السلام عليكم ورحمة الله
ماراح اذكر لكم جدول غذائي لان المنتدى فيه مايكفي بصراحة وكلها برامج ممتازه لاكن اسمحولى بقدم نصايح وعوامل نفسيه راح تخليك تحدد انت شتبغى بالضبط
اول شي احب احذر من بعض المخاطر لعملية تخفيف الوزن العبثيه يعنى تمش على نظام غذائي من راسك وتشوف وزنك نزل لاكن ماتشوف شصار بجسمك وراح اذكرها
من مخاطر تخفيف الوزن السريع او العبثى الى ينقصه كثير من العوامل الى تجعل فيه توازن لاحتياجات الجسم
ضعف النظر او تساقط الشعر او مشاكل بالمعدة اوترهلات بالجسم يصعب حلها بالطرق المعتادة وقد تكون جميع هذي المخاطر متجمعة الان بتقولون انت كذا بتعقدها يا يحلم لا انا مابعقدها بس مابي تخسر وزن وتمرض نفسك شالحل اذا ؟؟
الحل اسمع النصيحه من سبقك بهالتجربه وانا هنا مقصد نفسي لا اقصد الكثير فالمنتدى وغيره فمن الحلول
مراجعة اخصائي تغذيه وعندى شرط اساسي عشان تعرف هالاخصائي يفهم ولا ماعندك احد فاي اخصائي تغذيه مجرد ماياخذ وزنك وعمرك ويقلك تفضل هالبرنامج انا بقلك عليه اسمحلى مايفهم طيب انت الى تفهم يعنى يا يحلماو انا اسف شف كلامي للاخير واحكم اخصائي التغذيه الى فعلن يستحق ان نهتم بكل مايوجهنا له اول مايبدا تحليل كامل للجسم ووظائف الكبد الكلى المعدة والاشعة التلفزيونيه لتراكم الدهون وبعدها يقوم برسم خطط تغذيه سليمة لك ومختلفه من فترة لفتره وراح تكون ماشي على نظام غذائي ونت مطمن باذن الله ان ماهناك اى مشاكل تخرج عن السيطرة لانه راح يكون برنامج متكامل لكل مايحتاج الجسم من فيتامينات وغيره
نجي الان لفلسفة الروح المعنوية لك عشان ماتمشي على نظام اسبوع اثنين وتقول خلاص طفشت مليت خصوصا ان في مرحلة من المراحل تحس ان جسمك توقف عن خسارة اى وزن بس اقلك لاتخاف ماراح يكون هالشي مدامك ماشي صح
* شفلك اى صورة بالنت لجسم تتمنى تكون مثله وخله هدفك احلم من حقك تحلم بس الى راح يكون عيب بحقك انك تكون ضعيف امام رغبتك لللاكل وماتحقق حلمك ولو ضعفت اسال نفسك كم سنة ونت تاكل الى تبغاها ويش استفدت غير كرش وترهلات وحالتك حاله وراح تتجدد عزيمتك باذن الله
* خل الميزان هدفك مثال وزنك 120ك اعزم على نفسك انك تطلع الميزان المراه الجاية وماتشوف رقم 2 بخانة العشرات وماراح تشوفها يا وحش بعزمك واصرارك
* تخيل نفسك ودك تنزل مسبح او بحر لاكن حولك ورعان بزران اطفال وتخاف ياشرون عليك ويقولون الكلمة الى اكيد تعقدت منها يالدب يالمتين يابو كرش مهما اختلفة الكلمات المعنى واحد
* انزل السوق مع اهلك مع اصحابك لوحدك ووقف قدام محل ملابس شبابيه اخر الموديلات وحركات الكشخهودك تلبسها بس جسمك مايساعد لو لقيت مقاسك وبصعوبه كنك لابس خيشه ولا في تناسق
كل هالعوامل خلها قدامك باي لحظة تحس نفسك ضعفت فيها قدام رغبتك للاكل الغير صحي
واخر نصيحة احمد الله انك بوزن زائد وخالى من الامراض الله يسلمنا ويسلمكم منها واستغل هالصحة انك ترجع بجسم طبيعي وصحى وراح تحس بالفرق بكل شي نومك حركتك نشاطك رغبتك لللاكل السابقة راح تكون بحكمة ماهو بحرمان وكسبت نفسك وقبل لاتكون بيوم مجبر انك تخسر هالسمنة بس هالمره راح تكون غصب عنك سلمنا الله وسلمكم من كل شر
اعتذر عن اى مصطلح بس هالحقيقة وهذي فلسفتى الشخصية قبل حوالى سنة ونص
المشاركة الأصلية كتبت بواسطة .hamad.
