الي من قطر وعنده مشاكل Ping في Ventrilo يتفضل

[Sealth]

السلام عليكم

ياجماعة في موضوع والله مسويلي ازمة ومب عارف له حل ... تقريبا قبل 3 اسابيع بدت هذي المشكلة مع Ventrilo والي هي كل ماضغط عشان اتكلم او يكون في اكثر من 3 في نفس Room ال Vent يصير عندي Ping مو طبيعي وحزات يوصل 30 ألف والصوت يوصل بعد دقيقتين... المشكلة ان ماعندي اي تاخير في اللعبة من ناحية الDownload أو الUpload وسألت اكثر الشباب في قطر الي يلعبون ويستخدمون الVent بعد قالولي ان عندهم نفس المشكلة ..

والله انا حاس ان كيوتل ( شركة الاتصالات الي عندنا ) هي ساس المشكلة لان من يوم ماطق علينا مطر قوي شوي ومن يومها الVent معتفس.. الظاهر شرب شي عندهم وخرب علينا السالفة هههه

ياريت يا شباب الي عنده حل او اقتراح يتفضل..

تحياتي

[nopeace]

والله نفس حالتك امس أنا ف الريد والبيج مال ال vent موصل 2000 مب دائما مرات .. شوف اذا احد جرب النت مال فودافون ولا لا

وعطنا خبر عن انترنت فودافون اذا عندك خلفية عنه ؛)*

[Sealth]

والله ماعندي خلفية اذا فودا فون فاتحين خدمة انترنت حاليا او لا بس اعتقد حتى لو فاتحين راح يكون على نفس سيرفرات كيوتل..

انا للحين استخدم زفت الطين هذا نت كيوتل والمشكلة تراها في كود الصوت والquality

شفت موضوع في منتدى Vent واحد قطري كاتب عن نفس المشكلة وقايلين له ان المشكلة عندك في الBandwith او شي في الداونلود او الابلود ... اليوم انا كلمت كيوتل وكالعادة خلوني انتظر ع التلفون 20 دقيقة عشان يحولوني على قسم الProgramming وفي النهاية محد يرد

[kawabanka]

اخووي المشكله في كيوتل

وفودافون بتحط النت ان شاء الله اخر السنه هذي او السنه الجاي

يعني تحملوا على كيوتل شوي ههه

[nopeace]

ههههههه

توك تدري ان كيوتل مفهيين .. هم لازم ينقعونك في الخط لين ما تخيس بعدين ولا احد يحل المشكلة وكل شوي واحد يقولك .. احنا نسعى لرضائكم .. طل

نصبر ونشوف اخرتها معا كيوتل

[kawabanka]

اخووي المشكله في كيوتل

وفودافون بتحط النت ان شاء الله اخر السنه هذي او السنه الجاي

يعني تحملوا على كيوتل شوي ههه

[Sealth]

ياجماعة للحين المشكلة موجودة ولا شسالفة ؟؟

انا لاعت جبدي وانا اصلح في هالبورتات وافتح شوي هني واصكر من هناك ومالقيت حل.. اذا حد فيكم لقى حل للمشكلة ياريت يفيدنا ياشباب

[nopeace]

نفس الشي وقت الفايت البنج يوصل 10k - 20k وعند التراش 6k واغلب الوقت 140-180