مشكله الصوت AV HD Component في الاكس بوكس 360

[Grand Marshal]

السـلام عليـكم...
عندي اكس بوكس امتلكها من وقت ..
بريميوم معالج فالكون ...
والواير اللي يركب بالتلفزيون يدعم خاصيتين ... الا وهما HDTV و TV

TV = Yellow - White - Red
HDTV = Blue - Green - Red

المشكله :-

انا ماصار لي ثلاث ايام اشتريت تلفزيون ولله الحمد Full HD وعندي بلاي ستيشن ثري مشغلها على اقوى تصوير وماعندي اي مشاكل نهائياً ...

ولكن شغلت الاكس بوكس 360 .. اشتغلت اوكي وشغلتها على اقوى تصوير .. شغاله مافيها شي ... ولكن بدون صوت! عادي ادش العاب والعب ولكن بدون صوت مع العلم اني مشغلها على اقوى تصوير من الوصله نفسها اللي تجي مع الاكس بوكس 360 .. HDTV

اتمنى في احد يعرف لهذا الخلل ويقولي شلون اتعامل وياه

شاكر للجميع مقدماً

[amroaltawfik]

روح على اعدادات الجهاز وتأكد من ال
Voice settings

[Grand Marshal]

Audio Settings

رحت لهم اخوي .. وحاولت لقيت ثلاث اختيارات جربتهم كلهم مانفع ...
ورحت وغيرت مكان الواير الاحمر اللي يتركب بالتلفزيون نفسه... هم مانفع...
مادري شنو حله صراحه

[amroaltawfik]

اشبك ال |HDMI ولا تشبك سلك ثاني ال HDMI هو مخرج الصوت والصوره

[Tetra]

ارجو من المراقبين نقل الموضوع الى قسم الاستفسارات
=================================
الحل الاول انك ادا ما دشيت بيه لايف لازم تدش به عشان يجيك تحديث يخص اعداات الشاشه مع اعدادات الجهاز
هالمسئله مجربها + يتحسن اداء التلفاز مع الجهاز
الحل الثاني ادا ماشتغل معاك الاول اشتري سلك اصلي HDMI ورتاح من كل الهرج
هو يعطي صوره وصوت في سلك واحد + ماراح تعدل اعدادات اضغط بس زر HDMI من الريموت كونترول وخلاص
بتلق الصوره والصوت ممتازين وماراح تعدل شي في خيارات الشاشه + راح تلاحظ فرق كبير بين السلك اللي تشتغل بيه الحين وبين سلك HDMI شوف صورته

[Grand Marshal]

اخواني ...
انا عندي سلك HDMI الاصلي ويدعم خاصيه الـ Full HD مشغله على البلاي ستيشن ..
انا دورت مخرج HDMI من الاكس بوكس ماحصلت مخرج وعرفت ان الاكس بوكس اللي عندي تشتغل فقط بالاتش دي واقوى تصوير على سلم الكومبوننت AV HD وشغال التصوير اوكي ولكن مع الاسف انا مو قادر اعرف اشتغل الصوت ومستغرب من هالشي ..

مثل ماقلت لكم سلك الاتش دي ماله مخرج من الاكس بوكس اللي عندي مع العلم ان الاكس بوكس اللي عندي

معالج فالكون ... بريميوم العاديه .. تدعم خاصيه الاتش دي والتصوير العالي ولكن بالسلك اللي ايي وياها...
التلفزيون اللي عندي TOSHIBA REGZA 42 مادري يمكن الخلل من التلفزيون بعد...

... تحت التجارب ...

[Grand Marshal]

اخواني ...
انا عندي سلك HDMI الاصلي ويدعم خاصيه الـ Full HD مشغله على البلاي ستيشن ..
انا دورت مخرج HDMI من الاكس بوكس ماحصلت مخرج وعرفت ان الاكس بوكس اللي عندي تشتغل فقط بالاتش دي واقوى تصوير على سلم الكومبوننت AV HD وشغال التصوير اوكي ولكن مع الاسف انا مو قادر اعرف اشتغل الصوت ومستغرب من هالشي ..

مثل ماقلت لكم سلك الاتش دي ماله مخرج من الاكس بوكس اللي عندي مع العلم ان الاكس بوكس اللي عندي

معالج فالكون ... بريميوم العاديه .. تدعم خاصيه الاتش دي والتصوير العالي ولكن بالسلك اللي ايي وياها...
التلفزيون اللي عندي TOSHIBA REGZA 42 مادري يمكن الخلل من التلفزيون بعد...

... تحت التجارب ...

[xX JOKER Xx]

جهازك سليم مافيه اي مشكله ولكن انت ما عرفت تركب الوايرات .....

شوف ....
كيبل الاكس بوكس يوجد فيه 6 وصلات تركب بالتلفزيون الاحمر والاخضر والازرق وهذا يسمى
Component Cable وهو خاص للصورة فقط ماله علاقة بالصوت
اما الثاني الاحمر والاصفر والابيض وهذا يسمى كيبل AV صوت وصورة

الحين ركب الاحمر والاخضر والازرق وايضا ركب الابيض والاحمر من ال AV ( الابيض والاحمر للصوت فقط ) ....
يعني ركبهم كلهم كل كيبل في مكانه الا الاصفر من الAV ( هذا خاص بالصورة ومش محتاجينه)

هذا كل شيئ

شوف هالمقطع
http://www.youtube.com/watch?v=WPfBFU4F60Y

[che]

أنت متأكد ما عندك منفذ HDMI

[Tetra]

يعني جهازك موديل قديم ???
مافيه منفد HDMI

[Grand Marshal]

xX JOKER Xx

يعطيك العافيه ابوي حليت المشكله الله يجعلها في ميزان حسناتك ويوفقك...

واشكر الاخوان اللي حاولو يساعدوني بالمشكله ورحم الله والديكم...

بالنسبه للاخ Che + Tetra انا جهازي مافيه HDMI OUTPUT اللي اهوا مخرج HDMI
انا الكيبل اللي يجي مع الاكس بوكس 360 يدعم خاصيتين ... التصوير العادي والتصوير HDTV
AV HD Component
شاكر لكم مساعداتكم والحمدلله مشغل الاكس بوكس على اقوى تصوير 1080بي والصوت تمام الله يعطيكم جميعا العافيه

[Tetra]

الحمد لله ^^

[لـحـظـة صـمـت]

انا عندي قطعة hd حق البلاستيشن 3 وقال البائع انها تركب على xbox360
وحاولت اركبها بس ماعرفت اركبها واركب قطعة A/V ؟
لانه حاولت اركبهم الاثنين وماقدرت

ارجو المساعدة