المشاركة الأصلية كتبت بواسطة themaddemon
عادي يمديك تنزل وزنط حتى لو أكلت مقالي و دهون بدون مشاكل و الطريقة سهلة جداً لأن هذولي مو زينا ياخدها شغلة تقديرية وبس و يمتنع عن الدهون بدون سبب ،، هذولي يحسبوا نسبة الدهون بالجسم و وياخدوا وزن العضل الصافي ويضربوه في 13 والنتيجة الي تطلع هي كمية السعرات الحرارية الي ياكلها باليوم عشان يحافظ على وزنه ،،، فإذا يبغى ينشف يسوي جدول غذائي كل اسبوع و يطبخ الاكل كامل كل اسبوع ويخليه في الثلاجة بس تكون كل أكلة محسوبة السعرات الحرارية حقتها بس ينقص منها 500سعره حرارية عن السعرات اليومية الي طلعت وبالتالي ينقص وذا يبغى يزيد يرفعها 500كالوري شوي شوي الى ان يوصل الى مثلا 1000كالوري زيادة(لانه ببساطة فيه ناس عملية الايض عندها سريعة جداً ماشاء الله فيحتاج اكثر من الشخص الطبيعي والي 500سعرة فقط* ،،، وكمان يحسبوا كم كالوري خسروه في الحديد و الكارديو...
المعادلة سهلة: الكالوري الداخل الجسم < من المحترق في النادي و الخارج من الجسم= نقصان الوزن
.الكالوري الداخل الجسم > من المحترق في النادي و الخارج من الجسم= زيادة الوزن
الكالوري الداخل الجسم = من المحترق في النادي و الخارج من الجسم= المحافظة على الوزن.
مع العلم ان:
1جرام بروتين = 4سعرة حرارية.
1 جرام نشويات= 4سعره حرارية.
1جرام دهون= 9سعره حرارية.
أغلب الناس ببالها لو أكلو دهون راح تتخزن دهون وانه الدليل لما يمشوا على دايت خالي الدهون يبدأوا ينقصوا في الوزن ،، بينا هذا غير صحيح ،، وببساطة الي حصل معاهم ان الجرام في الدهون = 9كالوري يعني ضعف البروتين و النشويات يعني يكون طبق المعادلة الاولى بدون مايعرف ونقص وهو بباله ان الدهون لما تاكلها تتخزن دهون!!
حتى الدليل جرب تحب السعرات الحرارية و قسمها 50% دهون و 50% بروتين و0% نشويات ونقص 500وحده بس وشوف حتنشف ولا لا
وسوي العكس خلي الدهون 0% كالعادة و 50% بروتين و 50% نشويات بس خليها زيادة 500سعره حرارية وشوف ايش يحصل
بالتوفيييييييييق
لي اكثر من شهر نو غازيات يارباه يالبيبسي ونو مقليات يارباه يالكبسه ويالبرستد ويالبرغر بس كله يهون مدام جسمي طالع اوكي وبصراحه الشهر ذا جسمي فرق كثير بس احس شوي ارق وبعض الاحيان مانام
