الي يخليني أرد عليك آسير حلم إنه آنا ( كــنت ) نفس حالتك و بنفس عمرك و بنفس وزنك إلا اللهم الطول أقل يمكن 167 سم !!!
و كنت أعاني من بروز الصدر و الكرش ,,, خل أقولك شنو سويت !!
أول شي اختي كانت تزور دكتور و يعطيهخا نظام غذائي لها بس انا كنت ملتزم معاها بنفس النظام و تميت لمدة شهر و نص تقريبا لما نزلت وزني الى 65 كيلو و لا تزال الدهون موجودة و شكل جسمي بايخ على الرغم انه الوزن طبيعي و كان صاحبي يروح النادي يومياُ و قلت إلا ادش معاه و كنت متحمس بشكل مو طبيعي
لعبت و صار لي 3 شهور و انا ملتزم و نظامي الغذائي ابتعد عن الدهون و اكثر بروتين و كربوهيدرات
و تقريبا ثلاث ايام بالاسبوع أروح امشي و اهرول لمدة ساعة
ما أكسر بكلام أبو راشد لأنه خبرة أكثر مني بوايد بس انصحك مع النادي تستخدم ليبو6 لانه من اروع حوارق الدهون و ما اتوقع يضرك لانك اقل من 18 لانه يقصدون بعمر 18 انك تكون كامل النمو و ما اتوقع الانسان يكون كامل النمو إلا لما يصير عيدميلاده الـ 18 بالضبط و العمر
و لا تنسى المكملات الي تحتوي بروتين الصعبة انك تاخذها من الاكل و لازم تكون خالية تماما من الـ FAT
باختصار : دش نادي عادي حالك حال أي احد و التكرارات ممكن تكون للجلسة 8 او 10 تكرارات و ممكن تمارس المشي يومياً علشان تشيل الدهون ( الي مسببة بروز في الجسم ) و ما يمنع انك تستخدم حوارق الدهون و أخيرا و أهم شي التزم بالأكل وخر عن الوجبات السريعة و بيتزا و المجبوس و السوالف هذه والله تدمر كل الي بنيته
و انشالله تشوف الي يعجبك و تكون واثق من نفسك بصورة عجيبة و اذا في أي سؤال احنا حاظرين و انشالله ما يقصرون معاك الوحوش ...
و بالتوفيــق ...
