احد النماذح الشعرية للشاعر كريم الجز
ابن المنوفية
وهذا نموذج شعر عامى لكن مؤثر جدا ان فهمناه
الموقع صعب بجد والصورة اشد
قم بالتعليق بعد قراءة النموذج
اتمنى ان يعجبكم
وقريبا يصدر على الانترنت قصائد مختارة له على سى دى مكتوب ومرئى وصوتى فانتظروا
يقول الشاعر
------------
مافيش للغلابة مكان
على ارضك
بيبوسوا ايدك
واقعين فى عرضك
لافوقها مرتاحين
ولا تحت التراب
ضعاف مساكين
محاوطهم خوف وعذاب
صرخة طالعة
من جوه القلوب
بتقول ارحمونا
كفاية خراب
خايفين من المكتوب
ولامتى بس عذاب
هنفضل كدا عايشين
ووشنا فى الطين
شايفين وسامعين
وساكتين ع الفساد
لامتى بس عناد
الحل مش بالبعاد
ولا ضغطة ع الزناد
هتقدر المكتوب
كل شئ محسوب
بس الكيان مقلوب
سؤال ملهش جواب
سكينة دباحة
تموت الاحباب
عدينا وخطينا
ودوسنا على رقاب
ناس كان نفسها
تعييش يومها وحلمها
ولا مش من حقها
حلم ولو كداب
حلم لو زايف
انا مش خايف
سامع وشايف
على ارضها واقف
وراسى مش فى التراب
