جديد وعندي اسأله عن استعمال المكملات بالنسبة لحالتي

[t300]

مرحبا



طولي 170 ووزني 50

والحين ابدخل نادي وببلش اخذ بروتين

بس اي نوع اخذ

لان في انواع ما اقدر اخذها اللي فيها كرياتين ( لان زارع كلى )

بس اتمنى تنصحوني

[t300]

وانا سألت دكتور الكلى قالي اخذ اي شي بس ما يكون فيه كرياتين


انا اللي ابيه اني امتن لاني ضعيف حيل وما امتن كرش .. امتن عضلات

[آبو رآشـد]

قالك كرياتين ولا كرياتنين لاني اتوقع يقصد الكرياتنين لانة متعب للكلى

على العموم ما علينا حتى الكرياتين مشكوك فية طبيا انة يضر الكلى فألافضل انة تبتعد عنة


الحمد الله على السلامة لكن لازم تاكل وتهتم باكلك وتاخذ في اليوم 5-6 وجبات والنوم 8-7 ساعات

واعرف ان المكملات مهيب سحر وانت محتاج زيادة وزن في الدهون وفي العضلات

أفضل شي لك

هو الترو ماس بيزيدك دهون وعضلات وخالي من الكرياتين واي مادة تضر الكلى بالتوفيق لكن بشكل عام اشرب ماء كثير

بالتوفيق

[AmiTy Ville]

حمدلله ع سلامتك وحياك بين اخوانك وبو راشد ماقصر

تم تعديل العنوان + يرجى مراجعة قوانين القسم

[looolz]

اخوي اخذلك مصل جوس + اهتم بالتغذيه 3 وجبات باليوم رئيسية ونوم 7 ساعات وتمرن بضمير

[t300]

يعطيكم العافيه وشاكر ردودكوم

وانا قبل شهرين كان وزني 45

يعني زدت 5 كيلوات لان قاعد اكل من 4 لي 6 وجبات باليوم

والترو ماس اللي علبته لونها حمره ؟؟

*وانا سألت مدرب قالي اذا شربت البروتين فيه كرياتين بس مع حليب يروح مفعول الكرياتين ؟؟ صح كلامه ولا لاء

وانا من اسبوعين تقريبن قاعد اخذ مكمل غذائي (حبوب ) اسمه ميجا مان وسويت بعد اخذي له لمده اسبوعين والحمد لله نسبت الكرياتين 115 طبيعيه

استمر عليه

ولا اخذ الترو ماس ؟؟

[آبو رآشـد]

اول شي دام فيها نسبة انت تقصد الكرياتينين مو الكرياتين يا ليت تفرق علشان ما يجينا واحد بكرا يقول هل الكرياتين مضر ؟

ومدربك غلطان ان الحليب يلغي مفعول الكرياتين الاصح ان الحمضيات من ليمون وبرتقال هو الي يلغيها اذا تواجدت في نفس المكان لكن هذا ما يهمك لان الي خايف منة انت هو الكرياتنين لكن بروض المفروض تبعد عن الكرياتين لانة يزيد بشكل خفيف نسبة الكرياتنين


وبالنسبة للميغا مان الي علبتة سوداء هذا مو مكمل هذا ملتي فيتامين مالة شغل بالتغذية

وبالنسبة للترو ماس الي قلت لك علية ممتاز لك ولا فية مواد تضرك وتقدر تاخذ الترو ماس ما فية اي مادة تضرك

بالتوفيق

[t300]

هلا حبيبي بو راشد

مادري صراحه لاكن اللي ادري ان الدكتور يقولي سو تحليل نسبت الكرياتين

ممكن ينطقها غلط مادري عنه

والميجا مان اي اللي علبته سوده

وهذا اللي بيصير الحين الترو ماس بكره او بعدو راح ابلش فيه

[t300]

رحت مركز السلطان وما لقيته ورحت 3 صيدليات وما لقيته بعد

منو يعرف وين القاه بالكويت

[mashkaljey]

حبيبي مع احترامي للدكتور وللشباب الابطال اللي جاوبوك

انت توك مبتدأ ؟

حبيبي العب شهر ابن لك اساس عضلي داخل على طول تبي بروتين ؟؟ بعدين طبيبك المفروض يعطيك جدول تغذيه صحي لك لانك توك طالع من عملية وتحتاج فتره نقاهه وانا اقول شهر تلعب حديد بدون لا تجهد نفسك باي مكمل افضل

بالنسبة وين تحصل المكملات يا اخوي ليش ادور بمركز سلطان وصيدليات ؟؟ روح على طول اي محل بيع مكملات عندك بالافنيوز وبشرق والبيرق بتحصل المحلات لكن انا اقول تو الناس يا اخوي تو الناس العب شهر شوف نفسك بعدين دش بالمكملات ترى ما بتزيدك ذاك الوزن اللي انت متخيله ؟ الاكل اهو اللي يزيدك

وحياك ربي

[t300]

هلا حبيبي

صحيح انا غشييم بهالامور بس حاب اغير جسمي

وانا مو توه طالع من العمليه زراعة الكلى صارلها 3 سنين

وانا ابي امتن بأي طريقه لان كثر ما اكل ما امتن عشان جذي قلت ابي مكمل غذائي بس اذا برايك ما اخذ الحين بمشي على نصيحتك

وبصراحه انا رحت سيده مركز سلطان اليوم كنت ابي جم شغله وقلت اشوف رحت 3 صيدليات

انشالله باجر او بعده اروح اخذه وبعد شهر من التمرين استخدمه
يعطيك العافيه