تعرفون اية محلات يبيع الاجهزه الرياضيه في الرياض؟؟

[7mdحمد]

السلام عليكم

اول شي يعطيكم العافيه يااخوان على المجهود اللي تسوونه

اخواني انا ناوي اسوي جيم في البيت ان شاء الله

بس المشكله اني مااعرف المحلات الكويسه اللي الاقي فيها اجهزه رياضيه دخلت موقع الرياض 905 خربان السيرفر حقهم ) << زي العاده

الزبده

الا شياء اللي ابيها معدات كمال اجسام يعني اوزان وبنش وحاجات زي كذا

ياليت تعطوني اكثر من محل في الرياض عشان اشيك عليهم واقارن بالاسعار

والله لايهينكم لا يجي واحد ويقولي يومارك والخرابيط اللي زيها ابي محلات شغل نظيف ورخيص

راح اكون شاكر اي خدمه

[aljoookeeer]

هلا بك أخوي
وين موقعك بأي حي عشان نفيدك؟؟؟

عندك مخرج 28 طريق المدينة المنورة فيه غرناطة & وفيه الأسواق العالمية للرياضة والأدوات الرياضية

بالتوفيق

[professional8]

اخوي رح الحراج تلقى الاسعار رخيصه لان اجهزة الجم بتكلفك ... وفيه الفالح و يومارك وغيرها من المحلات وخاصه الي عند دوار الحساء اذا رحت وجهك جنوب

[خالد اسعد]

اخوي نصيحة اشتري من الخارج خصوصي الامريكي

والله بعض المواقع مقارنة ببعض الخردة اللي تنباع عندنا ومسمينها اجهزة

رخيصة ان كان بغيت بعض المواقع حطيتها لك في موضوع خاص

والله حسبتها طلعت معي بين 15000 - 30000 ريال

وكاملة مو اجهزة مشتركة

ومتفسقن اخر فسقنة في هالحسبة

اجهزة للارجل اجهزة للظهر ........
ويبدوا لي انها مثل الموجودة في الاندية الفخمة عندنا

[7mdحمد]

يعطيكم العافيه اول شي على الرد السريع

aljoookeeer

ابوي انا في شرق الرياض بس مافرقت عادي موقع المحل اهم شي عندي الكوالتي والسعر وبيني وبينك انا لما اروح هناك عارف وش ابي يعني مسأله مقارنه مب اكثر عموما ماقصرت المحلات اللي ذكرتهم بشيك عليهم ان شاء الله

professional8

اي حراج تقصد ابن قاسم؟

ترا ماعندي اية خلفيه عنه ولا عمري طبيته

عموما انا الاشياء اللي ابيها بيسكس يعني دمبلز واولومبيك بليتس وبنش وكم شغله
هقوتك القا عندهم شي كويس ولو فيه محل معين انت تعرفه ولا عليك امر كان تقولي عنه بدال ماروح الف هناك على غير سنع

خالد اسعد

اكون شاكر لك لو مثلا فيه مواقع معينه لان بيني وبينك انا فكرت في هالشغله بس اللي خلاني اغير الفكره لما فكرت في الجمارك والقروشه اللي بتصيرغير كذا قيمة الشحن خبرك ذا الاشياء ثقيله

عموما انت ابخص كانك مجرب ياليت تفيدني اكثر في الموضوع

[آبو رآشـد]

حياك عزيزي

ينقل للقسم البيع والشراء

[خالد اسعد]

لاوالله اخوي ماجربت

لكن ناوي وبقووووووووووة

والله يكتب اللي فيه الخير