يا اخوان استفسار عن النايتركس

[ميمو2009]

يا اخوان انا شريت اليوم نايتركس واستخدمت حبتين فقط قبل الاكل ولكن المشكلة اني حاس بصداع وحرقان في العين وانا ما ادري وش السبب علما اني ماكنت اعلم بوجود الكريايتين في النايتركس علما بان قد سبق لي وجربت الكرياتين صافي وسبب لي شعور كذا بامتلاء وكان في ماء في جسمي وصراحة مرة مررة ماعجبني الشعور ذا ورميت المنتج الكرياتين والحين ما ادري وش اسوي مع النايتركس
والله ياشباب اني اتعهد نفسي ماراح استخدم اي منتج (باور_بمب_حرق دهون_الخ...) والكلام الفاضي ذا باستثناء المكملات البروتينات والاحماض فقط
وش رايكم ياشباب وش السواة في النايتركس ذا حسبي الله عليه
ويعطيكم الف عافية

[آبو رآشـد]

اخوي اول شي كيف تاخذ النايتركس مع الاكل ولا قبل ولا شلون ؟؟
ثاني امر فيك امراض انت قلب ظغط سكر او ما شابة
وعطني طولك ووزنك وعمرك

[ميمو2009]

يعطيك العافية يابو راشد
اولا: بالنسبة للامراض الحمدلله بس كان عندي ارتفاع في الضغط خفيف واستعملت حبوب للضغط المرتفع وبجرعات طفيفة جدا لاتذكر ووقفتها من زماان يعني تقريبا فترة لاتقل عن 5 شهور

وبالنسبة للطول 181 الوزن90 العمر 19

[آبو رآشـد]

لا عاد تاخذة النيتركس ابدا ولا منتج بامب ولا حارق دهون ما تنفع لك ابدا وراح تضر نفسك لانها بترفع لك الضغط
وبتسوي لك بلاوي لان فيك انت ظغط مسبقاً

بالنسبة للكرياتين البيور عادي تستخدة انت ما عندك مشاكل

لكن لا تكثر منة امش على الجرعة المظبوطعة علشان جسمك ما يمتلي فية خذ بس الي ينفعك بقوة التحمل

بالتوفق وحاضر لي سؤال

[ميمو2009]

يعطيك الف عافية يابو راشد على اهتمامك
بس ياخسارة توي شاريه ما اخذت منه الا حبتين الله يعوض علي فيه
وبالنسبة للبروتين الوي وش رايك يابو راشد بروتين وي قولد افضل او هايدرو وي؟
وش الجرعة المناسبة اللي تشوفها لي؟

[آبو رآشـد]

لا الوي بروتين حلو

بعد التمرين سكوب وقبل النوم سكوب

ولأستفادة اكبر تاخذة اول ما تصحى بعد سكوب

بالتوفيق ان شاء الله ومعوض خير عطة واحد من اخوياك ولا بعة علية ولا رح لفسم البيع والشراء وحطة هناك

بالتوفيق