طلب تنسيق كورس تخسيس

[A.ibrahim]

شباب بإختصار ابي منكم كورس تخسيس قوي جدا علما بأن دوامي من النوع المكتبي من 7 الصباح إلي 4:30 العصر يعني واضف اني الصبح لمن اقوم اقوم وماعندي وقت لني وادي مشاوير مدارس (من الصباح مضغوط).

وقعدة المكتب دمرتني حتى اني من هبلي فكرت اترك الوضيفة وادور عمل جسدي ثاني بس حاس انها حركه من جد غبيه

المهم ابي منكم حل لمشكلتي وجدول يناسب وقتي علماً بأن عمري 28 سنة و الوزن الحالي 73 والله كان 64 قبل3 شهورو, والطول 146 cm

ودمتم بخير.

[mashkaljey]

اهلا اخي الكريم طولك قصير بالنسبه لوزنك يعني انت حاليا زايد فوق ال 25 كيلو

تحتاج مجهود اظافي عليك شوي

اول شي انت وقتك بالدوام مشكلة المشاكل لازم تلتزم بتغيه صحيه بعيده عن الدهون وتقلل من الكربوهيدرات وتبتعد عنها في الليل خل شغلك مشوي ومسلوق وفي اكثر من موضوع عن التغذيه

الحين وقت النادي لازم تسجل بنادي وبعد الدوام مباشره تروح للنادي يكون افضل لك مو تاكل وتريح وبعدين تروح لا انت خذيت كفايتك وانت بالدوام خلك بالنادي شهر الى 3 اشهر سويدي وكارديو على الاجهزه وبتصير 100% لا تنسا تمارين المعده وفي مواضيع بالقسم المواضيع المميزة عن تمارين المعده

طبعا جدولك بيكون حاليا كل يوم ما عدا يوم الجمعه لاتقول واجد لا بالعكس قليل العب بالبدايه نص ساعه وبعدين زيد على نفسك شوي شوي لحد ما تشوف نفسك بالنادي ساعتين ونص الى 3 ساعات ما عليه دوامك والنادي بياخذون يومك كله لكن فتره بس لحد ما تحرق الدهون بعدين تتنظم بتغذيه ورياضه خفيفه لحرق الدهون بشكل مستمر

بالنسبة للمكملات وهالسوالف توك عليها اصبر ما يحتاج تبدأ تاخذ شي خلك طبيعي وانتظم باكلك بس

موفق

[A.ibrahim]

بارك الله يك بس ترا العام كنت بكورس تنشيف مع اليبو والحمد لله خفيت عليها اقلك كان 64

لاكن بشوف بعد الدوام صالة بجدة حلوه
عموما الف شكر مشكلجي نبي بس مدرب او احد شباب المنتدى في صالة بجدة

[mashkaljey]

ما كنت ادري انك كنت تلعب وتستخدم ليبو 6 ؟ بس دامك تلعب من قبل ومستخدم الليبو ومعطيك نتائج المفروض ما زاد وزنك الظاهر انك تماديت بالاكل وخبصت بالحيل !! هذا اكبر خطأ للرياضيين ياليت تتقيد بنظام تغذيه على طول حتى لو وقفت اللعب

وان شاء الله يساعدوك الشباب بالنوادي