بسم الله الرحمن الحيم.
مثل ما تعرفون الدر رغم انه ترك المنتدى,مؤقتا مثل ما احب اقول,الا انه ما ينسانا ابدا.و هذا هو المعدن اللي يمتدحون فيه الناس بعض و اغلبهم ما يصنف منه.معدن نادر ممكن تقول انك تعرفه.لكن انت ما تعرفه زين الا اذا عرفت الدر زين;افضل مثال على معدن الذهب اللي ما يصداء.
و كان الدر وعدني او اتفقنا و وعدني انه اذا اشترى لعبة سيل دامج راح يقول لي عنها.و انا اسوي نفس الشيء اذا اشتريت بيكمن.و اخيرا وفى بوعده من خلال رساله كتب فيها تقرير الى جانب اشياء اخرى خاصه.و الحين راح اجيب لكم الاجزاء اللي تهمكم من الرساله و راح احتفظ في اللي يهمني لنفسي...
عشان اوفي بوعدي لك في لعبة سل دامج. شريتها وجربتها فترة. للأسف اللعبة سيئة اذا لعب جماعي واسوء اذا لحالك. اللعبة لها ميزة وحدة فقط وهي الرسوم. رسومها جميلة وغريبة رغم صغر الشخصيات والسيارات. كاريكاتير رائع ورسوم ماقد شفناها في لعبة لننتندو. المقدمة جيدة بعد. وسيارات واسلحة مختلفة ومبتكرة. رشاشات وفؤوس ومطارق. بس صغر الرسوم راح يحد من تمتعك بروعة رسوم اللعبة. مثلا صعب جدا تتهنى برصاص الرشاش وهو يتطاير لأنك يالله تشوف الرشاش نفسة. يمكن ابالغ بس هم بالغوا في محاولة اظهار اكبر ما يقدرون على الشاشة. وهذا له سبب. السبب ان مساحة اللعب صغيرة لدرجة تقول انهم مأجرين الأرض اللي يلعبون عليها. صغيرة لدرجة انك تقطع المكان من اوله لآخرة في ثلاث ثواني في بعض المحلات.
اكبر عيوب اللعبة واللي يقضي بالضربة القاضية على اي ميزة لها هي انك تقضي على الخصم او يقضون عليك بضربة وحدة فقط وفي كل مرة. لا يمديك تهرب ولا تقاوم ولا حتى تفكر. بم وانتهى الموضوع. وتطلع مرة ثانية في محل ثاني وكلك امل ما تجيك بم ثانية تنهيك مرة بعد مرة بعد مرة. لين ترمي يد التحكم من يدك وانت تقول كلام ما يحتاج اذكرة. ليه ماتدري؟ مفروض لك عداد طاقة عشان تخطط تهجم ولا تهرب. وهذا الغرض من العاب القتال. باشخاص ولا سيارات. باقي تعرف انك اذا لعبت لحالك ضد الكومبيوتر بتموت بمعدل مرة كل من خمس الى عشر ثواني حسب حظك. واكرر حظك ما هو مهارتك. يعني ممكن تلعبها سنة ويجي طفل اول مرة يلعبها ويفوز عليك. متى ما واجهته وعنده السلاح بي باي. بم مرة ثانية.
من بداية اللعبة وانت عندك خيارات بالسيارات واماكن القتال. تبدون وكل
واحد على الثاني. يكون عندك سلاح اساسي غير مؤثر لاكن في كل زاوية سلاح قوي على طريقة توستد متل. اذا اخذت السلاح تقدر تستخدمة مرات محدودة وبعدين دور واحد ثاني. بس متى ماكان عندك السلاح القوي اي واحد في طريقك ميت إلا اذا سبقك وضربك.
اللعبة عبارة عن اظغط قد ما تقدر وانت وحظك. مهارة %10 وحظ %90. اذا انتم اربعة تلعبون تكون اللعبة احسن شوي. لاكن عيوب صغر المكان وقوة الأسلحة بتحبطكم شوي. واحيانا كثير
.
اشتري ولا ما اشتري؟
اذا عندك فلوسها زايدة وما تحتاجها، روح اشتر هدية للوالدة تدعيلك بدل ما تضيعها على سل دامج. إلا اذا كنت مجنون هذا النوع من الألعاب. ساعتها بس يمكن تعجبك شوي.
وهذا ياعزيزي تحليل للعبة. تقدر اذا تبغى تنشرة في المنتدى اذا تشوف فيه مصلحة للشباب. انت ورايك. لا حقوق طبع ولا نيلة.
ــــــــــــــــــ
انتهى الموضوع.و اشكروا الدر عليه.
))
او مهوب لازم لانه بيكون رجع خلاص...فهمت شيء؟لا صحيح و الله فهمت شيء؟