المشاركة الأصلية كتبت بواسطة mashkaljey
اهلا اخوي انا بجاوبك بالمختصر المفيد
لا تلعب اقل من 20 دقيقه لبدأ حرق الدهون بالجسم سواء دورات او المقاومة المغناطيسيه كلاهما حرق دهون اخوي يعني اي واحد وزنه عالي ماتقوله العب حديد بهالوزن وما يقدر يكمل التكرارات الكامله لكن يقدر بوزن خفيف يكمل هالتكرارات فمن هالمبدأ انا اقولك اللي تقدر توصل فيه 20 دقيقه وفوق هذا المناسب لك جرب وشوف !
بالنسبة لنبض القلب هذا يعطيك كم قلبك يدق بالدقيقه وانا اقولك ماعليك من هالامور خلك على سالفه ال20 دقيقه ولا تقل عنها ولابأس لو زدت الى نصف ساعه او ساعه الى ربع او ساعه كامله اما قلبك يدق ولا لا فهذا ما عليك منه عندنا بالنادي نفس الدراجه والشاشه ما تشتغل عطلانه فنحن نلعب على مانوصل للثلث ساعه ونعديها للنصف ساعه وخلصنا نتصبب عرق ونعرف ان سوينا شغل اليوم
بالنسبة للواط ما ادري والله المفروض تسال صاحب الدراجه اللي شريتها منه او تقرأ الكاتالوج حقها !
وما اوصيك تسوي شي ياغالي لاتحمل اوزان ولا هم يحزنون زيد بالوقت كل يوم واستفيد
موفق خير
