ҳ̸Ҳ̸ҳآستفسآآر كورس تضخـيم ҳ̸Ҳ̸ҳ..لشخص طوله 164 ووزنه 49

[EVIL MIND]

السلام عليكم

اخباركم...؟


بالبدايه

عمري:20

طولي:164

وزني49

مدة التدريب:5 شهور

في بدايه اللعب كان وزني 46 بعد مااستخدمت السيرياس ماس زاد وزني الى 50 بعدين جربت البروكمبليكس 3 اسابيع
وزاد وزني الى 52 ووقفت
عنه لوعكه في المعده( أكلت اكل فاسد ) واستمرت الوعكه اسبوعين بعيد الشر عنكم ونزل وزني الى 49 ووقفت عن المكملات شهر..

والحين حاب اخش بكورس تضخيم متكامل والكامل الله...عشان ازيد من وزني

وطبعآ اكلي تمام التمام بس مشكلتي المعده صغيره اشبع بسرعه وساعات استخدم المسيقور فاتح الشهيه بس بسرعه يجيب النوم هع

وطبعا جدولي اربع ايام... مثل الجدوال المعروفه

وانا في انتظار اجوبتكم ...وبصراحه حاب استفيد من خبراتكم...

بأنتظار اجوبتكم ...ويعطيكم العافيه مقدماآ

[Leaner]

وعليكم السلام وحياك الله بالمنتدى أخوي

بالنسبة لحالتك، محتاج زيادة وزن من 13-15 كيلو فأنصحك بمنتج gainer أمثال التروماس والمسل جوس والبروكومبلكس قينر وابتعد عن الكارديو وممكن أعرف جدولك الحديد ؟

وتغذيتك قسمها من 5-6 وجبات صحية غنية بالكاربوهيدرات أكثر شي ومن ثم البروتينات وقليلة الدهون

وحاول انك تنام 7-8 ساعات ودام انك تتمرن من 5 شهور أنصحك باستخدام سوبر امينو 4800 مع كرياتيين اذا حاب تزيد من أوزانك ويكون عندك نشاط مثل النو اكسبلود او السوبر شارج مثلا

الكورس المقترح بالنسبة لرأي:
1) التروماس
2) سوبر أمينو 4800
3) النو اكسبلود أو السوبر شارج

بالتوفيق اخوي وانتظر آراء الوحوش عشان تقرر

[sami1989]

ماقصر الوحش Leaner

انت يحتاجلك ترفع وزنك و شغلات اضافيه مثلا الان او اكسبلود يعطيك طاقه ويخليك وحش في الحديد او السسوبر بامب مثلا + احماض امينيه سوبر امينو 4800 او 10000 ايضا ممتاز وهاتلك معاه مالتي فيتامين بالنسبه للمكملات الي ترفع الوزن مع دهون مثلا عندك الترو ماس السيريوس ماس او السوبر ماس جينر ممتازات وانصحك بالسيريوس ماس او السوبر ايضا ممتاز

ثاني شي والاهم ايش تاكل ؟ كيف مقسم وجباتك ؟

كيف مقسم تمرينك طيب اربعة ايام ممتاز للضخامه لكن كيف تلعب ؟

[Yousif Alsaqer]

هلا اخوي ، أنتَ تبي الحين حوالي 20 كيلو علشان تأخذ الوزن المثالي لك ..
عموماً مالك إلا شي واحد تلعب حديد وتأكل زين وتنام زين والمكملات الغذائية تأخذها مضبوط
أنا مثلك وزني زفت 62 ولاكن أنا الحمد لله لأن عمري مو كبير كثير ووصلت لهذا الوزن تمام
يعني ما بدخل بالـ 21 سنة إلا وزني وصل للمطلوب ، عموماً ما علينا أنصحك بـ
1) سوبر ماس جينر
2) سوبر أمينو 4800
3) منتج كيرياتين .. بس على راحتك فيه .. أو منتج غيره ..))

[EVIL MIND]

طبعآ جدولي هذا
اليوم الأول : صـدر + بـآي+ بطن
اليوم الثاني : ظهـر + ترآي
اليوم الثالث : بطــن
اليوم الرابع : آكتـآف + ترآبس + رسـت
اليوم الخامس : رجـل + بـطن
السادس : رآحة
السابع : رآحة
أما جدولي الغذائي
اصحى 6 ونص للدوام بس اشرب ماي مع تمر والساعه 8و45 افطر عدس+جبن+عسل مع عصير برتقال وساعات بيضتين او 3 بدال العدس<<لاتقولون بيضتين اشوي لان معدتي صغيره اشبع بسرعه
والغدا الساعه 12 رز مع سلطة وبطاطس او دجاج او سمك ولبن والساعه 4 اكل زي الفطر بيض +جبن + عسل
والساعه 7 فواكه موز+برتقال+تفاح
والعشاالساعه 9 تونه او سندويشات

يعطيك العافيه LEANER ع النصيحة والاقتراح الحلو

SAMI1989 يعطيك العافية ع ردك الجميل وانشاءالله نشوف وش المكملات اللي يقترحها الاغلبيه ونجربها

[EVIL MIND]

YOUSIF ALSAQER ياليت وزني مثل وزنك وانشاءالله نهتم بالغذاء والراحه ونركز بالتمرين وتسلم ع الاقتراح الجميل

[Leaner]

جدولك ممتاز أخوي

بالنسبة لأكلك، حاول تزيد من البروتين وحاول كل ساعتين - 3 ساعات تاخذلك وجبة

وراح تكون اضافة ممتازة اذا شريت منتج gainer مع الأ‍مينو واذا حاب الكرياتيين

واذا شديت حيلك في الأكل راح تفتح معدتك وبتاكل زيادة ان شاءالله

[speed 4 ever]

عليك بالاكل بكل وقت
الاخضر واليابس

[sami1989]

جدولك 5 ايام وليس 4 عل عموم حاول من تلعب يومين ريح يوم لاتلعب 5 ايام متتاليه علشان لاترهق العضله وتكدر تشيل اوزان حلوه ايضا

اكلك يعني نكدر نكول 3 وجبات مع الفواكه حاول تقسم اكلك اكثر قلل الوجبه واكل اكثر من 3 وجبات

السوبر ماس جاينر هاته ومعاه امينو 4800 وان او اكسبلود ايضا راح يفيدك وبلتوفيق

[EVIL MIND]

يعني متفقين اني أخذ:
سوبرماس جينر
سوبر أمينو 4800
السوبر بمب او النو اكسبلود

ويعطيكم العافية ع الردود الوافيه....