل وجبه ( الوجبات الرئيسيه ) وحبه قبل التمرين وحبه بعد التمرين

الجلوتامين ملعقه وحده او السكوب الموجود فيه ومره وحده يوميا تخلط مع ماء وكميته 236 مليلتر

اعتقد كورس جيد جدا وان شاءالله توصل للمطلوب واذا في شي يستدعي الزيادة او النقصان الشباب مابيقصرون

بالتوفيق

[ahmadani]

اخوي الغالي AmiTy Ville

كفى وفى ماقدر ازيد على كلامه شي

امشي على كورسك وتمرن بتركيز وانشاء الله توصل حق النتايج اللي انته تبيها

واذا بقيت كورس ثاني انا حاضر

وبالتوفيج

[speed 4 ever]

1 - Pro Complex





تحياتي

لا تاخذه قبل التمرين يثقل عليك نفسك ولا تقدر تشيل شئ

[آبو رآشـد]

يا سبيد الله يطولي بعمرك من وين جبت المعلومة هذي ؟؟

ووش دخل نقصان القوة بأخذ المكمل قبل التمرين بساعة ؟

[MAAXI]

AmiTy Ville
بارك الله فيك اخوي اميتي ماقصرت ردك كافي ووافي والله يعطيك الـــف عافية


ahmadani
يعطيك العافية احمداني ماتقصر
وان شاء الله انتهي من الكورس واخبركم بالنتائج


speed 4 ever
صحيح انا سمعت من كذا واحد يقول لا تشرب البروتين قبل التمرين !!!!
يعطيك العافية ياسبيد


آبو رآشـد
مثل ماقلت لسبيد انا سمعت من كذا واحد هالكلام .,., مادري صحيح ولا خطا !!! الله اعلم
شكراُ على مرورك

[mashkaljey]

اعتقد يا جماعه انتو خلطتو ما بين تمتلا بطنك وتنغث وانت تلعب وبين القوه لان صحيح ترفع اوزان وكل شي تمام لكن لو كانت معدتك ممتلأه اكيد بتنغث ويمكن ترجع لان شي طبيعي مع الحراره والبروده نتيجه اللعب والتعرق انك تتعب لو كانت معدتك مليانه لكن مايعني هذا انك ماتقدر ترفع الاوزان اللي كنت ترفعها بالسابق ابدا

[speed 4 ever]

يا سبيد الله يطولي بعمرك من وين جبت المعلومة هذي ؟؟

ووش دخل نقصان القوة بأخذ المكمل قبل التمرين بساعة ؟

ههههههههه وش رايك بالمعلومه

انا اخذته امس قبل التمرين بساعه وطلع اسوأ يوم عندي بالتمرين

يمكن استخدامي له غلط
سكوبين في شيكر 300 مل ماء وخظيته الين ما طلعت الزبده وشربته مع ان طعمة لذيذ شكولاته على كيف كيفك

[آبو رآشـد]

سالفة اخذ المكمل قبل التمرين شي عادي وتقدر تتخلى عنة

لكن المشكلة لو تتخلى عنة واكلك مو ممتاز كذا تضر عضلتك ولا تستفيد

بالتوفيق