8 ايام فقط تسببت بنزول العضل

[حمووودي7]

السلام عليكم ورحمة الله وبركاتة

شباب انا منقطع عن التدريبات من 8 ايام ونزل وزني بشكل رهيب في العضل طبعا ولاكأني كنت اتدرب
صاير نحيف
الطول167-الوزن66 قبل8ايام الأن وزني 63 العمر 22

هل فيه مشكله ولا انها شي طبيعي
لأني منقهر على مجود 4 اشهر في محاولة تقسيم الجسم والان مختفيه العضلات خخخ
طبعا استخدم بروكمبلكس -وانابوليك10000
في أيام الراحه ماستخدم المكملات
تكفون شباب ابي حل
لاني اشوف اني اتمرن واخسر عضل بسرعه


(وكل عام وانتم بخير)

[THh Rock]

هلا بك يا وحش
عادي جدا اللحين اشتغل اسبوع وترجع امورك تمام ( لا تنسى سبحان الله كل جسم عنده ذاكره رياضيه)
مثلا انت لاعب 4 شهور اكيد ماراح تكون مثل الي توه بادي اسبوع بالكثير وترجع مثل ما كنت
بس يبيلها تعدل اكلك وتركز في تمرينك
والافضل انك كنت تستخدم القلوتاميين للمحافظة على منع هدم العضله
لكن الحمد لله على كل شيء

[THE CAST]

وعليكم السلام ورحمة الله بوركاته

الوضع عادي جدا لكن لاتهمل التغذيه والمكملات لازم تستعملها وقت الراحه.
وانا قاطع رمضان كله تقريبا الى الان مارجعت للنادي
والشوق للتمرين وصل ذروته


بالتوفيق

[حمووودي7]

ماقصرتو اخواني ذا روك - وذاكاست يعطيكم العافيه

[scaryface]

شي طبيعي تكركك للمكملات وخاصتا اللي يحتوي على الكرياتين راح يزيد من خسارة الماء بالعضل

اسبوع ما راح ياثر كثير بس حاول لا تزيد اكثر من اسبوع راحة حتى لا تخسر عضل

بالتوفيق

[RS4EVER]

سبحان الله اللي صار معي العكس
زاد وزني خلال 3 ايام 1 كيلو
كان76.4 يوم 30 رمضان، اليوم وزنت بنص التمرين لقيته 77.4 !!

[sami1989]

سبحان الله اللي صار معي العكس
زاد وزني خلال 3 ايام 1 كيلو
كان76.4 يوم 30 رمضان، اليوم وزنت بنص التمرين لقيته 77.4 !!

الاجسام تختلف ياصديقي ,, لكن هذا الشي يعتمد على تقسيمك للاكل على مدار اليوم ,, وعامه مثل ماقالو الشباب اكثر من اسبوع راحه ماينصح ,, لازم تكون متواصل وخاصه من الي يعانون من عدم زيادة الوزن اي شي رح ياثر عليهم خاصه للمبتدئين في اللعبه

[الرمـادي]

بما انك ما استخدمت منتج كرياتيين ولا بمب فالخسارة ما كانت ماء

يكون قياسك للميزان ما كان دقيق

لانه 3 كيلو في 8 ايام أمر غريب

وانا موقف تمرين من العشر الأواخر وحتى اليوم والحمدلله ما اشوف تأثير في الوزن إلا قليل.

وأي شخص يوقف تمرين لفترة اكثر من اسبوعين يفضل يستخدم HMB و جلوتامين، وراح يوقف الهدم في فترة الراحة.

تره كل ميزان يعطيك وزن مختلف، حول توزن بنفس الميزان، وبعد لو الميزان الي وزنت فيه من نوع رامز، لا تهتم للرقم الي يظهر لك !!

[الامبـــراطور]

انصحك بالجلوتامين لانة يحافظ على حجم العضلة ويمنع الهدم

[حمووودي7]

انا استخدم البروكمبلكس وسمعت انه فيه نسبة من الجلوتامين مدري هل هو غير كافي - والميزان صحيح كان غير الميزان اللي في النادي سويت اللي يطلع نسبة الدهون في الجسم +الضغط +الطول+ محيط الخصر



وشكرا على ردودكم المميزه

[الامبـــراطور]

والله انا اقول 3 كغ في 8 ايام غريبة انت خذ نفس الميزان
بس 4 شهور لسا ما اسست اقل شي سنة متواصلة ومثل ماقلت لك ركز على الجلوتامين والامينو وانشالله تتحسن
انا لماانقطع 10 ايام او اسبوعين بس في اسبوع او اسبوعين ارجع لاوزاني

[ولد ابوظبي]

.. شي طبيعي حبوب ..

اهتم بالتغذيه الجيده .. حتى تقلل من خسرانك للعضل .. انا من بداية رمضان وحاس بنزول بطييء .. مع المحافظة بقد مااقدر .. وخاصه انه جسمي من النوع اللي صعب يتقبل الزياده ..

تمنياتي بالتوفيق .. وان شاء الله ترجع احسن مماكنت

تحياتي

[حمووودي7]

مشكورين علو المرور الجميل الامبراطور وweld ad ماقصرتو

[حميد الشيبه]

اخووي ها شي طبيعي انا نفس الشي قطعت اربع ايام نزلت كيلوين اله ربع
يوم ترجع للتمارين بالكثير اسبووع وبترجع جسمك نفس ما كان وازود بعد
تحياتي

[حمووودي7]

اليوم برجع النادي وشكرا اخوي حميد الشيبه