اسئله بخصوص وضعي.!!
بسم الله الرحمن الرحيم
اولا احب اشكر اعضاء المنتدى على تواصلهم مع مواضيعنا و خصوصا (الوحوش) الي في قسم اللياقه البدنيه و كمال الاجسام
ثاني شيء انا قبل فتره نزلت كم موضوع استشير فيها بخصوص السمنه و الحمدالله الاخوان ماقصروا بس المشكله اني انشغلت بالفتره الي طافت فما كنت اقدر اروح للنادي باستمرار و كنت اخرب بالاكل فما تغير وضعي.
و انا حاليا احس اني بمشكله كبيره لاني لازم اكون شهر 9 منزل من وزني مايقارب 50 كيلو.
هذي بعض المعلومات عني
العمر 19
الطور 176
الوزن الكلي 138
الوزن بدون دهون 68.5
انا محتار ياجماعه اسوي تخسيس و لا تنشيف >>>لاني احس ان التنشيف اقوى من التخسيس
هذي مجموعة مكملات عندي بس الي ودي اعرفه هو شنو الي قبل التمرين و الي بعد التمرين و شنو الي يساعد على اني اخف من وزني و شنو الي يعيق انزال الوزن
ليبو6
ال كرنتين
كرياتين مونهدريت >>>قريت انه يخزن الماي و يسبب اوجاع بالمعده و هذا الي انا حاس فيه اوجاع بالمعده
امينو 1000
اقدر اضيف ARSON؟؟
انا لقيت هالنظام بموقع اجنبي يقولون انه النظام الي يطبقونه في البرنامج الامريكي الخاسر الاكبر
و هو انك تقسم وجباتك باليوم كالتالي
حصه دهون
حصتين كاربوهيدرات
ثلاث حصص بروتين>>>افكر اخليها حليب بروتين لان مافيه دهون و اي الافضل الواي بروتين ولا البريزر؟صح و لا غلط
اربع حصص خضار و اربعه فاكهه
ياجماعه من الاخر انا شخص ضايع بالرياضه و محتاج الي يوجهني خصوصا في طريقة اكل المكملات((مدربين النادي ضايعين))
و اسمحولي اذا طولت عليكم بالكلام
المشاركة الأصلية كتبت بواسطة منادة الليل
