أي نوع تلفزيون افضل للبلاي ستيشن 3

[Arashi]

السلام عليكم

انا ان شاء الله ناويه اشتري جهاز تلفزيون جديد HD من شركة سوني لأن تلفزيوني العادي ما عاد يصلح للألعاب الجديده

بس انا محتاره بين ثلاث انواع

LCD
LED
3D

أنا مابي اشتري شي غالي زياده عن حاجتي وانا عارفه ان النوع الثاني والثالث اغلى

لكن هل احتاجهم ؟
ولا يكفي LCD ؟
هل في فرق؟
سمعت ان في واير جديد للبلاي ستيشن 3 توصله مع التلفزيون ويوضح الصوره اكثر فأي من هذه التلفزيونات يركب عليه هالواير ولا كلها ممكن؟

طبعا هذه الاسئله لأن هالتلفزيون راح يكون لتغشيل البلاي ستيشن3 فقط

[gerrard 93]

قصدك واير HD و يركب على معظم ال LCD و انته ادا رحت بتآخد بتشووف مكتوب على التلفزيون HDMI يعني اوكية و النوعين الثانين اتوقع افضل بس بيكونون فووق حاجتك

[Arashi]

هذا اللي كنت أبي أسمعه
مشكور على المعلومات ^_^

[THh Rock]

خذ لك ال سي دي فيه مدخلين اتش دي افضل

[Arashi]

^^^

ما تهم الماركه صح؟

لأني أسمع ان سامسونج بعد زين

مادري اخذ سوني او سامسونج!!!

[dely10]

lcd
سامسنغ توب وانا مجربه
وسوني بعد رهيب غير هالاثنين لا تاخذ
ولو تقدر تاخذ
3d
اخذ لان الالعاب اليايه اغلبها 3d

[.:Passion:.]

اختي خذلك سوني ال سي دي وانا مجربه
صح سامسونج زين بس البلاي ستيشن 3 احسن تكون نفس شركة سوني

[Arashi]

dely و passion

مشكورييييييين

عيل باخذ سوني دام ماتفرق بينه وبين سامسونج

جفت سامسونج مشكلته مافيه فتحات كفايه -__-

[قناص المانيا]

سوني لا سامسونج ولا ال جي ولا اي خرابيط احسلك سوني

[Arashi]

^^^^
والله لحد اليوم ماشريت التلفزيون @_@

بس شنو هو

HDMI ؟؟

[Al-RaQmi]

HDMI هي الفتحة الخاصة بنقل الصوت والصورة من جهاز PS3 و TV
بدل استخدام السلك ابو 3 اللون (اصفر-احمر-ابيض) يستعمل كيبل HDMI
كل تلفزيونات LCD موجود فيها فتحة HDMI فلا تخافي من ها النقطة
هذا شكلها



وهذا الكيبل


==
تختلف التلفزيونات بعدد فتحات HDMI
منها فيها فتحتين وفيه 3-4
3 فتحات ممتازة جدا وكافيه باقصى الحدود

==
نقطة ثانيه اشرحها لك وهو
HDMI له مستوى عالي النقاوة والي يسمى full hd 1080p وهواعلى درجات الصفاوة للـ HDMI
ويتوفر في بعض التلفزيونات وتكون غالبا مرتفعه السعر عن الHDMI العادي بدون 1080p

==

افضل تلفزيون يجمع هذي المواصفات وسعره معقول هو
samsung LED 32 بوصة موديل رقم UN32C5000 .. سعره بالرياض 2800 ريال

وكمان
Sony LCD 32 بوصة موديل رقم BRAVIA KLV-32V530 .. سعره بحدود 2500 ريال سعودي

اخذي لفة على المولات وشاهدي التلفزيون بعينك

[Arashi]

يعطيك العافيه اخوي Al-RaQmi على خذا الشرح الممتاز

انا باجر بإذن الله تعالى رايحه لسوني وبتأكد ان التلفزيون اللي بختاره يكون مطابق للي ذكرته لي

جزاك الله كل خير ^^

[zain salalah]

LED أفضل من LCD لأن الفرق بينهما في الأضاءة فقط....

[Arashi]

LED أفضل من LCD لأن الفرق بينهما في الأضاءة فقط....

امس جفت الفرق بينهم في المحل
LCD اغمج من LED بشوي الفرق مب وايد واضح @_@

لكن قالوا لي ان LED عمره اكثر من LCD

[XORO]

موب شرط يكون التلفزيون من سوني اهم شي ان التلفاز يدعم تقنية عالي الوضوح الـ HD درجة 1080p

اما اللي يقلك مثلا سوني فيه الوان اكثر ال جي وضوحه اكثر هذه كلها مجرد دعايات لان في الواقع لا يوجد فرق
لان في المولات يحطون فيلم واضح في تلفزيون معين عشان يجذب العملاء مع

انا عندي سامسونج LCD اربعين بوصة وله 3 مداخل HDMI وهذا غير ان له مدخل USB

لمشاهدة الافلام من الهارديسك او الفلاش وايضا يدعم تشغيل ملفات الترجمة
( بلا دمج بلا وجع راس حط الفيلم مع ملف الترجمة في ملف وخلاص )

وهذه صورته



شريته بـ 2299 درهم