طريقه سهله لعمل عصير البابايا

[Arashi]

السلام عليكم ^^
جبت لكم طريقه سهله من عندي لعمل عصير بابايا خفيف عالمعده ويبرد القلب

بكل بساطه

تحتجاين نص بابايا مقطعه (اذا كان حجمها كبير) او بابايا كامله ان كان حجمها صغير
نص كوب حليب طازج
ماء بارد (قد 3\4 لتر)
4-6ملاعق سكر حسب الرغبه وحسب نوع البابايا اذا مستويه
10-12 حبه ثلج

انا جربتها حتى اللي ما يحب ريحة البابايا مثلي ممكن يشرب العصير لأن الحليب يتخلص من الريحه
واذا تحبين نتيجه افضل خليه في الثلاجه نص ساعه قبل التقديم (بس الريحه تزيد)


وبالهناء والشفاء

[Iris]

وعليكم السلام,

حلوه مواضيعك عصائر, ساندوتشات, و سلطات,
مناسبه بهذه الفتره, بالعطله, صيف, ووقت الليل خصوصا,

يس حلوه الوصفه هذه, غالبا نسويها سواء بابايا او افوكادو, واحيانا فرواله,
منعشه,

[Arashi]

^^^
انا اسويها عالافوكادو عاد تعالي عدي كم ملعة شكر احط -__-

ولازم اتركه في الثلاجه فتره طويله توصل لساعه عشان يتكون فيه الطعم <_<

وفعلا الصيف حر والواحد من كثر مايشرب ما وده الا ياكل اكل خفيف x_x

[Al Bhed Girl]

السلام عليكم ورحمة الله وبركاته



ماشاالله نشاطج حلو بالقسم ^^

عجبتني الطريقة ان شاالله اسويها باقرب فرصة

انا انسانه تحب العصيرات الغريبة ،، أميل اكثر للباشن فروت والجوافا و الخ اكثر من المنجا والتفاح والاشياء اللي تعودنا عليها ..

وفعلا الصيف حر والواحد من كثر مايشرب ما وده الا ياكل اكل خفيف x_x

صحيح انا لاحظت اني مااشتهي اكل حتى الرز #__#"
حدي خفايف وتكون مرة او مرتين و اوقف اكل XD

ممتاز تابعي وابدعي !

[Arashi]

انا انسانه تحب العصيرات الغريبة ،، أميل اكثر للباشن فروت والجوافا و الخ اكثر من المنجا والتفاح والاشياء اللي تعودنا عليها ..

يمممممممممم اموت في الجوافه
اظن عندي طريقه لعمل عصير الجوافه بالقشطه
بجرب الاول لأن الطريقه ضاعت لازم أكتشف شلون سويتها

صحيح انا لاحظت اني مااشتهي اكل حتى الرز #__#"
حدي خفايف وتكون مرة او مرتين و اوقف اكل XD

العيوش ما وراها الا زيادة الوزن وعوار البطن
الحمدلله في رمضان بنرتاح منها بكون اكلنا ثريد وبس

ممتاز تابعي وابدعي !

شكرا على تشجيعج لي ^_______^