الصدر مسرح والحنايا مدرجات مشيّده
سجنت حزني خلف نيران الشفاه الموقدة=حطيته وقيدته وقفيت ثم قلت أنثبر
بنيت لي في منزلي من عالي الفكر أعمده=أركانه وجدرانه حروفٍ وأقلام وحبر
سرحت بأفكاري وقلت الشعر ليه اردده=وش في خفوقي ماتحرك من مكانه لو شبر
غنيت ثم حنيت ثم رددت يالله أسعده=ذاك القوام اللي بزينه كل زين ينتثر
عقارب الساعة تغني كل حرف وتنشده=لا جيت اسولف بالحبيبة كل همٍ يندثر
أوراقي ترفرف وتهتف والقلم وش يقعده=حتى عروقي من طروقي حاورتني بالشعر
والصدر مسرح والحنايا مدرجات مشيّده=والبيض من دمي تقصّد واللحن عند الحمر
واللجنة القلب وكلاي وفقرة من أعمده=وراع الحفل زهر وشجر صبح ٍ مغطيه الشعر
هذا كحيل العين شيخ الزين قلبي في يده=واللي من أسبابه قصيدي من منابعه انفجر
