شالحل مع الااق ..؟؟؟؟؟

[Q8DeviLz]

السلام عليكم ..

يا جماعه والله زهقت وطفشت الااق واصل عندي 1600 مو قادر ادخل اي ريد

لان ابصراحه الااق له دور كبير اذا كنت تبي دمج عالي ودي بي اس

شوفولي حل تكفوون للعلم انا من الكويت والاشتراك من كواليتي نت

[LavaGFX90]

انا من الكويت وأستخدم فيفا USB والاق شاقني شق

[Smart Player]

انا من الكويت وأستخدم فيفا USB والاق شاقني شق

عفواً , ومن متى كان انترنت الـ usb سريع ؟
انصح الي بيلعب بدون اي لاق ياخذ كوالنتي نت , عندهم اشتراكات للـ Gamers
ms 190 - 250
وسعره معقول وافضل بكثير من اي شركات ثانيه

[MR.HM]

والله الحل الوحيد للاق هوه wowtunnels تشترك وياهم وتنزل البرنامج وتدخل باليوزر صدقني بتلاحظ فرق ..
قيمة الاشتراك 56درهم إماراتي كل 6 شهور
وأدخل على السيرفر الاوروبي

[mustang588]

يا جماعه احس ان في نفس المشكله لما انقطعت الكيبلات البحريه في هال اليومين حتى يوتيوب صار ما يفتح

[.::RaK_BoY::.]

تبا حل للاق

دش موقع wowinterface
نزل LatencyFix

لما ينزل فك الضغط واضغط install وشوف الفرق بعدها

[ab20005]

انا من الكويت واستعمل اي قو شركة زين واستخدم برنامج WTFAST لتنزيل الليتنسي بدون البرنامج اللاق عندي 600-750 ومع البرنامج 250-350

بس من يومين احس انه في لاق مو طبيعي ماادري في مشكلة بالكيبلات البحرية ولا شالسالفة ؟

[xX JUBA Xx]

نفس المشكله عندي بالامارات اليوتيوب مايفتح والاتنسي 900

[SoulReaper]

ياجماعه في شي صاير قبل الابديت كان الوضع طبيعي بس بعده ارتفع وايد

[zayood]

والله نفس الشي انا اشتراكي فاست تيكو كرهة اللعبه وشكلي راح ابطل وسبه لاق

[علم قلبي الغرام]

أستخدم latency fix

[super games]

يا شباب للأسف....الحين وصلني مسج (اتصالات تعمل على إصلاح قطع كابل بحري بين الاسكندرية و مرسيليا أثر على خدمة الانترنت في الدولة)...[تلفزيون الشارقة] <--- مشترك في خدمة الأخبار xD
الله المستعان شكلنا بنعاني مثل ما صار قبل سنه او أكثر تقريباً.

[deathbull]

شباب انا بالنسبة للاق صراحة جربت شي و طلع موطبيعي و هو استخدام الـDial-Up صراحة مافي اي نوع من انواع الاق انا انصدمت لما شفت و جربت بعد ما نصحني واحد من الشباب و قال لي ترى ما في شي اسمة لاق في الـDial-up لان الدي اس ال و الوايرلس كلها تستخدم نظام الانترنت المتردد و الجيمز تحتاج الانترنت الدائم زي الـDial-up و صراحة جربوا وماراح تخسروا و حتشكروني على المعلومة

[Q8DeviLz]

شباب انا بالنسبة للاق صراحة جربت شي و طلع موطبيعي و هو استخدام الـDial-Up صراحة مافي اي نوع من انواع الاق انا انصدمت لما شفت و جربت بعد ما نصحني واحد من الشباب و قال لي ترى ما في شي اسمة لاق في الـDial-up لان الدي اس ال و الوايرلس كلها تستخدم نظام الانترنت المتردد و الجيمز تحتاج الانترنت الدائم زي الـDial-up و صراحة جربوا وماراح تخسروا و حتشكروني على المعلومة

يفصل وايد الدايل اب

[Valentino]

شباب أنا مشترك كواليتي نت ....
لا بارك الله فيهم صرلي أسبوع اكلمهم و قول في لاق و النت بطيء
عبال الموظف الناس عبط....كل شوي يقيلي طفي المودم و افتح المودم....
بالآخر كلمت مسؤولهم بعد هوشه مع موظف الدعم و أخيرا قال ان في مشكلة بالنت و قاعدين يصلحوها
يا اخي قول من الاول دوخني لا بارك الله فيكم أسبوع و الاق شقني شق