المشاركة الأصلية كتبت بواسطة بوبو فييري
السلام عليكم
وعليكم السلام ورحمة الله وبركاته
كثرت عليكم بمواضيعي انا عارف بس من كثر الحماس وازدياد حبي للعبة لكمال الاجسام مع مرور الوقت
عادي واناخوك
لكن
الاسبوع هذا جاني اكثر من تحطيم ياجماعة من اربع اشخاص في اربع مواقف مختلفة
في البداية ببدا اعرف عن نفسي
ياجماعة انا شخص ولله الحمد عندي ارادة قوية وصبر،، قبل خمس سنوات كنت سمين و قدرت انزل اكثر من 30 كيلو من وزني خلال 7 اشهر ولله الحمد
من 102 كيلو إلى 69 كيلو وطولي
179
ماشالله... ذكرتني بنفسي لكن حالتي كانت اصعب
الايام الحالية وصل وزني إلي 80 وفكرت العب حديد كملت 4 شهور حاليا واخذت كورسين بروتين واحماض امينية ،، حاليا انا في الكورس الثاني (ضخامة)
عموما زبدة الموضوع ياجماعة انا ماتغير جسمي بشكل واضح
كل من شافني قال معقوله 4 شهور وزحمة وبروتين وماتغيرت
اربعه شهور قليله ومايتغير فيها الجسم ولكن يتحسن
وانت ربما كنت مهمل التغذيه او تستعمل مكملاتك بطريقه خاطئه
والي يقلك هالكلام مايدري ان الحديد لعبة استمراريه
بعد هالتحطيم حاولت احصر الاسباب كالتالي:
السبب الاول: الاكل
انا احاول مااكل كثير
واعتمادي في البروتين على المكملات خوفا من السمنه وتراكم الدهون (خايف ارجع لوزني القديم ) وثانيا انا ماعندي وقت اسوي لي اكل خاص وست وجبات في اليوم ،، فعلا مافي وقت ابدا وصعبه اني اكلف شخص في البيت يسوي لي اكلي الخاص ،،، ووجباتي تقريبا اكل غدا ويكون خفيف وعشاء خفيف وبعض الاحيان مااشتهي اكل كثير ،،، و ايام الراحة احاول اخفف المكملات والاكل بشكل اكبر
خطا الي قاعد تسويه انت مهمل التغذيه وهذا اكبر خطا لهذا السبب 4شهور وماستفدت شي
اليك نظام 4وجبات (نظام قليل الدهون)
1-شوفان بالحليب + 4بياض بيض
2-فواكه مشكله
3- صدرين دجاج+صحن سلطة مشكله خاليه من الملح
4لبن زبادي قليل الدسم + اجبان قليلة الملح+3بياض بيض
السبب الثاني : الترهلات
انا عندي ترهلات في الصدر واليدين والارجل وكل مكان تقريبا ، عشان كذا اتوقع انه بسبب الترهلات يمكن صعبه يكون فيه ظهور للعضلات وتقاسيمها ويبيله وقت اكثر
المفروض انك نزلت نزول رياضي وقضيت عليها لكن ماعليك منها ومالها دخل في تراجع او عدم تطور
مستواك
السبب الثالث: نوعية جسمي
قلت يمكن جسمي من النوع اللي صعب يتقبل الحديد و يحتاج وقت اكثر لاني بشكل عام اعتبر شخص كسول
ممكن... في اجسام من هالنوعيه حسب الجينات لكن ماعليك مسالة وقت
لكن ما اتوقعك من ذا النوع
مع العلم ياشباب انه في اشخاص بديت قبلهم في النادي وتطوروا اكثر مني من جميع النواحي ،، لكن اتوقع بسبب عدمم وجود الترهلات في اجسامهم
هم ماشين صح وانت ماشي غلط عشان كذا
فعلا اعرف ناس لها سنين وماتغيروا لانهم ماشين غلط فاللعبه
اتمنى ياشباب تفيدوني بهذا الخصوص وش احتاج برأيكم وش افضل الحلول لمشكلتي
تم
من ناحية الاوزان الحمد لله فيه تطور
والارادة والعزيمة والصبر كلها موجودة لكن ابي نتايج في جسمي
لا تحقد علي لانك عزيز وغالي 
