بياض البيض كيف طريقة استخدامه ياشباب

[ميمو2009]

السلام عليكم ورحمة الله وبركاته
وشلونكم شباب ان شاء الله بخير دوم ياوحوش
اقلكم اخواني اسمع دائما عن بياض البيض والشباب في النادي يتكلمون عنه
وصراحة تعرفون لقافة ولازم نشوف وش السالفة لكن ومع ان دافع القافة كان قوي الا اني ماسطيت اسال وقلت ان شاء الله الشباب في المنتدى مايقصرون بافادتي
وش بياض البيض وشلون طريقة استعماله؟ مع عصير؟ مع حليب؟ يكون مطبوخ غير مطبوخ؟ وقد ايش فائدته؟ ومتى اوقات تناوله؟ كم الكمية بالنسبة لي اذا كان طولي 181 ووزني 90 ؟ وان شاء الله ماطولت على احد بالاسئلة لكن زي ماتعرفون هالعبة لازم استفسارات الواحد مايطمر في شيء وهو مايدري وش القصة!
ومشكورين...

[عشــق البطــوله]

وعليكم السلام ورحمة الله وبركاته

سؤالك غريب اخوي ..

اخوي معروف ان بياض البيض هو مصدر من مصادر البروتين الطبيعي .. يعني مثل صدور الدجاج وبياض البيض والحليب واللحوم والاسماك والفول وغيره كلها هذي مصادر طبيعيه للبروتين

وطبعا كلها ضروريه لبناء الجسم والعضل .. يعني لازم يكون برنامجك الغذائي مرتكز على هالأنواع من البروتين طبعا بجانب الكاربوهيدرات والقليل من الدهون الصحيه ..

عموماً .. تقدر تبحث في قوقل عن فايدة بياض البيض وكمية البروتين في كل بيضه ..

بالنسبه لطريقة تناوله معروفه انها تسلق البيضه ( تفوح البيضه في ماي مغلي لمدة من 10 الى 15 دقيقه تقريبا)

وبعدين تقشرها وتنزع منها الصفار وتاكل البياض بالهنا والشفاء

[alkatal]

صحيح كلامك وذا هو المعرووف عند اغلب الرياضيين

الا اذا في طريقه مانعرفها

[Leaner]

أو تقدر تشيل الصفار من البيض من غير طبخ وتخلطه مع حليب خالي الدسم

علما بأن البيضة الكاملة (عالية الكلسترول) فيها 6 جرام بروتين

بياض البيضة الواحدة = 3 جرام بروتين

[mashkaljey]

هالموضوع بيفيدك

http://www.montada.com/showthread.php?t=652805