قديم وجديد على الحديد
السلام عليكم اخواني منتسبي المنتدى
بصراحه العنوان مادري اذا مخالف ولا لا... بس ان شاء الله مايكون
الخبرة ماتكون الا بالممارسة وانا متقطع بالزين بس هالمرة ناوي نية ان شاء الله اني اكمل... لكن ماقدر اكمل عمياني.. لازم مرشدين واخوان مثلكم ينورو الطريق
السموحه على المقدمة...
اخوكم طوله 177
وزنه 83
نسبة الفات مادري والله... بس ناوي اروح واشيك
العمر 35 ... يعني نص شيبة
فترة الممارسة.... 10 سنوات... بس من العشر رحت الجيم على عدد الاصابعبس في تقاسيم قديمة باقية وكل مارد تطلع التقاسيم ... بس مو ذاك الزود... لاني اطلع وارد
انا بديت اتمرن من شهر... وعندي كم سؤالي في خاطري حد من الخبرة يرد علي
بسم الله نبدأ
1) كثر المكملات الغذائية ماتأثر على جسم الانسان بعد فترة من الزمن؟؟؟؟ انا ماقصد الهرمونات ومشتاقاتها... اقصد الروتين والكرياتين وهالانواع
2) انا اشتريت ليبو 6 بلاك بس ماستمريت معاه غير يومينبعدين المدرب يقول انه ينزل الوزن.. بس انا ماعندي وزن عالي.. يمكن الخواصر و كرشة دائرية مو كبيرة... قال استعمل الانيمال كتس وانا الحين استعمله من يومين... وان شاء الله النتائج تكون زينه... الحين انا الي سويته صح ولا لا؟
3) اشتريت وي بروتين اسمه ISO 100 ... المدرب يقول يعطيك عضل بدون فات... الحين صح كلامه وهل ينفع... لاني شفت التقارير عنه بالامنتديات الانجليزية ويمدحون فيه؟؟
4) وقال لي استمل نايتركس بعد عشان القوة.... بس ماشريته... بصراحه مافيني اكل كل هالمكملات... انا الي سويت صح هني ولا لا؟؟
5) صح انا استعمل ملتي فيتامين من GNC اسمه Mega Men.. ينفع هذا ولا لا؟؟
ممكن تفيدونا بصراحه راسي داير من كثر المكملات الي اخذها
اخفف منها ولا اكمل ولا شو اسوي
مشكورين والسموحه مرة ثانية
المشاركة الأصلية كتبت بواسطة مرسى مكلا
