استفسار مهم لجميع الخبراء هل احتاج مكملات

[فيصل 2003]

السلام عليكم ..

كيفكم جميعاً ؟

وزني 53 ونص وطولي فوق 170 بس مدري كم من زمان ماخذت الطول .. المهم صارلي الان العب شهر ويومين والجسم اللي طالبه فتنس وقالي المدرب اوصله في 8 شهور المهم حددلي قائمه غذائيه اللي هي :

فطور: 4 بيضات مسلوق مع حليب والساعه 10 صبح اكل شي خفيف سندوتش مثلا مع اني ماطبقها !

غداء : يقولي اكل رز مثلا مو مهم لاني بجي التمرين واحرقه لاني اتمرن الساعه 2 ظهراً يوميا

طبعاً قبل لاروح التمرين اكل موز عشان يقولي فيها طاقه للجسم !

وبعد الفتره ذي اكل شي يعني بين كل وجبه ووجبه اكل شي

العشا : اكل نواشف فقط

جدولي :

سبت : صدر _ باي

احد : ظهر _ تراي

اثنين _ كيب __ ترابيس

ثلاثاء : رجول والعب صدر معها بس الصدر ماقالي المدرب بالجدوب يعني من راسي

اربعاء : باي -- تراي

خميس : ريست -- قطنيه اسفل الظهر

مع العلم البطن يومياً

الان انا لي شهر وماشوف فيه اختلاف كثير يعني ! انا ماخذ مكملات غذائيه المدرب مقالي خذ مع انها موجوده في النادي وش تنصحوني فيه ياشباب ابي نتايج اسرع وابي يزيد وزني ابي امتلي شوي ونصير اوادم
تحيتي

[mashkaljey]

اخوي مع احترامي لك انت فاهم اللعب غلط بغلط ؟

المفروض تكثر من الكربوهيدرات وخاصه في فتره الصباح وتفتح الاكل لان وزنك انت بالاساس نحيف يبيلك على الاقل فوق ال 10 كيلو حتى نقول عنك فتنس !!! اما انك بهذا الوزن ومسوي جدول تغذيه مافيه ولا كربوهيدرات !!

افتح الاكل افتح اكل اللي تبي

ومساله تلعب يوميا بطن هذي خطأ انت منت بالمكرش يا عزيزي انت زين فيك بطن لا حبيبي العب يوم وترك ولا 3 مرات الاسبوع بس ولو ما تلعب احسن بعد

مساله المدرب عطاك 8 اشهر وقال بتوصل للفتنس انا اقولك لا انا ولا مدربك ولا اطلقها شنب يقدر يعطيك وقت معين المفروض يقولك بشوف تحسن فقط ما يوعدك بشي وهو مو عارف طبيعة جسمك الا اذا هالمدرب تخصص تغذيه ومسوي انت تحاليل هو طلبها منك وهذي ما اعتقد يسويها !!

عزيزي بالنسبه لك شهر واحد لا تبحث عن الاختلاف ابدا الشهر الاول لواحد مثل زنك هو تاسيس عضل يعني يشد جسمك بس

وبعدين اخوي لا تحاول انك تلعب عضلات معينه بجسمك من نفسك ترى الجدول ماهو تاليف من عقل المدرب ؟ الجدول له اساسيات وضعت عليها اللعبه يعني ما يلعبك هالتمارين عبط ولا مش حالك لا اخوي كلامك اللي تسويه خطأ في خطأ ارجع للجدول الرئيسي ولا تزيد او تقلل فيه شي التزم هاللعبه يبيلها التزام



وبعدين ظروري تعلمنا بعمرك ما نقدر نعطيك شي من المكملات مع اني ما انصح احد يعطيك شي من المكملات لانها ما بتفيدك انت ما عندك للحين عضل عشان تغذيه

شدلي همتك بالتغذيه في موضوع انا وضعته بقسم المواضيع المميزه عن التغذيه للتضخيم مفيد وتعرف شلون تاكل بالشكل السليم

موفق

[فيصل 2003]

هلا اخوي .. مشكور لردك المشكله ان التغذيه اللي عطاني المدرب نفسه حلو ! وقالي العب بطن كل يوم عشان تقسم وفعلا بدات تبان التقاسيم شوي وانا مابي اضخم ابي جسم فتنس يعني جسم مقسم والعضلات بارزه شوي !!

وعمري 22 سنه

طيب نصائحكم للتغذيه شو هي اذا تغذيتي غلط ؟

[mashkaljey]

شوف يا بعدهم انت بتشوف بطنك بتقسم صحيح لان ما عندك دهون بجسمك فاكيد بتبرز المعده اجباري

لكن انا اتكلم عن واحد يبي يزيد وزنه كيف الزياده بتكون ؟

بالاكل اول شي

والراحه ثاني شي

واخيرا التمرين يكون باوزان عاليه وتكرار خفيف ونحن نسميه الضخامه لان بهالطريقه تحافظ على وزنك يزيد وتلعب صح

لكن اذا انت تبي تمشي على نظام الكابتن وشايف ان جسمك اوكي الله معك شد حيلك

اما اذا تبي الكلام الصحيح

كثر من الكربوهيدرات باكلك ترى الكربوهيدرات بكل مكن تحصلها منها الخبز والشوفان والموز الخ

ولو انت داخل موضوع التغذيه اللي انا كتبته كان عرفت وشتاكل بالضبط

لا تنسا تاخذ لك لفه سريعه على مواضيع القسم المميزة وتشوف وتعرف اكثر عن هاللعبه وتراهي لعبه صبر بس ما تحتاج شي ثاني

موفق

[فيصل 2003]

اوكي ان شاءالله انا معك

بس بسالك هذا الجسم اللي انا ابيه

هذا مو فتنس ؟

[mashkaljey]

ابو الفتنس

حبيبي هالرجل على الاقل وزنه 75 وطوله 175 يعني وزنه على طوله معطيه جسم فتنس 100%

انا اتكلم عن خبره في اللعبه هذي ترى العضل ماهو خفيف لا تحسب ان جسمه لانه ناشف وزنه 60 ؟ لا اخوي العضل ثقيل ومثل ما تشوف الصدر بارز بروز واضح ومرسوم رسم

وعلى فكره في موضوع انا كتبته اقتباس من اخونا الكابتن برشا هالصورة بالضبط موجوده وفيها نتكلم عن التغذيه

موفق

[فيصل 2003]

اشكرك حقيقة واشكر تفاعلك معي

دوبي جاي من الصاله وكلمت المدرب قالي وزنك راح يزيد مع التمارين والتغذيه اللي انا عطيتك هيا راح تزيدك بس يبيلها شوية صبر ..

عموما مشكور والله اني ضايع حبيتين لكن نصبر ونشوف

[فيصل 2003]

اخوي مشكلجي انا كنت ملخبط الان فيه جسم فتنس وفيه فرنسي .. اللي ابيه الفرنسي والعذر والسموحه على اللخبطه

[آبو رآشـد]

فوق كلام الوحش ابو ابراهيم

انت تحتاج الى اكل دام انك تبي فرنسي فلازم تاكل كارب وتشد حيلك في الاكل انت تبي عضل يعني فرنسي
لازم تاكل بروتين من بيض وصدر دجاج وشرائح ديك رومي وغيرها وتنام مظبوط وتشد حيلك في التمرين في البداية امش على كلام المدرب من ناحية الجدول ولا تزيد شي من راسك واذا بغيت مكمل انصحك بالسيرياس ماس راح يعطيك دهون لان جسمك مرة تحت ما قتدر تبني عضل صح بدون دهون خذ سيرياس ماس وراح تدعيلي وشد حيلك في الاكل اذا وصلت الـ 60 وقف عن الدهون وخذ مكمل ثاني بدون دهون زي برو كومبلكس ول الوي بروتين
وطبعاً اذا اخذت سيرياس ماس لزم تلعب بطن يوميا لكن بشكل عام حاليا دام ان بطنك مشدود العب تضخيم الى ان تشتري السيرياس ماس وعشلات نعرف تمارين البطن رح لموضوعي في توقيعي حلم الـ 6 بابك وطبق تمارينة وذا شريت السيرياس ماس العب البطن يوميا

بالتوفيق

[فيصل 2003]

اهلا حبيبي ابو راشد طيب كلامك جميل الان هذا جدولي

فطور: 4 بيضات مسلوق مع حليب والساعه 10 صبح اكل شي خفيف سندوتش مثلا مع اني ماطبقها !

غداء : يقولي اكل رز مثلا مو مهم لاني بجي التمرين واحرقه لاني اتمرن الساعه 2 ظهراً يوميا

طبعاً قبل لاروح التمرين اكل موز عشان يقولي فيها طاقه للجسم !

وبعد الفتره ذي اكل شي يعني بين كل وجبه ووجبه اكل شي

العشا : اكل نواشف فقط

اضيف اللي قلتلي عليه ؟ يعني على هذا الجدول

هذا المكمل سيرياس ماس من وين اقدر اشتريه وكيف طريقة استخدامه ؟

بالنسبه للتضخيم اتبع اللي يموضوع 6 باك

[آبو رآشـد]

اية نعم سو مثل ما قلت لك واضف علية والرز كمل علية لانة افضل شي للكارب

والسيرياس تلقها بالنادي يبيعونة او المدرب يبيبة واذا شريتة علمناك طريقة الاستخدام

بالتوفيق

[فيصل 2003]

اوكي راح اسال عنه وبشتريه بكم سعره ؟؟ وعندك اي ملاحظه ع جدولي وترا العب بطن كل يوم

ومشكور الله يجزاك خير والله مستحي منك كثرت عليك اسئله لكن استحملنا وتكسب اجرنا ان شالله

[فيصل 2003]

السلام عليكم ..

ابو راشد شوية استفسارات لاهنت انت تعرف لي شهر و4 ايام تقريبا اتمرن عادي اخذ مكمل سرياس ماس وانا مالي شهر بالنادي سمعت يناخذ بعد 3 شهور فقط .. وانا حصلته عندنا بالنادي ب320 مادري سعره مناسب او لا !؟ انتظر تعليقك بخصوص هذا

ورائك بالوجبات هذي

الوجبه الاولى : 4 بيضات + عيش+ كوب حليب+ موزه

الوجبه التانيه: سلطه + ارز او مكرونه + سمك او صدور فراخ او لحوم

الوجبه الثالثه او وجبه بعد التدريب : تونه + 4 بيضات+ عيش + موز+ سلطه خضرا

الوجبه الرابعه : اجبان+ عيش+زيادى

قبل النوم تشرب شوب لبن 400 مل

[فيصل 2003]

السلام عليكم

حصلت المكمل بسوق بسعر 250 ريال بس مو كيس مثل هذا



حصلت مثل هذا الصوره علبه كبيره



هل فيه فرق ولا هو نفسه ؟

[آبو رآشـد]

ممتاز شغلك

وعندك السيرياس ماس غلط من قال تستعملة 3 شهور وتوقف عادي لو تستعملة الى اخر الدينا


بالنسبة للعلبة والكيس اية يفرق العلبة كيلوين ونص

والكيس خمسة كيلو ونص

واي استفسار انا حاضر