يا جماعه هذا ثالث يوم مواصل ما نمت ... زهقت مو عارف شسوي

[nassernasser123]

السلام عليكم
يا جماعه والله زهقت احط راسي بالفراش 4 -5 ساعات كلش مو راضيه تجيني النومه زهقت ماني عارف من شنو انا لا زلت اخذ مكملاتي اللي اهم
نو اكسبلود
نايتركس
سيل ماس
ترو ماس
انيمال تيست
وصارت فيني افلونزا وقمت اخذ معاهم
مضاد حيوي
بندول

قلت يمكن انه مو زين او فيه تضارب بين هذا وهذا بس والله نفسيتي حيل حيل تعبانه انا في فتره اختبارات ياريت تشوفولي شنو الحل رحت الطبيب كل اللي قاله ( ليه بتاخذ الاشياء دي هيا اللي عاملك فيك كده )

[scaryface]

حاول توقف من الاشياء اللي فيها الكافيين Caffeine اقرى مكونات المنتج واي منتج يحتوي على الكافيين وقفه

[طموحي]

اولا يااخي الكريم عليك بالصلاة فهي راحه للقلوب
ثانيا قد يكون هناك شيء شاغل بالك حاول انه لاتفكر كثير بالتوكل علي الله
ثالثا علي اعتقادي انه نو كسبلود فيه نسبه كافيين قد يكون هو السبب

اتمني لك التوفيق

[العاشق M]

شوف يالحبيب اول ماتسوي اذكر الله
وثاني شي اقطع كل المكملات شوف اذا نمت او لا
وبأسرع وقت

[*blueeyes*]

اتبع نصائح الاخوان ..

مغلى النعناع بيفيدك ان كانت بعض المكملات تحتوي على نسسبه من المنشطات

حيث يزيل تأثيره

بالتوفيق

[معضل محترف]

غير السرير اللي تنام فيه
او نام على الارض

[sami1989]

حلك اخوي بسيط

اولا قبل كلشي اقطع الان او اكسبلود حاليا

نتيجة الارق القوي عندك فماراح تكدر تنام بسهوله!

خذلك حبايه منومه وكلشي راح يرجع لطبيعته وخلاص

[بعارين]

استخدم الانواكسبلود قبل النوم ب8ساعات

[ابو مهاا]

الله يستر عليك ياناصر مكملاتك كثيره وجسمك الظاهر انه ماتحمل اثرها انها تنشطك وتزيد من نشاطك عموما مثل ماقالولك الاخوان اقطع اكسبلود وخذلك منوم من الصيدليه في اعشاب تنوم تريح الاعصاب مو بندول نايت تلقاها عندهم وان كنت من اهل المنطقه الرابعه تلقاه بصيدليه دلال بالرقعي بالتوفيق اسمها ماني ذاكره بس جربتها قبل فتره طويله بالتوفيق

[آبو رآشـد]

لاحول ولا قوة الا بالله

المكملات مهيب لعبة يا كابتن ولا تحسب كثرة المكملات تفيد ترا النقص عليك احمد ربك ان المشكلة مشكلة نوم ماهي مشكلة جنسية او في الكلى او لو تستخدم كورس هرمونات اصرف من ان تستخدم الي تسوية انت مع انك مدخل هرمونات عبر الانيمال تست

على العموم عزيزي

وقف منتج النواكسبلود والسل ماس والنايتركس وبالنسبة للانيمال تست بتلقا فية حبة لونها احمر وقفها بعد

واجلهم الى وقت اخر تصير تاخذ النواكسبلود جرعة واحدة فقط مع النايتركس وبعد ما ينتهي

تستخدم السل ماس مع الحبة الحمراء حقت الانيمال تست

حاليا وقف الي ذكرتة لك ولا تستخدم اي منتج يساعد على النوم زي بندول سليب وطقتها

بالتوفيق وما تشوف شر

[THE CAST]

وعليكم السلام ورحمة الله وبركاته
اايد كلام اخوي سكيرفيس,وماقصرو باقي الاعضاء
ومالها داعي كثرة المكملات
اي مكمل فيه كافيين وقفه ك ان او اكسبلود ,ايضا لاتتناول اي مصدر للكافيين (شاي ,قهوه..)
...
بالنسبه للمنشطات مكملاتك لاتحتوي على اي منشط
(تعقيب على رد احد الاخوة)

بالتوفيق

[بعارين]

لاحول ولا قوة الا بالله

المكملات مهيب لعبة يا كابتن ولا تحسب كثرة المكملات تفيد ترا النقص عليك احمد ربك ان المشكلة مشكلة نوم ماهي مشكلة جنسية او في الكلى او لو تستخدم كورس هرمونات اصرف من ان تستخدم الي تسوية انت مع انك مدخل هرمونات عبر الانيمال تست

على العموم عزيزي

وقف منتج النواكسبلود والسل ماس والنايتركس وبالنسبة للانيمال تست بتلقا فية حبة لونها احمر وقفها بعد

واجلهم الى وقت اخر تصير تاخذ النواكسبلود جرعة واحدة فقط مع النايتركس وبعد ما ينتهي

تستخدم السل ماس مع الحبة الحمراء حقت الانيمال تست

حاليا وقف الي ذكرتة لك ولا تستخدم اي منتج يساعد على النوم زي بندول سليب وطقتها

بالتوفيق وما تشوف شر

يا طويل العمر ايش فيها هذة الحبة الحمراء لان اخوك ناوي يستخدم الانيمال تست قريبا

[ابوناشي]

طبق كلام الأخوان وجرب تاخذ دش دافي وانسدح على السرير
الله يعافيك وتقوم بالسلامه

[nassernasser123]

مشكورين الجميع ما قصرتوا ويعطيكم العافيه ... وان شاء الله بطبق الكلام اللي قلتوه لكن
كابتن ابو راشد الانيمال تيست فيه 4 كبسولات + حبتين اللي يصيرون كأنهم جل لونهم ادعم مافيه حبه حمرا ابدا
ثاني شي الكثير قال عن مكملاتي انها كثيره مع انه انا اشوفه اهو ستاك من شركة بي اس ان شي يكمل شي وينباع كله كامل الفرق الوحيد انه بدال axis ht بدلته ب animal test وهذا الستاك

وايضا بموقع بودي بيلدنق ينباع ستاك كامل ومعروف هالستاك انه ياخذونه كامل http://www.bodybuilding.com/store/bsn/fightstack.htm

لكن راح اطبق كلامك بو راشد ان شاء الله اني اوقف السيل ماس لكن لا توجد حبه حمراء في الانيمال تيست
ايضا في حاله احتباس البول ( مكرم السامع ) هل يجب استخدام شغله تدر البول

[nassernasser123]

اخوي ذا كاست انا ملاحظ عليك بكذا موضوع انك تقول الانيمال تست مو برو هرمون لكن اقرى بالموقع تحت العلبه شنو كاتبين The Ultimate In Legal Hypertrophic, Pro-Testosterone Supplementation!
وهذا الرابط
http://www.bodybuilding.com/store/univ/test.html