يا شباب انا دخت من كتر المعلومات وكل واحد بيحكي شكل بس حابب اعرف مين الصح ومين الاصح ومين الغلط
واحد بيحكي انو التغذية لازم تمون مقسمة الى
40 % بروتين + 40% كارب + 20 % دهون
ثم واحد بيحكي
50% كربوهيدرات 30% بروتين 20% دهون
ثم واحد بيحكي انو الناس العاديين بحاجة 90 غ بروتين تقريبا ولاعبين الحديد 2 غ لكل كيلو يعني اذا وزنك 70 بحاجة 140 غ بروتين وهوه ما يعادل 17 الى 18 % مقاسة من مجموع السعرات اليومية واذا اكلت اكتر من هيك الجسم ما بيستفيد من البروتين الزائد بل يحوله الى دهون
شوفو الفرق بين اول كلام وآخر كلام من 40 % الى18% يعني اذا كنت بحاجة 3000 سعر باليوم في اول كلام رح تكون حاجتي للبروتين هيه 300 غ بروتين اما في الكلام الاخير 135
فرق النصف يا جماعة انا بموت لحتى اجمع 100 غ بروتين باليوم يعني اذا بحصل 300 بعدين بيطلع جسمي عم يكب نصهم او يحولهم لدهون كتير رح افرح
ولسا قال في مرحلة الكت 55% بروتين 35 % كارب 10 % دهون
انا تهت وما عم اعرف شو الحقيقة
يا ريت لو في اخ بيعرف ويكون عندو مصدر موثوق او نظرية علمية يعتمد بكلامه عليها ولكم كل الشكر والحب
