ابي ازيد وزني + طريقة استخدام المايبلوكس ديلوكس

[قطري 787]

السلام عليكم ورحمة الله وبركاته
كيف حالكم اخواني
عساكم بخير
انا عضو جديد فالمنتدى
ومتمرن جديد
عمري 17 ووزني 55-56
وطولي 167 << لو عندكم حل عشان اطول فيدوني به !!
وجسمي من النوع اللي يزيد وزنه على خفيف وماعرض ولا امتن حتى لو زاد وزني ابقى ضعيف ولو تمرنت ماتبين العضلة فيني تنتفخ على خفيف وتفش لما اطلع من التمرين ههه .. وابغي اوصل للجسم الفرنسي .. فشرايكم ~
اشتريت البارحه myoplex deluxe

كان ودي اخذ ميجاماس او سيريسماس
بس ماحصلت بحكم اني من دولة قطر
وماعرف الا محلين فالدولة تابعين لشركة GNC
وهل شركة ماتوفر هل منتجات وسألت لين ماتعبت واخر شي خذت هذا المنتج
وماعندي الا 18 كيس حاليا
اللي ابغيه هل هذا البروتين ينفع لي
وابغي اعرف طريقة استخدامة
ياريت تساعدوني الله لا يهينكم

[الجو111د]

وعليكم السلام ورحمة الله وبركاتة
اول شي ياويك العنوان غلط رحت فيها
بخصوص الطول لازم تراجع دكتور بخصوص هذا الموضوع يوجد علاجات تساعد على نمو الجسم وكتساب الطول اذا لم تبلغ سن معينة.

اسم المنتج: مايوبلكس ديلوكس Myoplex DELUXE


* يحتوي علي (53جم) بروتين الحليب النقي.
* سريع الامتصاص.
* يحتوي علي (12جم) الجلوتامين (حمض اميني) للشفاء العضلي.
* يحتوي علي (1جم) سي.أل.ايه حمض اميني يساعد علي سرعة حرق الشحوم.
* يساعد علي تكوين ضخامة عضلية.
* وجبة غذائية كاملة.
(طريقة الاستعمال) 2إلي3 اكياس قبل وبعد التمرين مع الماء أو الحليب خالي الدسم
نكهات : ( فانيلا - شكولاته - فراولة)
البروتين ممتاز

[قطري 787]

شلي غلط فيه

اخوي انا عارف ان البروتين ممتاز بس بالنسبه لي
كم احتاج من الاكياس
وهل هذا البروتين يساعد اني انجز ويعطيني طاقة ويساعدني اني اشيل اوزان ولا

[آبو رآشـد]

يا ليت تراجع قوانين القسم بالنسبة لأسم الموضوع يا استاذي

+

تم تعديل عنوان الموضوع

[قطري 787]

السموحة اخوي .. بس توني جديد فالمنتدى ومادريت الا منكم .. السموحة مرة ثانية

طيب يااخوان تكفون أفيدوني والله اني متوهق !
ومب عارف هل هذا البروتين يصلح لي ؟
وعلى حسب جسمي كم احتاج اني اخذ ؟
ومتى بالضبط !؟

[الجو111د]

السموحة اخوي .. بس توني جديد فالمنتدى ومادريت الا منكم .. السموحة مرة ثانية

طيب يااخوان تكفون أفيدوني والله اني متوهق !
ومب عارف هل هذا البروتين يصلح لي ؟
وعلى حسب جسمي كم احتاج اني اخذ ؟
ومتى بالضبط !؟

شوف حبيب قلبي بعطيك الطريقة ومشي عليها مع هذا البروتين
خذ في أول اسبوعين
1 كيس كامل الصباح بدري
وكيس اقسمة على نصفين نصف تشربة بعد التمرين مباشرة
والنص الثاني قبل النوام وهذا اهم شي يعني تشربة وتنام.
وراقب الوزن كل السبوع وراح ان شالله يكون زايد اذا كانت الزيدة ممتازة استمر على هذي الطريقة
واذا كانت الزيادة مررره بسيطة بعد السبوعين
تاخذ كيس اصبح
وكيس بعد التمرين
وكيس قبل النوم
هذا طريقة مجربة 100% في 100%
ملاحظة ركز في التمرين ونام زين وكل زين
وشوف النتائج ودعيلي

[Northman]

الميجاماس و انواع ثانيه من البروتينات تحصلهم عند محل اسمه يورك .. في شارع بن عمران بعد مكتبه الجامعه الي صوب دوار التلفزيون

المهم عقب ماتجمع الي تبيه ,, تقول له يخصم لك ,, لانك لو سكتت ,, مابينزل لك ولاريال ههه

بالنسبه للميوبلكس ,, ان شخصيا اعتبره زين

و بحسب المكتوب عليه ,, تقدر تاخذه 3 مرات في اليوم

و خلهم بين الوجبات

افضل و انفع لك

[Al3aZeF]

إذآ آنـت مآ تهـتم للسعـر وآلتوفيـر أو زي مآ نقـول [ بطرآن ] ..
فـ هذآ آلمنتـج هو أفضـل منتـج لـ زيآدة آلوزن في نـظري !
وآتبـع طريقـة آلأخ : الجو1111د في أيآم آلتمـرين ،
أمآ أيآم آلرآحة فـ آخذه بيـن آلوجبآت ..