اشياء كمال اجسام رخيصة للشراء

[زاحف مزحف]

بسم الله الرحمن الرحيم

اخواني مابي اطول عليكم بس ياشباب انا تمارين في البيت مع 2دمبلز وبار وشي كذا وبنش مع حقت الضغط بس لا يحط يقول قعيطي ولا بزر الله يرحم والديكم المهم انا واعوذ بالله من كلمة انا عمري 15\طولي\160 وزني 50 وجاني كذا مبلغ بسيط وتحيرت به فحبيت اشتري يعني اشياء بسيطة عرفتو وشلون بس لاحد يضحك 50 ريال على عمري هاه بس عاد وش نسوي
فياليت يامرعبين الذيابه تعطوني اشياء رخيصة ومفيدة (طرار ويتشرط)الدنيا

[طموح رياضي]

الله يسلمك .. ويطول عمرك ..

بما ان المبلغ قليل ..

اشتر لك .. كيس سمنت وتعرف (سطل البويه) جب لك اثنين وجب لك حديده وحطه جهتها اليسار بالسطل الاول وصب عليها الاسمنت .. والجهه اليمن من الحديده حطها بالسطل الثاني .. وصب عليها سمنت ..

والعب فيها حديد .. ارفعها ونزلها ..

[اطول 1]

عندي لك راي يا الحبيب ليش مو بالخمسين ذي تشتريلك عقله الي تثبت بالجدار
لانها من اهم تمارين الظهر


وترا الطفره موب شي يفشل
الي يفشل الي يمد يده للغير وهو قادر
والله يوفقك

[زاحف مزحف]

ما قصرت ياذيب بس معليش عندي بار ليش اتعب نفسي على العموم ماقصرت يا طموح رياضي والله يوصلك لطموحك

[زاحف مزحف]

ماقصرت يالطويل خيار وخيار ثاني يلا ياشباب وتراك صدق ماقصرت رفعت معنويات وغيرك كان منزلها

[اطول 1]

^^^^^^^^^^^^^^^^^^^^^^^^^
حياك يالخوي والي منزلها قله اببببشر بس

[زاحف مزحف]

لا عاد تخليني اتخيل اني فاتح نادي موب خمسين ريال

[اطول 1]

ياالخوي تخيل ترا التخيل ببلااااااااش
ومحد ماسكك قايلك لييييييش
ههههههه

[زاحف مزحف]

هههههههه ياخي خلاص انا بانطم (بسكت)من ردودك وماقصرت بس انت ماتدري انت في اي ديرة وانا في اي ديرة (الرياض) اه ومادراك ومالرياض حتى الخيال ممنوع حتى افلا م ديزني الي فيها خيال ممنوع

[اطول 1]

اقول لا تنطم بلحالك لاني منيب بعيد عنك لاني من القصيم ((( اويلااااااااااو ))) ((( خمست اريل ))) ((( هلييييييييي ))) خخخخخخخ<<< ياحبيلنا بس
المهم يالخوي عليك عنوان موضوع يبيله مدرس خصوصي عشان ينفهم
واقول ما تلاحظ اننا طقينها سواليف
والظاهر اننا بنتكي بالتوقيف <<<< باااااااند الله لا يقوله
يله برب

[THE CAST]

!!!

قبل فترة رحت محل رياضي وسالته عن طقم دنابل وقال ب350 , وانت تقول معك 50 ريال اللهم اجعل اربعة اصفار ينضافون لها قل امين.

و انت عمرك15 وفي هالسن ما اشوف له داعي تلعب حديد ايضا مافي مدرب يشرف عليك
وقد تطبق تمرين بصوره خاطئه فتشوه بنيانك الجسماني
وطب الرياضه يدعم كلامي والشرح يطول .....


عليك بالتمارين السويديه لكي تشد جسمك وتأهله بقوه للعب الحديد اذا دخلت سن ال18 ان شالله


تحياتي

[الرمـادي]

يا اخي خل الخمسين ريال عندك

العب بوش اب وضغط بطن والعب جري كل يوم بتصير عندك لياقة عالية وإن شاء الله لين وصل عمرك 18 سنة روح للحديد ووقتها راح تكون جاهز بدنياً وصحياً للحديد

[زاحف مزحف]

اااااااااااتننتنم

!!!

قبل فترة رحت محل رياضي وسالته عن طقم دنابل وقال ب350 , وانت تقول معك 50 ريال اللهم اجعل اربعة اصفار ينضافون لها قل امين. امين امين انك مجيب الدعاء

و انت عمرك15 وفي هالسن ما اشوف له داعي تلعب حديد ايضا مافي مدرب يشرف عليك تكفى اسباب خاصة تخليني العب في هالعمر وبالنسبة للاطريقة فالمنتدى مايقصر
وقد تطبق تمرين بصوره خاطئه فتشوه بنيانك الجسماني
وطب الرياضه يدعم كلامي والشرح يطول .....

عليك بالتمارين السويديه لكي تشد جسمك وتأهله بقوه للعب الحديد اذا دخلت سن ال18 ان شالله

تحياتي

تحياتك ولا سلامك اه طيب ماعاد اذب ذب دايخ مره ثانيه