عضو جديد
ماذا يجب أنا أفعل وقت التنشيف؟
السلام عليكم
ياشباب أنا الآن أستخدم البروتين بروكمبلكس (أريد الرابط الي فيه الشرح عن البروكمبلكس)
وأستخدم أل كارنتين .وأنا الآن في فترة تضخيم وأريد أنا أبدأ التنشيف للتقسيم وللحرق
علما بأني لي في فترة التضخيم 8 شهور .
فما أدري وش رأيكم هل يجب أن أترك الأشياء الي أستخدمها الآن ؟؟؟؟؟؟؟
عضو جديد
هلا اخوي بما اني داخل فترة تنشيف من فترة ومستمر فية حتى الان
ال كارنتين ممتاز في التنشيف البروكمبلكس منصح فية وشخص متخصص في هذا المجال اخبرني بان البروكمبلكس نسبة السكر في عالية الواي بروتين ممتاز وبروتين البيض هم ممتاز
عضو متواصل الابداع
البروكمبلكس الغينر ؟ ولا العادي ؟
بالنسبة للال كرانتين انااقول لو تستخدم الليبو 6 افضل يحرق الدهون بشكل ايجابي
كم وزنك وطولك ؟؟
عضو جديد
أنا طولي 170
ووزني 81
لكن أنا أفكر أني أقطعها كلها لمدة التنشيف وهي شهر عشان الجسم مايتعود على هذه المواد
فما أدري وش رأيك؟؟؟؟؟؟؟؟؟؟؟؟؟؟
عضو متواصل الابداع
يتعود على شنو اخوي ؟ يا الغالي هذا بروتين اللي انت تتكلم عنه موجود بالاكل يعني مافي شي اسمه اتعود عليه
انت ما قاعد تتعاطي مخدرات الله يهداك وبالعكس تقدر باي وقت توقف عن المنتجات لكن ما انصحك لان بكل بساطه ما تقدر توفر كمية البروتين اللي يحتاجها جسمك من التغذيه فقط ؟
بصراحه يا غالي استغرب من واحد يلعب 8 اشهر وما يعرف هالمعلومات البسيطه !!!!
والبروتين على فكره اساسي سواء بالتنشيف او الضخامه لانه مغذي العضل الرئيسي وبالعكس الي يلعب وله خبره يعرف انه يحتاج للبروتين بكمية اكبر من فتره التضخيم اللي اهي تعتمد بالاساس على الكربوهيدرات !! لكن من الواضح ان ما عندك خبره بهالامر ولا ادري على اي اساس كنت تضخم ولا شنو الطريقه اللي كنت تلعب فيها خلال هال 8 اشهر ؟
على كل حال فتره التنشيف تختلف من حيث التمارين ومن حيث نظام التغذيه ومن حيث المكملات ايظا لان الامور اللي كنت متعود عليها في فتره التضخيم مثل الكربوهيدرات والسكريات والاملاح كلها راح تقللها للحد الاقصى
وياليت تراجع مواضيعنا في قسم المواضيع المميزة كلها بتفيدك خلال فتره تنشيفك وتعطيك خبره اكثر عن رياضه كمال الاجسام اللي للاسف اشوف مالك خبره فيها
موفق
عضو جديد
أشكر أخي العزيز mashkaljey على رده الجارح قليلاً
ولكن أنا معرفتي كويسة لكن كلام الي يتدربون معك في النادي وكلام الي هنا في هذا المنتدى . وأما عن البروتين
فهذا كلام المدرب يقول أستخدم شهرين ووقف شهر فأنا ماأخترع شئ من رأسي .ولأن الصحة أهم من الحديد كله
فلماذا نقعد نتستخدم الأشياء اللي جاهزة للجسم ولكن ياأخي العزيز سددوا وقاربوا .
فشكر لك وتعاونك وتعاون جميع الأعضاء .
الآن الي فهمته منك أن لا نترك شئ نبقى مستمرين على ماسبق ذكره في أول الموضوع
أرجو من الي يعرف الرابط الي فيه الشرح عن البروكمبلكس.
تقبلوا تحيات أخوكم \ابن ظهيري
عضو جديد
اهلين اخوي كلام مدربك صح والمدرب مايقصد العبارة الي انت قلتها ان جسمك مايتعود علية
مو صحيح ان جسمك يتعود علية خليني اوضح لك قصد المدرب استخدام البروتين يجعل الكلى تشتغلى مزبوط يعني يشغل الكلى بشكل كبير ولكلى اذا اشتغلت بهذا الشكل تحتاج من 3 الى 5 للتر ماء يومين عشان ليكون هناك ضغط عليها وبعض المتدربين لا يشرب الماء بشكل المطلوب ومن خوف المدرب علية يقول وقفة شهر ورجع بعد شهر للبروتين
وبخصوص عبارتك انا والله زي مشكلجي فهمتها انك تقصد بعبارتك لايتعود الجسم كانة مخدرات او من المنشطات
غير كذا لو تشرب ماء بشكل صحيح ماعندك مشكلة تشرب البروتين طول الوقت وحالات ضعيفة جداً ياثر البروتين على الكلى في حالة عدم شرب الماء بشكل صحي وكمية صحية.
موفق اخوي وجعلك سالم وحنا هنا زي الاخوان مانقصد غير الفائدة لبعض احتراماتي لك
عضو متواصل الابداع
رد جارح ؟المشاركة الأصلية كتبت بواسطة ابن ظهيري
اخوي انت حساس بزياده وهاللعبه ما تحتاج واحد يتحسس من اي كلمه وانا ما قلت ولا شي يجرحك راجع ردي بالتفصيل ولا بس عشان قلت ان ما عندك خبره !!! وشنو يعني ؟ انت بنفسك تسال اساله ماهي اساله ناس عندها خبره غلطت عليك يعني !! استغفر الله
حبيبي انا مالي شغل بكلام اللي تقول قالولك !! انا اتكلم عن واقع تجارب وكل ردودي لو تلاحظ من تجارب والتجربه اثبتت ان البروتين مفيد للجسم وخاصه اذا ما تقدر توفر بتغذيتك الكمية المطلوبه فالاستعانه بالمكملات ضروري !! واذا معرفتك كويسه ليش تسأل !!!؟
اخوي مدربك على اي اساس قالك وقف عن استعماله ؟ روح اسأله ليش تسالنا وبعدين تناقشنا !!! الحين تقول مدربك يقول وقف وانت مقتنع بكلامه داخل تناقشنا في معارضتنا لفكرته !! وبعدين انا ما قلت انك مخترع من راسك !! ولا طريت هالسالفه ولا اعرفك ولا تعرفني عشان اكلمك بهالاسلوب او تلفق عني كلام وتحطني بالصورة الغير طيبه امام الاعضاء وتفسر كلامي على كيفك !!
واذا يا اخي الصحه اهم من الحديد لا تلعب ووفر على نفسك واجلس بالمنزل مع ان بكل بساطه الرياضه بكل انواعها مفيده للصحة
وانا قلت لك بالحرف الواحد بردودي وعدتها لك هنا حتى تكون على بينه من ردودي اذا تقدر توفر كمية البروتين بتغذيتك وقف عن المكملات وايظا عندي موضوع في قسم المواضيع المميزة عن هذا الامر بس انت ما راجعت قسم المواضيع المميزة وهذي مشكلك انت فليش ترمي زعلك علينا !!
اخوي الحين كل هالكلام اللي كتبته وبعدين تقول تبي تستمع لكلامي وتستمر عليه وتسال ايظا عن رابط شرح البروكمبلكس !!! انت في وعيك ولا شنو بالضبط ؟
استغفر الله
اسمع يا حبيبي دام ان هذا اسلوبك تذم وبعدين تدخل وتقول انت بتمشي على كلامنا فهالاسلوب ما نحبه ولا نتعامل فيه بهالقسم
والموضوع يغلق وعلى فكرة مافي شي اسمه شرح بروكمبلكس ما ادري تستخدمه من 8 اشهر وتاتي الان تسال عنه ؟؟؟ عجيب ! وين مدربك اللي قالك وقف عنه اساله عن الطريقه ولا انت بالاساس كيف كنت تستعمله !!
عضو مميز
ياجماعة الخير اللي يقرأ ردودكم صدقوني على طول يعرف ان الموضوع كله سوء تفاهم بينكم وكل واحد يستغرب من رد الثاني لاني اشوف ان الاثنين منكم خصوصا ابن ظهيري ماعرف يوصل الكلام بالطريقه الصحيحه ولا الدعوه خير يااخوان
ضوابط المشاركة
